المي وملاذي

البارت الثامن والعشرون28

السلام عليكم 🌺🤍
★#ألــــمـــي_ومــــلاذي★
★البارت الثامن والعشرون 28★
★الكاتبة اساور حسين🤍★

‏البارحه
ما ندري شِنهو الجَاسنه
يمكن الحُب
بينا طگ وصاحنَه
وإحنه ما نعرف نحِب
حُب إعله كيف
من نحِب إله نذّب رواحنَه .
.
♡♡♡♡♡♡♡♡♡♡♡♡♡♡♡♡♡♡♡♡♡♡
رهف...

سكتت ولٱ كأنما احجي كملت گلآمَيےّ ودموعي نزلن م̷ـــِْن عيني ..

زين كليلي شسووي وترضين عليه ..

ام رهف:-توافقين على سند ..

ضليت صافنه بوجهه مصددومه كتلها. .

رهف:-ليش هوه يرريدني ..؟

عدلت كعدتها وردت وهيه واثقه م̷ـــِْن جوابها: -اي م̷ـــِْن زمان حجالي بس اني كتله يأجل المووضوع ..

كوه سيطرت على انفعالي وفرحتي رديت بهدوء: -خليني افكرر مااريد اخطأ واخطي هل خطووه واوافق بسررعه ...

كامت على حيلها وحجت بعدم مبالات:-اي لعد فكرري ورديلي جوواب بس خليها ابالج ماتلكين مثل اخلاق وثكل ورزانه وجمال مثل سند ..

كمت غسلت وحجيها يدور براسي فتت للغرفه غيرت ملابسي وطلعت للمطبخ خدرت الجااي صبيتلي كلاص وكمت للبيت نضفته تنضيفه م̷ـــِْن هاي التمام لان جنت مساافره فتره والبيت هملته ..

هلكت الى ان كملت كل الشغل رحت كوه سبحت ونمت م̷ـــِْن كل كلبي الثاني يوم كعدت ماعندي دوام بالحووزه تريكت وطلعت البيت عمي قحطان ..ضليت يمهم عمو قحطان صار عنده تلاث بنات وتلاث ولد ولده اصغر مِڼـّي بس حيل احبهم ويحبووني ..

اما سهااد اختي الماولدتها امي دائما احس بالمسؤوليه اتجاها ..اكرس وكت خاص الها اكعد ويااها مضلومه لان متشوف فلهاذا مااحب اقصر ويااها ابد ..هيه هم م̷ـــِْن بطلوها م̷ـــِْن المدرسه حيل تعلقت بيه. .

بصوره عامه احنه كعائله بيت جد والعمام نحب المات والطلعااات نجتمع سوه كل فتره ونسويلنه سفره نغير كل نفسياتنه ..

لليل رجعت البيتنه ..الثاني يوم ماصدكت اداووم اجتني ام جاد شافت لهفتي صاحت :-هاا ولج رهف نكول الجبل الجليددي وكع وماكو احد سمه عليه ..

رديت بخجل: -بعد موو هسه خليني اتأكد منه والله كريم على باقيي ..؟

ام جاد:-دسررعي مشيتج خلي نوصل ونشوف ست ام فاطمه شدكول عليه ..

مشيت واني حايرره اريد اعررف شنو هووه بس بنفس الوقت خايفه انصددم.بي وبعددها احلف وادووس على گـلـبي ﯢٰابتعد رسمية عن جنس ادم ..

وصلنا لكيناها توزع الكتب الجبتهن على بنات وكفت بصفها وكتلها:-اساعدج بتوزيعهن ..

ام فاطمه:-علووه والله ..بس ه̷̷َـَْـُذآ هواي جايب نسخ هسه يطلع يدفع م̷ـــِْن جيبه ..