انتقام حاد (لهدير دودو )

الفصل الواحد و عشرون

وصل ياسر الفيلا و قرر ان يفعل مثل ما قال له جاسم فدخل غرفته مقررا ان يمثل على والدته انه لا يعرف شئ اول ما وصل جاءت اليه ماجدة و قالت له بصوت منخفض : تعالى يا ياسر عاوزاك في حاجة مهمة

نظر لها ياسر بضيق ثم اتجه معها الى الغرفة و قال لها متسائلا بعبوس : ها يا ماجدة هانم في ايه

عقدت ماجدة حاجبيها بدهشة من طريقته و لكنها قالت بقلق : جاسم شكله كشفنا كان في أمريكا بيقضي شهر العسل مع ريم يعني هي لا هربت و لا حاجة تفتكر مقلناش حاجة ليه و لا اخد رد فعل انا خايفة احسن يعمل حاجة

كان ياسر يسمعها و على وجهه معالم الصدمة و الدهشة فهو لا يعرف كيف علمت هي بتلك المعلومات فقال لها بتساؤل : و انت عرفتي كل المعلومات دي منين اصلا

ردت ماجدة عليه بلا مبالاه : لا دي بتاعتي انا المهم هنعمل ايه و ركز ان هو مقالش لينا حاجة و لا جاب سيرة انه عرف

هز ياسر كتفيه و قال لها بضيق مدعي التفكير و الجدية : مش عارف بس انت عارفة ان جاسم محدش بيقدر يتوقعه و لا يخمن هو عاوز ايه بالظبط و ايه اللي بيدور في دماغه ثم تابع بغضب مزيف انا اصلا مكنتش موافق انت اللي قعدتي تقنعيني و تقوليلي هتاخد ريم في و في الاخر هربت و اهه بتقولي انه كان معاها بيقضي شهر العسل يعني مستفدتش حاجة منكم

تنهدت ماجدة بغيظ و قالت له بصوت عالي نسبيا : شوف انا بقول ايه و انت بتقول ايه يا ابني ركز معايا جاسم دلوقتي بيفكر في ايه

هز ياسر كتفيه دليلا على عدم معرفته و قال بغضب : معرفش معرفش انا رايح اوضتي احسن اعرف افكر و اشوف هنعمل ايه قن صعد الى غرفته و هو كل ما يشغل تفكيره كيف ماجدة عرفت تلك المعلومة مقررا ان يقول لجاسم في الصباح كي لا يقلقه الان

""""""""""""""""""" عند جاسم اول ما وصل المنزل وجد ريم جالسة امام التلفاز تنتظره اول ما رأته بدلت ملامحها الى الضيق و العبوس ابتسم جاسم عليها ثم اتجه لها و قال متسائلا  بهدوء مع بعض المرح : في ابه يا ريمي مالك يا حبيبتي مين اللي مزعلك و انا اقتلهولك فورا

ظلت ريم تحدق به و قالت بضيق : اه على اساس انك مش عارف جاسم انت عارف انا لغاية دلوقتي متصلة بيك كام مرة ... اربع مرات يا جاسم و كل مرة تقولي عشر دقايق يا حبيبتي و هبقي عندك و انت داخلي الساعة تلاتة الفجر دة انا قولت انك نسيتني و هتبات في الشركة

ضمها جاسم الى صدره و قال بصوت حنوى ملئ بالحب و هو يدث يده في شهرها و يلعب فيه بحنان : و انا اقدر برضو يا ريمي بس قولت أخلص كل الشغل اللي ورايا عشان انت عارفة في شهر العسل مكنتش برد على اي مكالمة تبع الشغل عشان افضالك ثم اكمل بخبث و أنا اصلا كنت طول اليوم عمال من الصفقة دي للصفقة دي لغاية ما تعبت يعني متأخرتش بمزاجي يا ريمي انا لو عليا افضل اليوم كله جنبك