صدفة ... ثم نصيب

فرصه 10

مساء العسل ...

فرصه ... ثم نصيب

روسكان الجبوري

بارت 10

شَسِويليّ ولآ أمَلچ
ثكَل وجهَچ ، نَده بَعينيّ 🍃 .

١٥١
_ليش عندك بعد طلبات؟
_لا بس خليج...
_مو... موو عندي شغل لازم أنام...
_ها... شكو بياا الشغل أهم..
_راح تظل تبسمرني هيج كلما گلتلك شغل..

_لايابه ... استغفرالله ماحكينه شي..

سكتت حسيته كولش اتضايق ... اختنك مني... عبالك گوة ع أعصابي متحملته ... هيج احساس انطيته..

_غدا العصر أنا والوالد يمكم أن شاءالله أخطبج رسمي...
_لعد وخالة متجي وياكم؟
_غير مرة ان شاءالله...

حسيت أمه مو راضية..
_هو مو المفروض مشية النسوان تجي أول؟
_شنو مشايفه أمي؟ يجن النسوان بس مو هسه عود من نعقد...

_وشكو تصيح؟
_ممصيح
_تريدين نلبس الحلقات باجر.. لو الحلقات والنيشان بيوم واحد؟
_نلبس حلقات.. يعني غير لازم نطلع سوك ونشتري الحلقات مو هيج؟

١٥٢
_أي
_وضعك الصحي يعني يسمح فرة سوك ؟
_موشرط فرة.... عندي صديق صايع گبل نروح عليه وتختارين الحلقه الي تعجبج ... ثم أنا ترى مو مشلول أگدر أمشي بس مشيتي ع عگازة منا لمن أسوي العملية و أعدل الكسر...

_أهاا ... اوك ... بس يعني بما أنو الكعدة العصر... لازم الصبح نطلع...
_أي طبعاً...
_لا عيني عندي دوام قضايا...
حسيته تضايق بس كتم...

_اللهم طولج ياروح... تمام تمام... كُله نشتري بيوم واحد...
_أوك يلا خلي أروح...
تنهد.... ماشي..
_تصبح ع خير...
_وانتي من اهله....

باجر من أتصل جاوبي مو لازم اتصل بعمي يلا حضرتج تردين ... واخزني الرقم هسه بس تسدي...

_أي فتهمنا ... باي...
_باي ورحمة الله...
سديته منه...

١٥٣
خزنت الرقم مالته... كتبت عليه خطيبي الحقير الشرير.. وطفيت النت بعد ماقبلت طلب الصداقة وخاف يشوفني نشط.. وأني كلتله حروح أنام ولفيت رأسي ونمت...

ثاني يوم رحت لدوامي .. وماما وسماهر أبتلن بالبيت...

ماما طلبت مني أخذ اجأزة هاليوم كلتلهه عندي شغل هواي خليهه نهاية الاسبوع اخر يومين ماحجت شي...

للعلم بابا هو وصلني للدوام.. من طلعنه شفنه ذوالفقار بره واكف بالباب مبين دينتظر طلعتي ... سلم ع بابا واني غلست حصلتلي خزرة من دار ظهره بابا لان ماسلمت يمكن...
بابا ماحجه شي وياي ..

وره وصولي للمحكمه بدقايق اتصل عليه ذوالفقار..
ارد لولا؟ ارد لولا؟ رديت...
_صباح الورد
_هلوو...صباح الخير....
_أنتي وين؟؟
_بالدوام..
_امممممم.... ليش مسلمتي عليه؟
_بابا موجود واستحيت...