المي وملاذي

البارت الثالث والستون 63(ج2)

السلام عليكم 🌺🤍
★#ألــــمـــي_ومــــلاذي★
★البارت الثالث والستون (ج2)★
الكاتبة اساور حسين

خَل عينك بعيني
وابد لا تحچي انة احچيلك
شناقصني وانعاف بوكت
رادوني اعوفك كل هَلي
ويلگوني جاي ادعيلك
خليني اذكرك بالمُضن؟
بميلادي كلهم صفگوا
شعلوا شموع وهلهلوا
بدموعي طفيت الشَمع
ساعتها چنت ابچيلك
هَسة ادري عايفني ورحت
بس هو شيقنعه الطفل
اي سلعة تلمع بالدرب
حسباله هو تفيده
بس يلا ماعطلك بعد
صاير بعيني جنازة
بالغربة من تعثَر ترا
اسم الله ماتلگة بعد
مو بَس حبيب وصاحبك
چنت انة الك عكازة

♡♡♡♡♡♡♡♡♡♡♡♡♡♡♡♡♡♡♡♡♡♡
رهف ..

دفعته من ايده وصرخت بصوت مهضومه يهيني هيج ڪدام اهلي:-احترم نفسك عيب عليك تجاوز عليه بهل طريقه ..

ابو رهف:-سنددد لاتخليني اهينك وتكول عمي غلط عليه بنتي مااسمحلك تجاوز عليها كدامي فتهمت لو لا تره والله يصير غير حجي ..

عله صوته اڪثر واڪثر وصاح:-لا يصير حجي ولا اريد افهم هاي بنتك ام نصاص اليالي بقيها يمك
وانتي ياارهف طالق طالق طالق ....

من الصدمه وكعت بالكاع هو صعد فوك اخذ جنطه بيها ملابس بسرعه بسرعه ونزل مااعرف شلون اجتني القوه
وكفت على حيلي هو وصل الباب المطبخ لزمه

صحت:-مثل ماهنت عندك ويهون البعد راح يهون عليه نسيانك وكرهك راح يجي يوم اشيل كلبي وادفنه اطلع من حياتي وفنك اذا رجعتلي بعد احركك واحرك روحي وياك ..

طلع ومااباوع وراه اني ضليت ارجف ابويه ضل يصرخ ويغلط عليه وعلى امي بيه ماابيه كمت صعدت ملخت روحي تملخ اول منسد باب الغرفه عليه ..

كعدت بزاوية باخر الغرفه صرخت بدون مااحس
مااعرف من وجع ڪلبي من الرخص ..

ااخخخخ يااارهف شڪد رخيصه عنده
لك اخخ يااوجع كلبي شتتحمل بعد
مااصدك يلكي حجه ويخلص مني مااصدك
لك ليششش مو دمرت حياتي

لحضات بسس وسمعت باب الغرفه يتكسر وصوته رج البيت

سند:-افتحي الباب رهف خلينا نحجي ..

ضليت ڪاعده نفس مكاني وصحت بصوت واني احاول انشف ادموع عيني واعدل نبرت صوتي المكسوره

رهف:-امشي روح مناا سند احنه مطلكين هسسه روح من وجهيي انت محرم عليه مو هنت عليك روحخ لاشوفني بعد وجهك ..

سند:-ممطلكين خوو مااصدكتي حضرت جنابج ..

رديت وعلامات الاستغراب ملت وجهي ..

رهف:-شنو ممطلكين مو طلكتني كدام اهلي روح مناا يالله بسرعه .

سند:-لج غبيه حالة عصبيه وبعدين انتي عندج عذر شرعي يعني الطلاك باطل باطل باطل ..