صدفة ... ثم نصيب

البارت 19

صباح العركات والحب ...

اسفه مانشرت من وكت اخذتني نومه واعتذر عن قصر البارت مقدما بسبب الواهس اذا عدكم واهس بالباكيت او مستعمل وينطلع بي داينونياه بين مااخلص القصه بخير وسلام وارجعه الكم ...

ترة مدا اشاقه دااحس بضغط وداتهرب من الكتابه بنات شنو الحل 😥😥🥺

البارت 19 ...

٣٧٦

باوعلي بطرف عينه ورجعت عيونه ع الموبايل ..

الخاولي بشعري والبرنص مال الحمام لابسته ولافه روحي بي لف وشادة أحزامه شدة مال انتقام..

تمددت ع جانبي بالجربايه بس يم الحافة حيل هو هز أيده وأنطاني ظهره..

كل شويه تنزل دمعه وامسحهه.. بردت وتغطيت وظليت بردانه لحد مانمت...

ذوالفقار:-

كعدتو ع صوت ون وأنا ماادري بيش الساعة بس الغرفة ظلمة...

فتحت الضوء الجانبي التيب لامب ردتو أشوف مصدر الصوت منين...

اباوع هاي طيف ترجف وصوت الونة منهه..

گعدتهه .. تهذي وتون وجسمهه يرجف ...

حطيت أيدي ع گصتهه حارة فدنوب مصخنه...

جسمهه ينفض نفض من الصخونة..

تهذي تريد أبوهه ومو حاسة عليه...

أحجي وياهه أريدهه تصحى وتحس وهي ماكو...

غير أريد بابا ع لسانهه..

وضعهه خوفني الساعة تقريباً ثنتين ونص بعد نص الليل

٣٧٧

جبت خاولي ومي بارد وأسوي كمادات الهه تلزم ايدي وتبعدهه من أحط الخاولي ع كصتهه او أيديناتهه وتزيد الرجفة مالتهه ...

كلما أحط الخاولي وهو بارد تنز.. أوخر الغطا عنهه ترجع تتغطى ترجف برد وجسمهه ينفض ..

همست.. بصوت يرجف.. بردانة بردانة... اباوع شفايفهه مورمة وصايرة نار  من تلمستهه وترجف الشفايف عبالك يصطك بحركة لا أرادية سريعة..

بس مابطلت كمادات .. گامت تبجي بردانة ومتريد بعد أسويلهه كمادات..

وأنيا أحتاريتو حتى من لمسة أيدي وبرودتهه تفز وكلما أجر الغطا عنهه تجره تتلفلف بي ..

مرت ساعة وماشفت الكمادات جابت نتيحة..

گومتهه غصباً ماعليهه وهي معاندة وتهمس بشايف راجفه بردانة..

أخذتهه للحمام گعدتهه ع طبلة خشب.. مجانت لابس غير بس البرنص .. فتحت حزامه بسرعة رفعت رأسهه اليه تباوعلي برعب لزمته..

وخرت أديهه ونزعتهه.. ملابسه شي جواه بس الداخليات...

حضنت نفسهه بأديهه .. فتحت عليهه الدوش ومكان المي كثيغ بارد بس أول مفتحته شهگت وبجت...