مرحبا انا اسمي نور عمري ٢١ سنه عندي ام واب كبار بلعمر اني طالبه ولكن بسبب الضروف الصعبه تركت الدراسه..
عايشين بقريه حالتنه اشبه بلفقر رغم ابويه عنده اخوان بلمدينه وحالتهم الماديه كلش زينه بس ابوي جان رافض المساعده من اخوته مااعرف الاسباب. بس عنده اخو كل فتره يجي النه اسمه علي يحب بابه ودائما يريده يجي يمه للمدينه وبابا ميقبل...
فديوم ابوي تمرض كلش ودهورت حالته وبسبب الفقر ماكدرنه نعالجه وخسرنه بابا بقينه اني وامي اني اشتغل بمحل واساعد امي حياتنه بسيطه. بعد فتره امي تخربطت وسائت حالتهه اني تخبلت مااريد اخسر امي بس هي الي بلدنيه.. فد يوم اجه عمو علي النه توسلت بي يعالج امي وهو وافق كال تعالو وياي للمدينه اخذنه واني مااعرف اي شي عن المدينه بس سامعه بيهه دخلنه اباوع من شباك السياره بنايات عاليه وعالم بملابس حلوه اباوع ومتعجبه الي ان وصلنه لبيت كلش جبير كال عمو نزلو دخلنه للبيت بي حديقه كلش جبيره ولبيت كلشي بي حلو دخلنه اني وماما كال اكعدو ارتاحو كعدنه بغرفه اجوي بنات ثنين بعمري تقريبا وامهن سلمن علينه كال عمو
علي. هاي بنتي الجبيره ريم وهاي بنتي هدى وهاي زوجتي سعاد
امي. اهلا وسهلا
سلمن علينه البنات جانن كلش حبابات ويصحكن بس امهن ماضحكت ولا رحبت بينه. كال عمو ارتاحو حته باجر نروح للمستشفى رحت وي البنات كللي عله الحمام سبحت وارتاحيت جانت ملابسي عاديه ثوب بسيط. نزلنه جوه لكيت عمي وزوجته كاعد وامي وولد شاب عرفني عمو عليه ابنه اسمه احمد هو مباوع عليه سلمت وكعدت تعشينه وحصرو النه غرفه اني وماما نامت لان جانت حيل تعبانه واني ضليت افكر شلون اول مادخلت للمدينه وشلون شفت العالم وبنات عمو ولبسهن جان كلش حلووو
صار الصبح بدلنه ورحنه للمستشفى وعمو ويانه كالو لازم تبقى بلمستشفى حالتهه حرجه دخلناهه وضل عمو ويانه وتكفل بكل المصاريف وبيوم ادهورت حالتهه كلش طلبت تشوف عمي اتصلت عليه جان يجي دخل الهه للغرفه واني ضليت بلممر ابجي مااريد امي تشوفني بهيج حاله
امي علي اوصيك ببنتي امانه عندك لا تعوفهه ماالهه احد بهال الدنيه..
علي. لاتخافين راح اخليهه بعيوني بس شدي حيلج حته ترجعين الهه بلسلامه
امي مااعتقد اكدر اعيش بعد.
جانت حالتهه كلش صعبه وره ساعه ضلو الدكاتره يركضون مااعرف ليش وانخبصو اكول لعمو شكو حضني وكال ماكو شي امج زينه بس اني مامرتاحه. طلع الدكتور ركضنه عليه هاا دكتور بشررر
كال............ يتبع
