صدفة ... ثم نصيب

البارت 18

مساء الياسمين ...

صدفه ... ثم نصيب

البارت 18

روسكان الجبوري

ملاحظة/ ركزولي ع ارقام الصفحات من تقرون  اكو خربطه بالارقام تقديم وتأخير ... نبدأ ...

في البداية ستعتقدُ أنها الطعنة الحاسمة،
ولكن بعد مرور 48 ساعة ستُدركُ  إنها مجرد خدشٌ آخر.

لسان حال ذو الفقار اليوم 🥺...

٣٦٥

ذوالفقار:-

اول ماطلبت مني طيف تروح لاهلهه من الصبح قبلت بس بسرعة دماغي ربطت روحتهه من الصبح لاهلهه وموعد الجلسة اللي طلبت مني قبل بيوم أذن تروح تحضرهه وأنا رفضتو ..

من سألتهه منو راح يروح گالت بابا.. كل اللي سويته أتصلت ع عمي أبوهه ردت أشوفو وين أسترسل وياه بالكلام وأعرف منو هو حيكون وين باجر الصبح...

كال مسافر من الصبح لاربيل عنده قضية هناك .. هوني أنا شبه تأكدت من كذبة طيف .. أعرف هي شغوفة ومدمنة ع شغلهه بس مو ع حسابي ولا ع حساب أستغفالي...

كرهتو شعور كونهه تستغفلني لان بعيد وجنت گوة لازم أعصابي من رعونيتهه وكذبهه عليي..

جان باقي بس أتاكد..

خابرتو هشام وتأكدتو حيداوم بنفس بيوم الجلسة الي المفروض حرمتي المصون تحضرهه وطلبت منه يعرفلي او يشوف بعينه أفضل منو حضر الجلسة ويتصل بيه فوراً

هو عرف أكو مشكلة وطلب مايكون طرف بيهه بس

٣٦٦

اصراري خلاه يرضخ لطلبي..

ثاني يوم الصبح خابرني جانت بالعشرة ونص هيج..

گال للامانه وصلت شويه متأخر فمااعرف منو حضر الجلسة ليش اظلم البنية وأنت گلتلي الا تشوف بعينك..

جزء مني نوعاً ما ارتاح مااريد أسوي مشكلة بلكي تفكيري بكذبهه واستغفالهه غلط ومو بمحله بس كل الدلائل تشير بمخاوفي..

سألته.. زين شفتهه؟

گال أي ... هستوني وصلت المحكمة هي طلعت ..

جوابو كان كافي .. كذبت عليه.. أستغفلتني لان بعيد... أنا منعتهه تداوم وهي كسرت كلامي..

مااغيد أكول الشك ويفهمهه البعض بالمعنى السلبي المعروف بس الكذب يهز ويزعزع الثقة بين الطرفين ويسوي فجوة..

سديتومنه وحجزت ع اول طيارة لاربيل..

أخويه ماقبل.. واصلاً عرف بالمشكلة.. وحاول يهديني وگال متسوه هي اصلاً گلتلك عندهه قضية مهمه .. گتله تتعلم.. هاي اول خطوة لفقدان الثقه بين أثنين متزوجين جديد شلون بعد أامن شلون أثق بكلامهه أني حياتي كُلهه سفر شلون أنوبه أسافر