صدفة ... ثم نصيب

فرصه 1

مساء الورد ... كووومه مشتاقين

صدفه ... ثم نصيب

روسكان الجبوري

البارت الاول:

صلاح الدين -تكريت-مكتب محاماة:

طيف:

جنت گاعدة أني وصديقتي رند هم محامية وياي بس أكبر مني وأكثر خبرة بالقضايا خاصة بالقضايا الجنائية اللي هي تخصص المكتب دخل علينة رجال بعد الأستئذان  يجي عمرة بنهاية الثلاثينات بداية الأربعينات شايفتة قبل

الرجال: السلام وعليكم

أني ورند:وعليكم السلام

أني جنت كاعدة بصدر المكتب بالكرسي المخصص لبابا لان هذا مكتب بابا و
مو كلني أني أدير أعمالة والقضايا ورند كاعدة يمي على كرسي على صفحة

أني؛تفضل أخي بشنو أكدر أخدمك ابتسم أبتسامة صفرا وكعد ببالي اگول شايفتة بس وين مجاي تسعفني ذاكرتي وهو مبين من أبتسامته يعرفني

كال: أني زوج رنا مسعود وجيت اسحب قضية الطلاق اللي رافعته زوجتي

هنا گبل طخت عندي عرفته هذا الناقص العار زوج موكلة عندي
اسمها رنا قبل اسبوع هيج بالمحكمة كسبت قضية
نفقة هي جانت مقدمتهة على هذا الفاشل الگدامي المحسوب زوج ألهة ومن كسبتة القضية سحلهة من شعرة بالمحكمة

2
أول ما طلعنة من يم القاضي
بوكتهة فار دمي منة بس مگدرت أسويلة شي الشرطة جروه وذبوه سجن ساعات بس وطلع لأن رنا رفضت تشتكي عليه

عدت بذاكرتي للوقت الحاضر وهو گبالي هسة گاعد حاط رجل على رجل ويطلب أسحب قضية الطلاق اللي رافعته رنا بحقة

أني: عفواً منك أستاذ بس رنا موكلتي مو حضرتك وهي المفروض تجي تبلغني بسحب القضية والأ أني ماكدر أتصرف من كيفي

الرجل:شنو تتصرفين من كيفج أني زوجهه و داكولج أسحبية

أني: رنا تجي واسمع هالكلام منهة يلا أسحب قضية الطلاق
رفعلي حاجبه مو عاجبة كلامي

الرجل: رنا هسة ببيتي رجعتهة وهذا الكلام منهة

أني: اَي ليش مأجتي وياك اسمع الكلام منهة

الرجل : شنو تكذبيني

أني:لا أكيد حشاك من الكذب بس هي موكلتي مو حضرتك

الرجل: أهاا

أني: اَي خلي تجي ست رنا يكون الكلام وياهة أفضل

الرجل: لازم تريدين تخربين بيتهة

أني: أستغفرالله شنو مصلحتي

الرجل: بعد نتفاهم أني وياج ومالهة داعي تجي رنا

3
گال هالعبارة بشكل مقزز وهو يقترب من الميز اللي أني گاعدة علية وجان معنى كلامة واضح كولش أشمئزيت منة ومن وجهة ونظراته رأساً كمت بإنفعال طلعت من يم ميزي ...