صدفة ... ثم نصيب

فرصه 11

مساء الحب والفرح ...

صدفه ... ثم نصيب

روسكان الجبوري

البارت 11

وقال الـعقلُ دعـهُ ولا تزُرهُ
‏وقالَ القلبُ فلتذهـب إليـهِ
‏حديثُ العقلِ مَوضوعٌ ولكن
‏حديثُ القلبِ مُتّفقٌ عليهِ🥀
-

١٧٩
صعدت طلقه أني وحذائي.. بدلت وغسلت وجهي من المكياج نزلت لكيت سماهر مسويه زلاطة وكاعدة تعبي ويا اللفات ...
_اووووف الريحه... يول هو هذا العشق اليستاهل ينحب..

_ههههههههه... العشق من تأكلينو ويا أحد تحبينو..
أوووي سوده عليه تنغصتهه هاللفة لحمودي يموت ع الكباب .. وينو هسه تعشى لا..

صفنت عليهه..
_عود أني هم يجي يوم واتنغص لذوذو..
_ههههه.. وليش لا عيني.. أذا يطعمج بيدو قبل ليأكل هو شلون ما تتنغصيله..
_يااا... أحمد أخويه هيج يسوي؟
_وأكثر والله... لكن قابل كنت أحبه من تزوجته؟
_لا بس هو جان يحبج..

_أي.. وخلاني أحبو ... أعشقه موووت .. لذلك أكلج اخذي اليحبج...
_مو راح ناخذه ولسه مشفنه غير العركات...
_ترى مو كل عركه تفهميهه تحكم واجبار ولازم سي السيد يمشي رأيه عليج.. اكو عركات معناهه حسي ترى أنا

١٨٠
اغار.. واكو عركات معناهه حسي ترى أنا مشتاق..
_يعني يتعارك لان مشتاق (طبعاً أني😝)

_أي... هو صحيح عوق بالمشاعر ههههه انو الواحد يتعارك لان مشتاق.. بس عادي هو أحنه لاكين واحد يحبنه المهم أحتويه مو تصبين بانزين ع النار....

_أني احب الاكل.. شوفي شكد سهل.. ينطبخ ينكال ينصب مابي أي تعقيد ..
_شو دنكبي.. أنكبي وولي عني.... صاغ ساعه أعلم بيهه..
أخذتلهه لفة وعافتني وراحت..

هي حاطة اللفات بصينية والگلاصات والبيبسي.. أخذت الصينية ووديتهن للهول .. لكيت سماهر صايحة بابا وجاي كاعد بالهول.. واني صحت زياد...وين ماما؟

بابا گال ... لتصيحوهه عوفوها براحتهه.. بقينالهه حصة وكعدنا اربعتنه نتعشى ونسولف..
بابا سأل سماهر..
_باجر ينزل أحمد مو؟
_أي عمو...
_يوصل بالسلامة ان شاءالله
_أمين يارب..

كملنه وكلمن صعد لغرفته..

١٨١

ومن صعدت وفتحت موبايلي لگیت ذوالفقار هواي داك عليه ع الخط وع الماسنجر...
بعده الجهاز بيدي ودك... أخذت نفس وتنهدت ورديت...

_ألو...
_صار ساعة اتصل...
جاوبت ببرود عكس أعصابي الي أحاول الزمهه..وعكس أعصابه الي گوة لازمهه ... أصلاً من كال صار ساعة أتصل نبرة واحد عصبي ع وشك الانفجار وانا لها ..

_مجنت يم الموبايل...
_لكن وين كنتي؟
_جوه يم أهلي..
_غرفتج فوك؟
_أي...
_مااريد أنسى سالفتي...
همست :-ومنو لازمك لاتنساهه...