الفصل الرابع عشر
🔶🔸لا أتذكره ....!!! 🔸🔶
المنيا ....
تطلع "صالح" بحفيده بإستراب لصمته الغريب الذى لم يعتاد عليه منه أبداً ...
تنهد "صالح" بتيقن أن بداخل ولد ولده شئ عظيم لكنه لن يجبره على الحديث ، كانت خبرته بالدنيا تؤكد له أن "عمر" به شئ مختلف متغير تماماً لكنه سيتركه حتى يأتى إليه بدون أى ضغوط ، لكن قلبه القلق لم يتحمل صمته بهذا الشكل و أراد فقط الإطمئنان على أحواله المتغيره بغيابه ....
_ مالك يا أبنى .. أنت مش عوايدك تقعد ساكت أوى كده !!!!! ... أحوالك مش عاجبانى خالص ...!!!
_لا أبداً يا جدى ... قلقان بس شويه من الإمتحانات .. خلاص قربت ..
أدرك "صالح" بفطنته أنه لا يود البوح بما يختلج صدره ويشغل تفكيره الآن ليتصنع تصديق حجته الواهيه مردفاً ....
_ ربنا معاك يا أبنى .. بس مش عارف ليه حاسس إنك مخبى عليا حاجه ...؟!!!
_ لا أبداً يا جدى وحخبى إيه بس !!!! .. متقلقش أنت بس عليا .. إحنا ما صدقنا بقيت كويس ...
_الحمد لله ...
_ جدى أنا نازل القاهرة بكره عشان عندى إمتحانات ... أسبوع بالكتير وأرجع تانى ...
_ وماله يا أبنى .. كل إللى أنت محتاجه أطلبه من "مدحت" يحضرهولك .. و أهو هانت خلاص تخلص دراستك وتيجى بقى تستقر هنا معايا وتمسك الشركه أنتى بقى ...
_ إن شاء الله يا جدى ... بعد إذنك أنا طالع أوضتى أرتاح شويه ....
أومأ له "صالح" متفهماً ليتركه "عمر" صاعداً لغرفته ليهمهم الجد بفراسه ...
" ده أنت فيك حاجه .. وحاجه كبيره كمان ..."
____________________________________
فى اليوم التالى .....
بيت حسن .....
إستغلت "حنان" صمت "نسمه" وإنزوائها طوال الوقت لتزيد من تسلطها عليها خاصه وهى لا تتخذ أى رد فعل حتى ولو بكلمه ...
إتجهت لغرفه "نسمه" لتستند بذراعها على جانب الباب محدجه "نسمه" بنظرات إحتقاريه كعادتها هاتفه بها بتذمر ...
_ يلا قومى معايا ورانا حاجات كتير أوى النهارده ولا حتعمليلى فيها عروسه ...؟
_ عروسه ؟!! .... لا يا "حنان" .. شوفى أنتى عايزة إيه ونعمله حاضر ....
_عايزين نعمل غدا محترم للعزومه وحلويات كمان ... ومفيش وقت مش حنلحق ...
تعجبت "نسمه" من أمر تلك العزيمه المفاجئه لتتسائل بإستراب ...
_ عزومه .... !! مين إللى جاى عندنا ....؟؟
_ مش "محمود" حييجى يتغدى معانا النهارده !!!!! ... ما هو قايل جاى يتغدى معانا الجمعه ...
أنت تقرأ
روايه عشقت خيانتها ( الجزء الاول) Rasha Romia "قوت القلوب"
Romanceروايه رومانسيه اجتماعيه تدور حول نسمه التى فقدت والديها وتعيش مع أخيها وزوجته فى قسوة ..وتقابل شاب بالجامعه يحاول خداعها وتمثيل الحب لايقاعها فى حبه لكن ينقلب السحر على الساحر ويقع فى عشقها هو...
