صدفة ... ثم نصيب

البارت 17

مساء العافية ...

صدفه ... ثم نصيب

روسكان الجبوري

البارت 17

وأخليك ع نظرة شوگ تتوسل
أراويك الوجوه من تثگل .

٣٤١

ماأعرف وره شگد وقت أجتني سماهر للغرفه گعدتني سما ع الفون..

النوم بعيوني گوة أحجي ومو واعية..

_ها هلو سما..

_أنتي وينج؟

_ببيت أهلي .. ليش شكو؟

_تليفونج شبي مغلق؟ فقار گالب الدنيا عليج..

فزيت شويه.. وركزت بكلامهه..

_هو شصار.. ليش گالب الدنيا ؟ ترى دگيت عليه ودزيتله مسج هو جان مفاتح نت...

_يعني انتي گايلتله من طلعتي؟

_أي شبيج أگولج دزيتله مسج .. شصار سما؟

_مخابر أهلي ... وگایم يصيح شلون تخلوهه تطلع..

_اهووووو... شسوي هسه؟

_دفتحي جهازج... ترى قلق عليج.. يتصل من الصبح لسه متردين...

_وين متصل جهازي الصبح مفتوح بس لان بالمحكمة ماعندي نت .. وبعدين عفته ع الشحن ونمت وهاي تليفونج كعدت..

_دفتحي ياعيني أفتحي... الرجال صاير نار وماكو واحد ماخابره وصيح عليه وانتي حضرتج نايمه وناسيته ع الشحن.. شهالبرود مالتج..

٣٤٢

سديته منهه ورحت فتحت فوني.. فتحت نت .. كوومة مسجات من ذوالفقار... خفت صراحة..

باوعت الساعه عابرة السبعة دنيا غروب..

دگیت ع ذوذو بسرعه فتح خط..

أول مافتح خط گام يصيح عليه...

_شلون تطلعين بدون علمي؟ وين جنتي من الصبح لسع أتصل ماكو...

وكلام هواي وأني جنت أحاول ابرر وأجاوبه وهو يعيط بيه أكثر فسكتت.. خلي موجة الصياح تعدي بلي يسكت ويهدأ واحجيله...

_ممكن تهدأ واحجيلك؟

تنهد وزفر ليبره زفير بقوة...

_يله هدينه .. أحجي..

_أجاني اتصال الصُبح من موكلة عندي منقطعة صارلهه فترة وظروفهه تعبانة حيل ونختني اساعدهه ودگیت عليك مفاتح نت.. دزيتلك مسج وبلغتك راح أداوم..

_أنتي مو أجازة؟ ليش تگطعين أجازتج مو عروس؟

_مو شرحتلك وگتلك والله صار شي ضروري..

_وشنو ماكو غيرج؟

_البنية نختني اليه ... والله لو أسولفلك قصتهه