صدفة ... ثم نصيب

البارت 28

صباح الخير ..

قناة قصه صدفه:
٥٦٠

حاولت أصيح أحد صوتي يطلع حيل ضعيف مدري سمعي بي شي بس ما جنت أسمع نفسي من أصيح .. لحظات هدأ نفسي وهدأ الم رأسي وغابت روحي وما حسيت بأي شي بعد ..

صحيت بعد مااعرف شكد ..
جنت بغرفة وحدي .. وكانوله بكل أيد وديقطرن .. آلم فضيع برأسي تلمسته ملفوف بشاش أبيض ..

رجعت غمضت عيوني ومن فتحتهن جان أحمد يمي ..
_ها حبيبتي الحمدلله ع سلامتج ..
_الله يسلمك أحمد .. أني وين شصار ؟

_بالمستشفى حبيبتي .. مصار وكعتي والوكعه صارت برأسج .. تحسين بشي ؟ يوجعج شي ؟
_أي رأسي وظهري ..

_ظهرج من النوم .. ورأسج هو وكعتي عليه صار ع الحافة ..
_ليش صارلي شكد نايمة ؟
_أرتاحي هسه خلي أشوفلج الدكتور ..

_لا أريد بابا .. وين بابا ..
_جان موجود .. هسه ع جيه راح يجيب أمي ..

سكتت كل شويه وجهي يتعج من الالم ..
_أحمد عفيه رأسي ..
_هسه حبيبي ..

طلع بسرعة صاح الطبيب وأجتي وياه ممرضه ..

٥٦١

فحصني وسألني كم سؤال .. وجيك ضغطي .. گتله رأسي ديوجعني .. جان بس رأسي ملفوف .. مجنت لابسه حجاب ..
كتبلي مسكن وكال للمرضة تنطينيا بالكانوله ..

_عفيه دكتور مااريد أنام ..
_لا بس مسكن .. ومادام صحيتي لازم نسوي مفراس لرأسج ..
أخذنه اشعة وماكو شي خطر أن شاءالله .. الضربة ممأذيتج ..

_عادي أكوم ؟ أريد أتحرك ..
سألته للدكتور .. جاوبني ..
_بالعكس بعد أحسن تكدرين ؟
أحمد والممرضة ساعدوني أكعد والدكتور يمي ..

_ها شتحسين ؟
_دايخه شويه ..
_أنتِ متزوجة ؟
جان يسأل ومااعرف شيكتب معلومات عني بالطبلة الخاصه بيه ..

_أي متزوجة ..
_دورتج منتظمه ؟
أستحيت من السؤال خاصة بوجود أحمد ..

جاوبته .. أي .. رد سأل ..
_شوكت أخر دورة ألج ؟
سكتت أتذكر .. بس ما خطر ع بالي تاريخ جاوبته ..

٥٦٢

_هي كل شهر منتظمة بوقتها ..
_ع العموم لازم تحليل دم شامل خلي نعرف ليش دينخفض ضغطج ..
جاوبه أحمد ..

_هنا لو بعيادة خاصة ؟
_ماكو فرق ..باللي يعجبكم
رجع سألني ..
_هم صادفتي ظرف تعب نفسيتج .. مثلاً وفاة شخص او مشاكل شخصية ؟
سكتت شويه .. بعدين كلت لاا ..

فحص عيوني ورجع أكد ع تحليل الدم ..
صربتني الممرضه أبرة وراحت هي والدكتور .. وره ساعه أو أقل اجت ماما هي وبابا ..

تحمدولي بالسلامة وسألوني وأحمد جاوبهم عني وعن كلام الدكتور مابيه أحجي ..
رجعت گلت لأحمد أريد أتحرك تعبت من النوم والكعدة ..