المي وملاذي

البارت العاشر 10

السلام عليكم 🌺🤍
★#ألــــمـــي_ومــــلاذي★
★البارت العاشر 10 ★
الكاتبة اساور حسين
لا يوجد وصف أدق لمآ بيننا عندمآ أحادثك- انت النعمة المخبأة بين أضلعي !🤍،چم مره نويت انساكَ بس فني !
♡♡♡♡♡♡♡♡♡♡♡♡♡♡♡♡♡♡♡♡♡♡
رهف..

حضنتها وبجيت وياها بعدتني عنها واشرتلي بيدها الحكها..شوية واشووفه كبالي كاعد ولابس دشداشتة السودة وكاف ارداناته وجهه مبين تعبان ضليت ارجف خايفة من الراح يصير التفتت اريد ارجع ستوقفني صووتة..

احمد:اخر طلب اطلب منج خلي تبقة ذكرره حلوه بينةة هل ريووك..

اباوع كباله صينية ريوك كل انواع الريوكات والاجبان بيها ...

التفتت لكيت سارة تباوعلنه ضليت جامدة بمكاني لااخذ ولاانطي خايفة ومترردده وبنفس الوكت اريد اسمعه بس شكد عيب شوكت كعدو منو حضر هل ريوك بس لااهله يدرون..هوه ضل يباوع بوجهي عبالك قره افكاري..

احمد:راح تبقين واكفه ماتكعددين شنوو..

تقربت بخطوات مامتوازنه كعدت كباله على اعصابي هوه صفن بوجهي وحجه بدون وعيي..

ـ انتي كل يوم من تكعدين من النوم هيج حلوه..

ـ هاا بددينه ترة والله اكوم منا..

ـ لالا سكتت خلي ناكل سوه وتبقه ذكره عندج مااريد بيوم تنسيني..ويصير بينة زاد وملح من الصبح حضرتلج هل ريوك بيددي..ردت اصبح بوجهج ياصبااحيي..

التفتت اباوع على ساره وأشرتلها علية بمعنى شووفي اخوج..كمت اريد اروح صرت سارة كبالي وحجت بهمس..

سارة:تحملي رهف بس هل ساعة احمد تعبان اليل كلة ينازع مانام لحضه وحدة يفتر بالبيت وروحه لايبه حتى خفت انام واعووفة واول مصار الصبح سوه هل اكل وصاحني اروح اكلج لاتحرركين كلبه الله يخليج..

ضليت اباوعلها واني حاايرة مااعرف شصرف وشسووي لزمت ايدي ورجعتني المكاني رجعت كعدت لان ماكو خيار ثاني كعدت هية خلت الشكر بالكلاصات وصبت الجاي حاار وريحته تخبل..سرقة نضرات بدون ميحس باوعت الوجهه التعبان هالات حول عينة وكل شوية يشمر حصرره حيل نقهرت علية بس مااكدر ابقة يمة صعبة حيل صعبة..

رجعت نضراتي على صينية جايب كيمر واجبان والبيض وصمون حار صفنت على مربة شمعرفة احب مربة المشمش..

سارة:لاصفنين اني كتلة رهوفة تحبها..

باوعلها ورد عليها بضحكه..

احمد:واني هم احبها لو هاي ماتحجيهاا..

سارة:على اساس انتَ لو تحب غير مربة جان جبتها..اولها وتاليها اجيب التحبها رهف..

باوعلي يبتسم اني هم بادلته الابتسامه مااريد اكسر خاطرة احاول اعتبره صديق او اخ واخلي معزتة بمعززة سارة حبيبتي مااكدر اكسر بخاطررها اتحمل كلشي الخاطررها...