#عشقت_هواك
#البارت السابع
احمد... جنت بلشغل اجه ابوي كال السائق راح يوصل امك مر انت للجامعه جيب مرتك لان اليوم وحدهه كتله اوك ردت اروح اشوفهه بلجامعه مااعرف فضول رحت دخلت للقسم مالتهم شفته هوسه وطلاب شفتهه من بعيد ضليت بعيد مارحت عليهه ردت اشوفهه جانت وحدهه الطلاب طلعو يمكن للسفره بقه عدد قليل اباوع عليهه ضلت تباوع وجنهه خايفه وتتصل بعدين كعدت وضاجت كولش احسهه شويه وتبجي مااعرف شبيهه رحت عليهه شافتني انصدمت اجيت يمهه كلت الهه
احمد.... سلام
نور... هلووو اليوم هنا
احمد... ليش اكو مانع
نور... لا بس اكول
احمد... السائق مايجي
نور.. اي خابرته كال طالع
احمد.. ابوي كلي اخذج للبيت واجيت
نور... اوك
شفت عمار من بعيد يباوع علينه مااعرف ليش حبيت اغوره كلت الهه ماتضيفيني شي
نور... بكيفك نروح للكافتريه
احمد... يله مشيت وياهه واحس الطلاب متفاجئين كلت الهه شبيهم الطلاب هيج يباوعون جان تكول لان اني ماامشي وي ولد مستغربين منك.. دخلنه للكوفي
احمد... تتريكين
نور.... هاا لا متريكه
احمد... لعد راح اجيب عصاير
نور... براحتك
ورحت جبت عصاير ثنين كعدنه نشرب احسهه مامرتاحه
احمد... شبيج
نور... مابيه شي
احمد... قبل شويه شفتج من بعيد ضايجه وتردين تبجين ليش
نور... هااا هيج
احمد... شنو هيج احد مضايقج
نور... لا بس لان بقيت وحدي
احمد.. لان وحدج ليش صغيره انتي
نور... ماتعوده كله وي هدى وهسه عافتني ولسائق مايجي خفت مااعرف ارجع حته البيت موكلش اندل
احمد... هههههههه افرضي مااجيت شسوين
نور.. يمكن اروح تكسي واضل لليل نفتر ومانلكه البيت
احمد... ههههههه لعد راح اروح رجعي انتي
نور... لا والله كيفت شفتك تريد تروح
احمد استغربت عفويتهه بلحجي جانت حيل بريئه وبنفس الوقت ثكيله يمكن هاي اول مره اخذ وانطي وياهه بلحجي بدون نرفزه.. رجعنه جان البيت فارغ دخلت سبحت وهي وراي جنت كاعد عله الجربايه العب بلموبايل اباوع فتحت شعرهه تمشط اني ضليت صافن عليه ابودي اروح والزمه حيل احب الشعر الطويل احس انوثه المرأه بشعرهه. باوعت عليهه بلمرايا لكيتهه تباوعلي اني نزلت راسي وطلعت ماردت اشوفهه اني منتبه عليهه..
نور... من اجه اخذني من الجامعه جان احساس حلوو اول مره احس بامان يمكن لان جنت خايفه بس هو جان هادئ ومن وصلنه للبيت وسبحت جاي امشط بشعري اباوع عليه صافن عله شعري عرفت يحب الشعر الطويل من حس بيه ارتبك وطلع ..
اجن البنات وهدى تسولف عن السفره بعدين كالت هدى... هاا نور اليوم وحدج رجعتي خو ماخفتي اعرفج
نور.... لا ليش اخاف غير احمد وياي هههه
هدى وريم... شنووووو احمد اجه اخذج
نور... اي عمووو دزه لان السائق طالع وي خاله هدى... ولج والله احمد مايسويهه اله اذا عنده شي بس لا بده يحن ههههه
نور.... لا ولج عموو حرجه
هدى.... نشوف
بيوم اجت ساره يمنه جانت عطله ولكل ملتم بلبيت نزلت جنت لابسه تراك اتعمدت افتح شعري وخاصه من شفت شعر ساره قصير نزلت احمد جان يلعب بلموبايل انتبه لشعري ضل يباوع ويدنك راسه خالتي وساره انقهرن حيل جان تكول خاله
سعاد... شنو فاتحه شعرج شعدنه عرس مو حلو هيج يله لمي.
هدى.. شبيج يوم تره يخبل اني لو عندي مثله اربع وعشرين ساعه اخبصكم بي ههههه
اني كعدت اضفر بي ضجت من حجايتهه وساره ميته قهر احمد صعد فوك مااشوف غير ساره صعدت ورا ردت اكوم جان خاله تكول اكعدي تريد تحجي ويا شعندج صاعده مااعرف ليش ضجت حيل كلبي كام يدك ضليت كاعده وبالي يمهم فوك شتريد منه.. بعدين نزل احمد وساره ورا كال احنه طالعين تردون شي اني متت كلبي كام يوجعني خاله تضحك بضحكه مستفزه وتكولهم لا يمه روحو تونسو كلشي منريد
طلعو واني صعدت فوك مختنكه ضليت ابجي ليش مااعرف شنو قابل احبه قابل جاي اغار شبيج نور ليش ضجتني منهه.. ضليت ضايجه وابجي مدري عله اهلي مدري غرت منهه ماعرفت افسر احساسي..
لمن رجعو صعد فوك سويت روحي نايمه دخل ضل يباوع عليه حسيته قريب مني بعدين راح للقنفه يلعب بلموبايل...
احمد.. طلعت وي ساره الي اصرت اله اخذهه للاسواق خبصتني ضايجه وضايجه من طلعنه صارت عيني عله نور شفتهه ضاجت من رجعنه لكيتهه نايمه باوعت عليهه لكيت خشمهه احمر وعيونهه مثل الباجيه عفته ورحت ضليت كاعد اباوع عليهه وهي نايمه وشعرهه مفتوح تقربت يمهه ردت بس الزمه كعدت ولزمته شميته ريحته تخبل ضليت اشم بي بعدين انتبهت لنفسي رحت للقنفه واني افكر ليش هيج جاي انجذب الهه اني شجاي اسوي ضحكت بداخلي ... يتبع
