𝙐𝙣𝙞𝙘𝙤𝙙𝙚
လမင်း အခန်းထဲရှိဆိုဖာမှာထိုင်၍ အလုပ်လုပ်နေရာမှ laptop ကိုပိတ်ကာစားပွဲပေါ်တင်လိုက်ပြီး ကုတင်ပေါ်မှာမှီလှဲ၍ ဖုန်းသုံးနေသောအစ်မဆီသို့ လျှောက်လာခဲ့သည်။
"စေ့စပ်ပွဲကို ဘာလက်ဆောင်ပေးရင်ကောင်းမလဲအစ်မ..."
လမင်းပြောပြီးသည်နှင့် ကုတင်ပေါ်ကန့်လန့်ဖြတ်၍လှဲလိုက်ကာ အစ်မဗိုက်ကလေးပေါ် ခေါင်းတင်အိပ်လိုက်သည်။ထိုအခါ အစ်မကကြည့်နေသည့်ဖုန်းကိုပိတ်၍ ဘေး၌ချထားလိုက်ပြီး လမင်းကိုကြည့်လာသည်။တစ်ဆက်တည်းမှာပင် အစ်မလက်ချောင်းတို့က လမင်းဆံပင်တို့ကိုထိုးဖွလာ၏။
"မေသွန်းကဘာလိုချင်တယ်ဆိုတာ မပြောဖူးဘူးလား "
လမင်းပက်လက်လှန်ထားရာမှ အစ်မမျက်နှာဘက်ကိုခေါင်းစောင်းလိုက်ပြီး
"ပြောဖူးပါတယ် ဘာလိုချင်တယ်ဆိုတာ တွေ့တိုင်းသူခဏခဏပြောတယ် "
"ဘာလိုချင်တာတဲ့လဲ...အဲ့ဒါလေးတွေဝယ်ပေးလိုက်လေ "
"မသိပါဘူး....အစ်မပြောတာမှမဟုတ်တာ လမင်းကဘာလို့မှတ်ထားရမှာလဲ....အစ်မကလွဲပြီး တစ်ခြားသူတွေပြောတဲ့စကားက ဒီဘက်နားကဝင်၊ဟိုဘက်နားကထွက်တာ "
လမင်းထိုသို့ပြောမိတော့ အစ်မကသဘောတကျရယ်သည်။
ထိုအရာကလည်းအမှန်တရားပင် အစ်မနှုတ်ဖျားက လိုချင်တာတစ်ခုခုကိုပြောထွက်လာလျင် စက္ကန့်ပိုင်းမျှပင်မမေ့ရပါဘဲ ရတဲ့နည်းနှင့်ဖြည့်ဆည်းပေးချင်သည်။
မေသွန်းနှင့်တွေ့တိုင်း မေသွန်းကသဘောကျသည့်၊လိုချင်သည့်အရာများကို အမြဲပြောပြပေမယ့် လမင်းတစ်ခုမှမမှတ်မိ။ထိုအမှန်တရားကို မေသွန်းသစ္စာသိလျင်တော့ စိတ်မကောင်းဖြစ်သွားမည်ထင်သည်။
"မေသွန်းလေးတော့ စိတ်မကောင်းဖြစ်နေတော့မှာပဲ။တစ်ဦးတည်းသောသူငယ်ချင်းလေးက သူ့အကြိုက်တောင်မသိရကောင်းလားဆိုပြီး ရင်တွေနာနေတော့မှာ"
"အဲ့လိုတော့ သွားမပြောနဲ့လေအစ်မရယ်။သူတကယ်စိတ်ဆိုးသွားလိမ့်မယ် "
YOU ARE READING
ကိုယ်ရွေးချယ်သည့် ကံ
Romanceနေရာမှားလာတာမကောင်းဘူး...... ဒါပေမယ့် ကံတရားမှားလာခဲ့ရင်ရော #Oo ____________________________ ေနရာမွားလာတာမေကာင္းဘူး...... ဒါေပမယ္႕ ကံတရားမွားလာခဲ့ရင္ေရာ #Oo