وكعت ساره من الدرج وكامت تنزف اني ضليت مصدومه من المنضر ركضت الي هدى ودخلتني للغرفه وكالت قفليهه قفلتهه وضليت ابجي مااعرف شاسوي بعدين صار هدوء يمكن اخذهه للمستشفى بقيت اخاف اطلع صار العصر وماكو اي صوت شويه وسمعت سياره اجن سمعتهن يعيطن من الدرج كاعد يصعدن اني جسمي كله كام يرجف ردت امي تمنيت احمد يجي ماكو وحدي وياهن كسرن الباب وساره تصرخ ابني راح من وراج كمت الطم عله وجهي اني ساكته ومااحجي شحجاني بذيج اللحضه... اسمع ام ساره تصيح طلعي اليوم اموتج عمدا وكعتي الطفل.. خاله كالت اني اعرف شلون ينفتح راحت وره شويه اسمع القفل ينفتح يمكن جابت نسخه ثانيه.. جمدت بمكاني ودخلن تلاثتهن.. جرتني خاله وضربتني ضليت اتوسل بيهن والله مو قصدي والله هي اذتني كامن يضربن بهذلني شعري كطعته ساره بعدين كالت اله احرمج من شي راحت واجت جايبه مكص انطته لخاله ولزمت ايدي جان خاله تكص شعري متت واني اشوفه خصل خصل يوكع تخبلت كمت اصرخ اريدهن بس يوخرن هدى واكفه وتبجي ماتكدر الهن كصن كل شعري شي طويل وشي كصير وطلعن خاله كالت ماتبقين بلبيت وجهج شؤم علينه مااريدج حرمتيني من رجلي وهسه حفيدي شوفي غير مكان يلفيج.. ضليت ابجي واكول وين اروح والله ماعندي احد واحمد مايقبل جان تضربني وتكول وليش احمد راح يسكت الج عله السويتي كتلتي ابنه تعرفين شنو ابنه طلعت واني انهاريت كمت شفت شعري بلمرايا ماكو اباوع الكاع كلهه شعر جسمي كله يوجعني من الضرب بقيت اليل كله ابجي اخذن مني الموبايل الصبح كالت خاله كلت لحمد عله السويتي وتخبل وكتله راح اطلعهه كال مااريد اشوف وجهه كتلهه بس خل احجي ويا ماقبلت كتلهه والله خاله ماعندي احد كالت مو مشكلتي روحي لعمج ابو محمد يلفيج
نور... مو تدرين بي ميحب بابا ولا يحبني شلون اروح اله
سعاد... مو مشكلتي.. ولج ماشفت راحه من يوم الدخلتي لبيتنه طلعي خل نرتاح شنو ذنبهه ساره انحرمت من طفلهه قبل متشوفه
بقيت اتوسل ماقبلت اخذت ملابس قليله وفلوس عندي جانن خاف احتاجهن وطلعت...
احمد.... سافرت شغل جان عندي ويوميه تقريبا اخابر اهلي واطمان عليهم اخر فتره اتصل عله نور مجاوب اسئل امي تكول موبايلهه عاطل ماارتاحيت.. بقيت شكم يوم كملت شغلي عله السريع ورجعت جنت حيل متلهف اشوفهه مشتاقلهه حيل مااعرف شلون اخذت روحي وعقلي دخلت للبيت جانت كاعده امي وهدى وساره سلمت عليهم بس وجوهم بيهه شي كلت تعبان راح اصعد ارتاح ردت اصعد لنور ميت عله شوفتهه دخلت للغرفه ماكو رحت للحمام دكيت الباب نوووررر حبيبي.. ماكو صوت فتحت الباب ماكو استغربت نزلت لامي
احمد... يووم نور وين؟
سعاد... اكعد حبيبي خل احجي وياك
احمد... شتحجين يووم نور بيهه شي
ساره.. احنه البينه شي مو هي تدري اني خسرت الطفل من وراهه تدري ابنك راح
احمد... شكاعد تحجن يومم فهميني شكووو شصاير شنو ابني راح شنو نور ماكو
سعاد... يمه نور وساره تعاركن ونور ضلت تغلط وتحجي عله ساره وصعدت ساره وراهه رادت تحجي وياهه جان نور تدفعهه وكعت وخسرنه الطفل
احمد... ونور وين هسه
ساره... نكووولك الطفل راح تكول نور وينهه
احمد.... بديت اعصب وبلكوه ساكت ردت افتهم الصار عطت بيهن نوووووورر وووين
سعاد... طلعت مانعرف وين
احمد... شلون يعني طلعت تردن تخبلني وين ترووح ومنو كلهه تطلع
سعاد... يمه شبيك عله كيفك والله هي طلعت
تخبلت من سمعتهن صعدت فوك فتحت الكنتور لكيت ملابسهه وكلشي عايفه ماماخذه شي ضليت كاعد و ادخن اريد اذكر وين تروح وهي ماعرف احد صحت هدى اريد افتهم منهه
احمد... هدى تعاي صعدي فوك
هدى... ماشي هسه اجي
اجت هدى كعدتهه
احمد... احجي اريد اسمع منج السالفه لان مااقتنعت بلحجي مال امي وساره نوررر مستحيل تاذي احد
هدى... مثل ماكالن هو الصار
احمد... هدددى احجي لاتخليني افقد اعصابي
هدى... شبيك عله كيفك
احمد... احجي
هدى.... امي وساره تعاركن وي نور.. ونور اول مره تحجي عله ساره لان ساره مدت ايدهه عليهه وصعدت لحكتهه ساره عله الدرج وجرت شعرهه اذتهه رادت نور توخر ايدهه ساره وكعت وضلت تنزف اخذناهه للمستشفى بس الطفل راح
احمد... كملي شسون الهه بعد وشلون طلعت وحدهه
هدى... ضربنهه وماما كالت الهه طلعي هي ماقبلت رادت تخابرك امي كالت اني خابرته وكال مااريد اشوف وجهه هي خافت وطلعت
احمد... شلووون هيج تسوي امي بعقلهه لو شنوو ضل يكسر بلغرفه ويعيط
هدى... عله كيفك عله روحك.. نزل جوه جان يلزم ساره يكتلهه شلون تتعاركين واني محذرج تعوفيهه لج يووم شلون تطرديهه وانتي تعرفين محد الهه وين هسه اني الكاهه ويننن.. شكد صارلهه من طلعت؟
هدى... تلاث ايام
شفت احمد شلون تخبل عليهه كتل ساره هي بسرعه خابرت اهلهه اجو اخذوهه وضل يحجي عله امي راد يطلع
هدى.... وين راح تروح ارتاح شويه ستوك اجيت من السفر
احمد... تردين ارتاح ونور منعرف وين
عافنه وطلع
نور.... من طلعت ماكو مكان ابالي.. بعدين اذكرت صديقتي مريم اني حافضه رقمهه. شفت رجال جبير رحت اله وطلبت منه اخابر من موبايله وافق اخذته واتصلت اول عله رقم احمد ماحافضه بس رقمه العراقي طلع مغلق رجعت اتصلت عله مريم جاوبتني كلت
نور... شلونج مريوم
مريم... هلوو منو نورر
نور... اي حبي اكلج اريدج تساعديني
مريم... كولي يروحي
نور... تكدرين تجين تاخذيني من اشوفج اسولفلج
مريم... ماشي كولي وين انتي هسه اخلي اخويه يوصلني
انطيتهه العنوان وبقيت منتضرتهه شويه واجت صعدت واني كلش مستحيه منهه كالت خل نرجع للبيت ونسولف لان شافت حالتي كلش تعبانه رجعنه كعدت سولفت الهه كلشي كالت اهلا وسهلا بيج ابقي يمي والله اكيف تدرين محد عدنه .. بقيت يمهه مضطره بلكت يرجع احمد واكدر اعتذر منه ويسامحني بقيت اتصل بخطه العراقي كله مغلق.... يتبع
