𝙐𝙣𝙞𝙘𝙤𝙙𝙚
မှန်ထဲမှတစ်ဆင့်မြင်လိုက်ရသည့် အိုးဝေပေါ်တက်သွားသောအမျိုးသမီးကြောင့် ခွန်း ဆိုင်ပေါက်ဝဆီအပြေးသွားမိသည်။သို့သော် ဘယ်သူဘယ်ဝါသေချာမမြင်လိုက်ရ။
"ဘာဖြစ်လို့လဲ ခွန်း...."
အနားရောက်လာကာ သူမနည်းတူ ဟိုဒီကြည့်ပြီး ကိုကိုကမေးသည်။မဖြစ်နိုင်ပါဘူးဟူသည့်အတွေးတို့နှင့် ခွန်း သူ့ကိုခေါင်းခါပြကာ
"ရင်းနှီးတဲ့လူတစ်ယောက်ကိုတွေ့လိုက်မိသလားလို့ပါ....ဒီဝတ်စုံလေးကိုပဲဖယ်ထားလိုက်တော့အစ်မ...တခြားထပ်မဝတ်ကြည့်တော့ဘူး "
ဝန်ထမ်းအစ်မကိုပြောပြီး သူမအဝတ်လဲခန်းထဲပြန်ဝင်လာမိသည်။မျက်လုံးထဲမှာစွဲနေသည့် ကျောပြင်ကလေးကိုပြန်တွေးရင်း စောစောကမြင်လိုက်ရသည့်ကောင်မလေး၏ပုံစံနှင့် ယှဥ်ကြည့်နေမိသည်။
"ဘာလို့အဲ့လောက်တူနေရတာလဲ....ပြန်လာတာများလား"
အဝတ်အစားအမြန်လဲကာ သူမ ထိုဆိုင်ထဲမှဦးစွာထွက်လာခဲ့သည်။ဆိုင်ရှေ့ပတ်ဝန်းကျင်ကိုလှည့်ပတ်ကြည့်မိပေမယ့် အရိပ်အယောင်ပင်မတွေ့ရ။
"သွားရအောင်ခွန်း...."
လက်ဖဝါးကို လာရောက်ဆုပ်ကိုင်သည့် ကိုကို့လက်ဖဝါးမှ သူမ မသိမသာရုန်းထွက်၍ ကားထဲကိုဝင်လာခဲ့လိုက်သည်။သူကတော့ထိုနေရာမှာပင် နွေလပြည့်နှင့်စကားရပ်ပြောကာကျန်နေခဲ့သည်။
ဖုန်းကိုအင်တာနက်ဖွင့်၍ လမင်း account လေးအားဝင်ကြည့်မိတော့ 9 hours ago နှင့် လိုင်းမတက်ကြောင်းကိုညွှန်ပြနေ၏။ခွန်းအရဲစွန့်ကာ သူ့ဖုန်းနံပါတ်ကိုခေါ်လိုက်မိသည်။သို့သော်လည်း ဆက်သွယ်၍မရကြောင်းသာ အဖြေပြန်ပေး၏။
"ဘယ်သူ့ဆီဖုန်းဆက်နေတာလဲ...."
"လင်းဆီကိုပါ အရေးမကြီးပါဘူး...နွေလပြည့်ကရော..."
ကားထဲဝင်လာပြီး ခပ်ပြတ်ပြတ်မေးခွန်းထုတ်သည့်ကိုကို့စကားကို သူမ မုသာဝါဒကံကိုကျူးလွန်၍ရှောင်လွှဲမိသည်။
"သူ့ကားနဲ့သူပြန်မှာလေ....မနက်ဖြန်ဖိတ်စာတွေရရင် ကိုကိုဖုန်းဆက်လိုက်မယ်...အတူသွားယူမယ်နော် "
ESTÁS LEYENDO
ကိုယ်ရွေးချယ်သည့် ကံ
Romanceနေရာမှားလာတာမကောင်းဘူး...... ဒါပေမယ့် ကံတရားမှားလာခဲ့ရင်ရော #Oo ____________________________ ေနရာမွားလာတာမေကာင္းဘူး...... ဒါေပမယ္႕ ကံတရားမွားလာခဲ့ရင္ေရာ #Oo