المي وملاذي

البارت الرابع عشر 14

السلام عليكم 🌺🤍
★#ألــــمـــي_ومــــلاذي★
★البارت الرابع عشر 14★
الكاتبة اساور حسين
ما تكـاتلنه ؏ كيفك يالعزيز
عازتك ؏ الهوا حدود الشبر
ومن كون بيه عيوب
تفصلني تفصال
تكسر ضهرنا زعلاتك ثگال .
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
رهف..

خفت من وجهه كلت مو مال اناقشه بعد خلي اسمع كلامه احسن الي ليرزلني..

رائد:امشي ورايه بدون صوت الكلام الحجيته كله يتنفذذ..

مشيت ويا مثل الطفله التمشيي وره ابووها بدون خوف..واني اطرش بالزفه فتح الباب والفضول اكل عقلي اكل غير اسمع الكلام واكعد واسكت غير استقر ومااخلي يعصب عليه مااكو لازم اسويلي فد سالفه..

تقربت على باب مديت راسي اريد اريح فضولي مااحس غير انضربت على راسي التفتت اباوعله بحزن والدمع اجمع بعيوني كتله..

رهف: هاي ليش هيج تضربني..

سحبني من ايدي ومشى بيه للغرفه ويحجي بصوت ناصي بس يضغط على مخارج الحروف..

رائد: من ايدج هل اعناد متبطلين منا اكلها فوتي بوجهج جوه تمدلي راسها جنها زرافه تريد تباوع هاي اسوالفج لو تووبين منها اني اعيش ملك .

رهف: هو غير يستقرر تعال اقنعني انت ماتعيش ملك والسبب فضولي يله اقنع..

رائد: شبيه اكعد واقنعج ناقص عمر مااريد روحي امشي بوجهج للغرفه حجي زايد مااريد..

هزيت ايدي وعفته وفتت للغرفه لكيت البنات كاعدات ويسولفن سلمت عليهن وعلى عمتي وسألتهن بفضوول بس مو هذا الفضول شلون مكان لا فضول اصليي..

رهف: عليكم الله منو جاي بالبايسكل شوو هذا رائد نكلب وجهه..

ام رائد: هذا ابن عمج..

رهف: اه عندي ابن عم مااعرفه..

ام رائد: اي ابن عمج جاسم عايشين بمصر وازوج مصريه خلف ولد ثنين وبنات ثنين .. رجع اخذ كاع من كيعان عمامج وباعها بدون ماايحجي للورثه لزمو عمامج وكتلو كتله مرتبه هوو والمشتري وطردوو مايحجون ويا وكطعو كل علاقتهم بيي..

رهف: وليش اجو هسه؟

ماجده: والله يااختي ماعرف بس ابويه عزمه على غده لان مهما يكن هذا اخوو وابويه سوده عليه تدرين بي يحبهم مايريد يخرب علاقته لا ويا عمامج ذولاك ولا ويا عمج جاسم..

رهف: زين اذا هو ابن عمي معناها عادي نطلع ونكعد ونسولف وياا شكو بيهاا.. شنو السبب الي يخلي رائد يعصب..

ماجده: لان اطباعه غير اطباعنه تربه بره مو بس انتي ممنوع عليج حتى احنه ممنوع علينه نسلم عليه لو يشووفنه..

ضليت اسأل وهيه خطيه متكول شي اجاوبني.. ماكو دقايق ونفتح الباب فات رائد عصبي..

رائد: صووتجن وقززز القططط اصواتجن وضحكجن يسمعو الجوارين .