أنت تقرأ

صدفة ... ثم نصيب

Literatura Kobieca

قويه ، مغرورة ، جسورة ثم حادث يغير حياتها الى الابد ويكتب لها القدر صفحات جديدة وقوانين جديدة لتعيشها

#الفقار #ثم #ذو #صدفه #طيف #نصيب

البارت 22

21K 1.9K 229 
                                    

                                              
مساء العودة 😁 ...
أدري ملتهين بمراجعه الامتحانات وأدري شيبتو من جهالكم وادري ودكم تمتحنون بدالهم گد ماحفظتو المادة بس هانت ربي يحفظهم والتوفيق للجميع وهاي استراحه شويه ويه ذوذو وطيف ...

                          
نبدأ ..

                          
قناة قصه صدفه:
٤٥٣

                          
وصلت للشقة .. مااريد أكول مثل متوقعت .. بس صار شي متوقعه أني ... أول ما دخلت شميت ريحة شي محترك ... 

                          
دورت بالشقة ماكو .. توجهت للمطبخ لگيت طيف كاعدة ع كرسي ميز الطعام كبالها صينية فرن وبيهه دجاجة .. أستغفرالله دجاجة كاملة 

                          
هاي عود وصيتهه هواي علينا نفرين بدجاجة كاملة ... گاعدة كدام الصينية وتبجي عيونها معلكه ع الدجاجة محروكة... 

                          
_سلام حبيبتي ..
باوعتلي رأساً بعيون دامعه .. بس شافتني شهگت تبجي ..

                          
گامتلي حضنتني .. هالحركة ماتوقعتها منها ..

                          
_خير شصاير ؟
_حرگت الدجاجة..
گالتها ببجية ..
_مو گــ 

                          
سكتت مو وگت لوم .. حضنتها هدأتها ..
جانت لابسه جفوف بأديها .. هاي الجفوف الي يلزمون بيها شي حار يصيحولها وگة ... 
ولابسه مريلة طبخ وجواهه شورت كابوي اقصر من المريله فالسيقان

                          
٤٥٤

                          
والافخاذ طالعه لان اللبسة و المريله أبد مو قانونيات .. أتعجب ع هالبنية مصيفه بعز الشتاء .. ماتبرد!!!! بس من جواريبها تعرف أكو شتاء ههههههههه ...

                          
_كافي بجي حبيبتي .. ليش هالدموع .. هسه نوصي أكل مو فد مشكلة .. 

                          
_ردت أسويلك غده..
ردها خلاني أريد أحضنها وادخلها بضلوعي .. حضنت وجهه بكفوف أيدي وبست كصتها ...

                          
_باجر أخذ أجازة ونتعلم شلون نسوي الدجاجة خطوة خطوة أني وياج ..

                          
مسحت دموعهه وحاجتني ..
_كولشي سويت مثل مگالوا بالفيديو .. بس هم احترگت وفوكاها من فتحتها من جوه اللحم قوي بعده ممستوي ..

                          
_أوووووف ..
يا طلابة الدجاجة الماتخلص اليوم ..
_حبيبتي أنسي اتركيها .. هسه أبدل ملابسي واذبها ولا أشوف هالعيون تنقهر كلما تشوفها ..

                          
أبتعدت عني نزعت الجفوف وكعدت ..
تقربت من الدجاجة يمها سجينة كصيت قطعه گوة انگصت صدوك قوية مااعرف شمسويتلها وهيج محروگة وممستويه لان حتى العظم لعبت نفسي بعده وردي ع حمار

                          
٤٥٥

                          
يعني ممستوي ..
ماتحملت أبدل وهاي بعدها مگابله الدجاجة والعيون مورمه من البجي شلتها وذبيتها بالزباله .. 

                          
شلت تليفوني ووصيت ع أكل ورحت بدلت وسبحت و رجعت .. جانت طيف بعدها بالمطبخ بس دتنظف بي مواعين السنك دتغلسهن .. 

                          
_حبيبي ..
التفتتلي ... هممممم...
_بعدج ضايجة؟
_لاشويه .. مو كلت باجر تبقى يمي وتساعدني نسويها مرة لخ ...
_أي طبعاً
_شنو صار بشغلك ؟
صدفة ... ثم نصيبحيث تعيش القصص. اكتشف الآن