"လမင်းထက်သာ...table 4 ကဧည့်သည်ကညီမလေးနဲ့တွေ့ချင်လို့တဲ့။သူမှာထားတဲ့ coffee လေးယူသွားပေးနော် "
လက်ထဲရောက်လာသော coffee ခွက်ထည့်ထားသည့်လင်ဗန်းကြောင့် လမင်းအူကြောင်ကြောင်နှင့်ပင် မှာထားသည့်စားပွဲဆီ လျှောက်လာခဲ့ရ၏။
"ကိုဖိုးလပြည့် "
ထိုလူ့အားမြင်လိုက်ရသည့်အခါ လမင်းအရမ်းကိုပျော်သွားမိသည်။သို့သော်လည်းအလုပ်ချိန်ဖြစ်နေသောကြောင့် coffee ခွက်အားစားပွဲပေါ်ချပေးလိုက်ပြီး
"ဘာများထပ်ပြီးသုံးဆောင်ချင်သေးလဲရှင့် "
သူ့စကားကြောင့် ကိုဖိုးလပြည့်ကအသံထွက်အောင်ပင်ရယ်ကာ
"ok...ok အလုပ်ချိန်ကိုမနှောက်ယှက်တော့ဘူးနော်။အစ်ကိုက ပြန်ရောက်ရောက်ချင်း လမင်းကိုတွေ့ချင်လို့ခဏလာတွေ့တာ။လုပ်စရာရှိတာ အေးအေးဆေးဆေးသွားလုပ်ပါ ညနေကျမှတွေ့တာပေါ့ "
"ဟုတ် "
"လမင်းရေ အစ်မကိုဒါလေးတွေကူသယ်ပေးပါဦး "
ခေါ်သံနှင့်အတူ လက်ထဲတွင်အထုပ်အချို့နှင့် ဆိုင်ထဲဝင်လာသောမမလင်းဆီသို့သွားကာ သူနိုင်သလောက်ပြောင်းသယ်လိုက်ပြီး
"အနောက်ပဲသွားထားလိုက်ရမှာလားမမလင်း "
"ဟုတ်တယ်ညီမလေး လွတ်တဲ့နေရာခဏချထားလိုက် "
အရှေ့ကသယ်၍ဝင်သွားသော ဝန်ထမ်းတစ်ယောက်နောက်သို့ လမင်းလိုက်သွားရ၏။
"လင်းမြတ်သူတို့ကတော့ အလုပ်ကိုကြိုးစားတာပါ "
ရင်းနှီးနေသောအသံတစ်ခုကြောင့် လင်းမြတ်သူကြည့်လိုက်မိတော့ သူငယ်ချင်းဖြစ်သူနွေလပြည့်။
"လပြည့်....နင်ကဘယ်တုန်းကပြန်ရောက်နေတာလဲ "
"ဒီနေ့ပဲ....ဒါကနင့်ဆိုင်လား....."
လင်းမြတ်သူ သူနှင့်မျက်နှာချင်းဆိုင်လွတ်နေသောခုံတွင် ဝင်ထိုင်လိုက်ကာ
"အင်း ငါ့ဆိုင်လေ။ငါ့ဆိုင်မှန်းမသိဘူးဆိုတော့ ဘာလဲ လမင်းဆီလာတာလား"
"ဟုတ်တယ် အန်တီကဒီမှာအလုပ်လုပ်နေတယ်လို့ပြောလို့ "
သူ့စကားအား လင်းမြတ်သူခေါင်းတညိတ်ညိတ်နှင့်ပင်
YOU ARE READING
ကိုယ်ရွေးချယ်သည့် ကံ
Romanceနေရာမှားလာတာမကောင်းဘူး...... ဒါပေမယ့် ကံတရားမှားလာခဲ့ရင်ရော #Oo ____________________________ ေနရာမွားလာတာမေကာင္းဘူး...... ဒါေပမယ္႕ ကံတရားမွားလာခဲ့ရင္ေရာ #Oo