المي وملاذي

السادس عشر 16

السلام عليكم 🌺🤍
★#ألــــمـــي_ومــــلاذي★
★البارت السادس عشر★
★#الكاتبه أساور حسين 🤍

شلون احبك؟
‏يا طَريقة التغَري گلبك
‏تريد بِـ خيوط الشَمس ‏يَمتزج شعرك؟
‏تريد ارسملك نجوم
‏شوية حمرة بلون خدّك
‏تحب اجيبنلك حواري
‏يحضرنلك حتى أكلك
‏اني حاضر
‏گلي هسة شلون احبك؟
♡♡♡♡♡♡♡♡♡♡♡♡♡♡♡♡♡♡♡♡♡♡♡
رهف..

فتت صبحت عليهم وكعدنا شويه وفات رائد ويا عمو اباوع على رائد وجهه ذبلان وعيونه حمررر..اباوعلهم كلهم يباوعوولي عبالك مسويه شيي خله ايده على راسه وصاح...

رائد:يااابااا الحكلييي الدنياا تفتر بيه..

كمز عمو والبنات سندو ضهره وهوه ضل يوون صاح عمي..

عمران:اركضن جيبلي كمادات صاير نارر..

ضليت اباوعله مصدومه مااعرف شسوي وشاصررف ركضت بلقيس جابت الكمادات عمي كوه شاله وكعده على تخم وهو صار نار من الحراره عيونه نكلبن حمرر..ماكدر حتى يكعد جابتله ماجده مخاديد ونام ساد عينه ويتألم ...ضل عمي يلوب فوك راسه عزيزه واكع كدامه وحالته اتبجي اتخبل..

شويه وطلع من البيت ماتحمل يشووفه ضليت واكفه بالهول واطكك بصابيعي والبنات وحده فايته وحده طالعه حايرات بي وعمتي تقرا ايات عليه..

ماجده:يمه خاف لان اكلنه البارحه موطه صار عنده فلاونزه بالعضام..

نصت صوتها وصاحت بيها..

ام رائد:اي وانتي شدكولين رائد الفلاونزه مالته مثل مالتنه..

سكتت وماجاوبتها بس حيرني كلامها وماعرفت افسره...!!

تعبت من الوكفه فتت للمطبخ كعدت على كرسي ربع ساعه ودخل علينه عمو يعقوب ويا عمو عمران من شفته كمت بسرعه وفتحت الباب وطلعتله ضحكت بوجهه وحضنته بكل قوتي بس مااحسيته نفسه عمي الاحبه واليحبني حيل بارد تغرغرت عيوني بالدموع رفعت راسي وحجيت بصوت مخنوك..

رهف:ليش عفتوني عمو ومحد بيكم يسأل عليه اشتاقيتلكم اني هواي؟

رد عليه بدون مشاعر ولا عبالك هذا عمي الجان يفديني بروحه..

يعقوب:روحي مني هسه خليني اشوف رائد شبي..

وخرني منه وابتعد مني من الصدمه ضليت جامده بمكاني مااكدر لااخذ ولاانطي حتى مالتفتت ورجعت فتت.. للحضات احس الوقت وكف وعيتت من صدمتي على صوتهم التفتت شفتهم كوه شايلين رائد لان ثكيل وخشن عمي عمران من صفحه ويعقوب بالصفحه الثانيه...

طلعوو خلو بالسياره وطلعو فتت يم البنات عمتي فرشت سجادته وضلت اصلي بس احسها غريبه يعني رائد قوي وهيه فلاونزا مااحس اكو داعي الكل هل بجي بس يمكن لان هوو شايلهم ومخليهم ابطن عينه...