Unicode
🍀🌹
ခေတ်သွေးမာန်ကိုရွေးလိုက်သည်အထင်နှင့် ပူလောင်သွားသည့်ခံစားချက်တွေဟာ ထိုကလေးပြောလိုက်သည့်စကားနှစ်ခွန်းကြောင့် ဘာမျှပင်ပြန်မပြောနိုင်ဘဲဆွံ့အနေမိသည်။
သူပြောသည့်ချစ်တယ်ဆိုသောစကားမှာ ဘယ်လိုအခြင်းအရာတွေပါနေသလဲ။သူမသေချာမတွေးတတ်။သာမန်မျှသာတွေးချင်ပေမယ့် ခွန်းအသိစိတ်တို့က ထိုသို့မဟုတ်တာကိုခံစားမိနေသည်။
ဖုန်းထဲကကောင်မလေးကို ကြည့်လိုက်မိပြန်တော့ သူမကိုသာအကြည့်မလွဲ စူးစိုက်စွာကြည့်၍ တစ်ခုခုကိုဆက်ပြောချင်နေပုံ။"ကိုယ့်ကိုချစ်တယ်လို့ပြောလိုက်တာလား "
သူ့မျက်လုံးတို့ဆီတည့်တည့်ကြည့်ကာမေးခွန်းထုတ်တော့ သူကခေါင်းညိတ်ပြသည်။
ဘယ်လိုချစ်ခြင်းမျိုးလဲဆိုတာ သူမမေးချင်ပေမယ့် အလိုမကျစရာအဖြေထွက်လာမည်ကိုစိုးရွံ့နေမိသည်။"ကိုယ်လည်းမင်းကိုချစ်ပါတယ်လမင်းရဲ့ ကိုယ့်မှာရင်ဖွင့်စရာညီမလေးဆိုလို့ မင်းပဲရှိတာလေ "
"ကျွန်မကရင်ဖွင့်လို့ကောင်းတယ်ပေါ့ "
မဲ့ပြုံးတစ်ခုနှင့်ပြောလာသည့် သူ့စကားရဲ့အဓိပ္ပါယ်ဟာ သူမဖြေလိုက်သည့်အဖြေကသူလိုချင်သည့်အဖြေမဟုတ်ဘူးဆိုတာကိုခွန်းရိပ်မိလိုက်သည်။ထို့ကြောင့် သက်ပြင်းဖွဖွချလိုက်ကာ
"အင်းပေါ့ ကိုယ့်အကြောင်းတော်တော်များများ မင်းကိုပဲရင်ဖွင့်မိတာလေ..... "
"ထားပါတော့လေ.....စာကြည့်ရဦးမှာဆို ဆက်မနှောက်ယှက်တော့ဘူးနော်အစ်မ နောက်မှတွေ့တာပေါ့....."
သူ့ဘက်က စကားဆက်မပြောချင်တော့ပေမယ့် ခွန်းမှာပြောစရာတွေရှိနေသေးသည်။
"နေဦး.....ကိုယ်ပြောစရာရှိသေးတယ် "
စကားအစပျိုးကာ သူ့ကိုကြည့်မိတော့ သူမကိုစိုက်ကြည့်မြဲသာကြည့်နေသည်။ထို့ကြောင့် ခွန်း လည်ချောင်းတစ်ချက်ရှင်းကာ
"အဟမ်း......ကိုယ့်ကိုချစ်တယ်ဆိုရင်ရည်းစားမထားနဲ့ "
"ဘာပြောလိုက်တယ်အစ်မ....."
YOU ARE READING
ကိုယ်ရွေးချယ်သည့် ကံ
Romanceနေရာမှားလာတာမကောင်းဘူး...... ဒါပေမယ့် ကံတရားမှားလာခဲ့ရင်ရော #Oo ____________________________ ေနရာမွားလာတာမေကာင္းဘူး...... ဒါေပမယ္႕ ကံတရားမွားလာခဲ့ရင္ေရာ #Oo