صدفة ... ثم نصيب

البارت 21

صباح الاشتياق والعافيه ..

صدفه ... ثم نصيب

روسكان الجبوري

البارت 21

قناة قصه صدفه:
٤٢٥

مارجعني أزهر للشقه .. وبهذا اليوم أني و ذوالفقار خنسنه متفادين عصبية أزهر الي يطب ويطلع ينفخ علينه عبالك تنين ..

طبعاً أني بقيت بغرفة ذوالفقار وهم تفاديت طباگات ذوالفقار .. خومو أفتح جبهة ضد الاخوان المسلمين أقصد أخوان ال ... حتى الظهر نمت ع السرير المرافق وطلعاتي صارت بعلم ذوالفقار

لليل بنفس اليوم رجعني أزهر للبيت وهو أخذ أكل وراح للمستشفى وأني ظليت ويه سارة ..

ثاني يوم مارحت لان ذوالفقار ماقبل.. گال متسوه لان اليوم يطلعوا بس تأخر للعصر ياله سمحله الطبيب بالخروج ..

أستقبلناه بفرحة وهو هم شكله أحسن من قبل بيوم وأكيد الواحد يرتاح أكثر ببيته ..

كل غرف النوم الاربعه مزودات بمجمع صحي واستقر بغرفة غير غرفتي لان هالفترة راح يحتاج أخوه أكثر بحركته ..

واذا خلوه بغرفتي مراح يگدر أزهر يفوت ويطلع براحته أكيد حيصير

٤٢٦

أحراج بوجودي ..
فهل الحل جان أنسب حل ..

رغم هذا أني ماعفته بعد ٨ أسابيع .. أغلب الوقت يمه وأساعد سارة قسمنه شغل بيناتنه عليهه الطبخ وعليه التنظيف والتعزيل والمواعين ..

كلمن وجبه والملابس كل وحده عليهه ملابسهه وملابس زوجهه وبصراحة حتى هاي الشغله ماجنت أدبرهه أجيب واحط بالغساله لان جانت سماهر وماما بكولشي متكفلاتني ..

سارة علمتني أفصل الملابس الاسود عن الابيض عن الملون من أغسلهن ولازم أفتش الجيوب وهاي الشغله دائماً انساهه وظلت شغلة الكوي هي هم متدبرهه و أزهر كام يدز ملابسنه للوندري ..

طبعاً من ٦_٨ أسابيع ذوالفقار لازم ميتحرك ميتحرك من الفراش هاي أوامر الطبيب طبعاً عدا الحمام وحتى شغلة السبح لازم يلفوله رجله بنايلون بحيث ميوصللهه مي و أزهر متكفل بهاي الشغله ..

بس دوم يتعارك ويا ذوالفقار .. لأن الاخير مل من الكعدة وكام يغافله من يطلع للشركة أو بشغله ويمشي ع العگازة بس داخل الشقه وشكد أحجي وياه بس ميفيد طگت روحه من الگعدة ...

٤٢٧

خلال هاي الفترة زارونه أهلي واهله .. تقريباً وره عمليته بأسبوعين أجوي وظلوا يمنه أسبوعين وأهلي أسبوع واحد بسبب شغل بابا ماگدر يطول أكثر ..

رغم من جنه بالمستشفى ذوالفقار گالي بس شكم يوم نبقى بشقة أزهر بعدهه نروح لبيتنه بس ماصار هالشي وهاي صارلنه شهرين بشقة أزهر لان الاخير رفض وگاله تحتاجني وطيف متكدرلك وحدهه ..