مساء الخير ...
عظم الله اجورنا واجوركم ساعد الله قلبك مولاتي زينب ...
اتفقت وياكم باجر انشر بس هذا بارت تصبيرة لباجر ان شاء الله ...
صدفه ... ثم نصيب
روسكان الجبوري
البارت 7
89
_بس أكيد مو مثل لمن واحد هو يتغذى بأكل صحي متشوفين وجهة شلون أصفر خطية
جاوبتهة
_اي صح
صارت عيوني على وجهة صدوك أصفر همة بياضهم على صفار بس ذوالفقار مو أبيض حتى دمة سالب لذلك من انضرب براسه وأحتاج بطاله دم كوة لگولة دم ...
_أقريلة بدل ما صافنة
_ما أحب هذا الكتاب
_ما گتلج حبيه بس أقريلة خلي يسمع صوتج
ضحكت على نبرتهة ما صدگت لانت وياي هاي شبيها وياي اليوم
_هو بالإجبار يعني
_مو أجبار بس هو يحبك وإذا أكو نسبة قليلة أنو أذا سمع صوتك
يرجع لوعية ويرجعلنة فليش تقصرين وأنتي سبب باللي هو بي!
أنفعلت بوجهي أني ظليت صافنة
_شنو مامصدكة أخوية يحبج؟ شنو تفسيرج لواحد أجة خطبج ثلاث مرات شنو بس أنتي بنية لو ربنا خلقج و ما خلق غيرج
_مو هيج فكرت سما شبيج أنهديتي بية؟
90
_من برودج يا أختي والله المفروض بابا يبلغ عليج بالاسم ونطلعلهم كاميرات بيتنة حته لا يتورطون أخوانج بدالج.
تفاجأت من كمية الحقد الشايلتة علية واللي بلحظة أنفجر بوجهي
_هاي شبيج سما ليش هيج دتحجين والله ماجنت قاصدة أكو واحد عاقل يسوي هيج بروحة
_دسكتي أسكتي الزمي الكتاب وأقريلة يلة
من خوفي لزمت مرتفعات ويذرنغ وفتحت اَي صفحة بشكل عشوائي وقربت كُرسي منة وبلشت أقرة والله خوفتني هاي سما ظليت كل شوية أباوعلها بطارف عيني جايبة ملازم ما أعرف محاضرات طلعتهن وظلت تگلب بيهن وتقرأ ...
هاي صارلي ٣مرات أجي المستشفى ومن هالمرة وبعد حرمت على نفسي الجية لان بدقائق قليلة سما عيشتني رُعب نفسي فشجاريلي اني يومية جاية،
أخذتلي نص ساعة وبس شفتهة صارت بثلاثة أترخصت منهة وطلعت أخذت تكسي ورجعت للبيت دخلت هدوء كلهة طشت
لغرفهة وأني صعدت لغرفتي بس
مجرد سبحت وبدلت وقتت جهازي گلت أناملي ساعة و أروح للمكتب
حرفياً أني شاردة من البيت من ماما والخطار و أهلهة تحديداً
91
بعد ساعة گوة گعدت بدلت ومرت علية رند ورحنة سوة للمكتب
سولفت لرند اللي صار وية بسما وكلامهة حسيتهة مخبلة والله لأن البنية جانت زينة وياي شو فجأة أنكلبت 180درجة وماعرف شنو السبب
أنت تقرأ
صدفة ... ثم نصيب
ChickLitقويه ، مغرورة ، جسورة ثم حادث يغير حياتها الى الابد ويكتب لها القدر صفحات جديدة وقوانين جديدة لتعيشها
