المي وملاذي

البارت السابع والستون 67(ج2)

لاتنسون التصويت وتعليقاتكم الحلوه على فقرات 💛

السلام عليكم 🌺🤍
★#ألــــمـــي_ومــــلاذي★
★البارت السابع والستون 67 (ج2)★
★ الكاتبة اساور حسين🤍★

مآخذّت منهُم بس تعب ،
هالمره آخذ حيـفي 🖤.

♡♡♡♡♡♡♡♡♡♡♡♡♡♡♡♡♡♡♡♡♡♡
رهف ..

فتت للاستقبال جسمي ضربته صعقة ڪهرباء من الصدمه
وڪفت بالباب واني اشوف سند ڪاعد على تخم وسهاد
ڪاعده بصفه متقرب منهاا الى درجه وجهه بوجهه
صاير وهيه مااعرف شتهمس بااذنه

ضليت جامده بمڪاني صرخت بعلو صوتي
وڪلبي عصرني احس الدم صعد الراسي
رهف:-سنددددددددد .....

فز على صوتي سهاد عدلت ڪعدتهاا وطفرت من مڪانهاا
وهيه تحجي:-اهلي خابروني راح اروح ..

صحت:-سنددد شعندك وياا سهااد تحجي لا والعباس هسه افضحكم واشهركم ڪدام اهلها واخليهم يطلعوك دفرات

وڪف ڪبالي لزمني بقوه من ايدي وصرخ :-اه هااي عليمن ولج هذا يااڪواد يطلعني دفرات حتى انعل والدي والديهم
واخليهم بالبيت خاتلين مثل النسوان لج هم معتبره عندج عمام بالعباس شيخ واحد من شيوخنه يخليهم يزوعون عافيتهم ..

هزني من ايدي خله جسمي ڪله يتحرك وهمس
بغضب:-شوفي لج اني اهدد مااتهدد حذرتج قبل ومااخذتي بڪلامي وهسه ارجع احذرج ديربالج على نفسج تره
والله اندمج مستعد اسوي ڪلشي واڪسر راسج اذا تتحديني
وللعم اني اعرف ڪل تفڪيرج ومخططاتج بس ساڪت
على ڪلشي اڪول اجاهلهاا الحد ميوڪع الفاااس برراسس
شيووڪع رهف الفااس بالرراس ..

شمرني من ايدي وصل للباب وورجع التفت
ويحجي بڪل برود:-بس للعلم بت عمج مااعندي ويااها
اني معتبرها اختي بس جانت تحجيلي عن اهلهاا
ومخططاتهم الملعونه على ابوج واني جنت استمعلهاا
ولان مااسمع جانت قريبه عليه تدرين هيه صوتها ناصي

فهمتي بالذڪيه بعد اذا تعيديها وتتهميني هيج اتهامات من وره عقلج المريض محد يخلصج من ايدي لان هواي اجاوزتي حدودج وتعبت منج ومن تصرفاتج ..

ڪمل طريقه صعد فوك اني ڪل هل وڪت اريد بس استوعب الڪلام اليحجي شو ڪله تهديد وشمنتظر اخاف منه لا والله مااخاف ..

صعدت رڪض من حركت ڪلبي بايتين بايتين اصعد الدرج
فتحت باب الغرفه لڪيته واڪف وفاتح الڪنتور يريد يطلع
ملابس حتى يبدل ويشرد ڪل عاده بس لا والله ماافوتها الك.

ڪمزت عليه ضليت اضرب بي على صدره بكل قوتي واصرخ بعلو صوتي:-لك لاتهددني انت شنوو وتهددني
احترم نفسك يااحقير يااناني الله لايوفقك ڪل يوم والثاني مسويلي مصيبه ..

شوف سند والله اذا اكتشف عندك علاقه ويا سهاد
مااخاف من احد ولااخاف على احد خلي تكبر وتصير دم
لان المجرم الازم يااخذ جزاته فااحترم نفسك ويااعائلتي واهلي لاتلعب ضل العب على ساقطات الشوارع بس
عائلتي خط احمرر.