#عشقت_هواك
#البارت_السادس
احمد... نووووور
وكفت واني ارجف من الصياح مالته حيل اخاف منه اذا صار عصبي دخل للغرفه جان يجر ايدي حيل ويكول
احمد.... منو هذا عمار وشنو علاقتج بي
جان يضربني راشدي اني اتفاجئت كتله والله مااعرفه
احمد... ماتعرفي وهو يعرف كلشي عنج ضربني حيل وكعت بلكاع اريد احجي مااكدر كتله عوفني فدوه خل احجي وياك عافني وكعد عله الجربايه و كال
احمد... تحبي
سكتت جان يعيط جاوبي تحبي ضوجني حيل كتله انت مو متريدني مو كلت شوفي حياتج واختاري ليش ضايج وتضربني
احمد.... لان الحقير اجاني ويحجي مسيطر ويكول طلكهه واني اخذهه كتله هي تريدك كال معليك بيهه بس طلك كتله مااطلك ردت اشوفه جان يكول انت مو متريدهه مو مامتقرب منهه ليش مااطلك شمدري اني ما متقرب الج احجييي مو كتلج مااريد احد يعرف جاااااوبي
نور... والله مااعرف هو اجاني قبل حجه وياي واني حته ماانطيته مجال وهم كلي هيج واني ضربته راشدي وكتله لا تدخل بحياتي بس هو كال مااعوفج...
احمد... هااا ولازم اصدك هسه بس اني راح اعرف بطريقتي بس اذا جذبتي وطلعتي انتي ماتلومين اله نفسج طلع واني ضليت ابجي متت خوف ماجنت اعرف راح توصل لاحمد
احمد
.... كاعد بلسياره وي جماعتي اجاني ولد كال من رخصتك اريد احجي وياك بموضوع كتله تفضل كال وحدنه احسن رحت ويا.
احمد... تفضل اخوي شعندك
عمار.... شوف حبي راح ادخل كبل بلموضوع اني طالب وي نور بلبدايه جنت معجب بيهه ومااعرف بيهه مزوجه حبيتهه وضليت اراقبهه وعرفت هي مزوجه بس ماكدرت اعوفهه
اني هنا بديت اضوج من اسمع هيج يحجي مااعرف ليش خاصه اني كلتلهه اختاري وازوجي بس صدمني من كتله مااطلك ردت اشوف رد فعله كال انت ماتحبهه و مامتقرب الهه هنا ردت اموته لان ادري محد يعرف بهذا الشي غير بس امي واكيد عرف منهه لان هي القريبه عليه كتله منو كلك كال معليك اليحب كلشي يعرف عن حبيبه كتله لو تنطبك السما عله الكاع مااطلك هو ضاج وكال نشوف وجان يروح عفت جماعتي ورحت للبيت مااعرف ليش بودي اشرب من دمهه ضربتهه حيل بس هي نكرت وكالت مااعرفه طلعت رحت لاصدقائي لكيتهم رايحين بس ولدصاحبي ويعرف كلشي عني حجيتله كال هذا ابن ابو عمار صاحب هاي المحلات التتعاملون وياهه عرفته اني اعرف ابو وامه صديقة امي كلش قررت اروح الهم للبيت رحت واستقبلوني جان اكول الهم وين عمار كال ابو هسه اخابره يجي كتله اي والله اريده بشغله وره شويه اجه دخل سلم وعافونه
احمد... شوف اني مااحب احد حجي شي ماافتهمه ويروح
عمار... وشنو الشي الماافتهمته اني احب نور
احمد... مسكت اعصابي وكتله اريد اعرف هي تحبك لو لا يعني عدكم علاقه
عمار.... شوف احمد نور لا تحبني ولا تباوع عليه اصلا بس هذا الشي مايمنعني مااحبه وخاصه من عرفت علاقتكم فاشله
احمد.... زين منين عرفت
عمار.... هذا الشي مايخصك
احمد... شلون مايخصني ومحد يدري بهذا الشي ومنبه عليهه ملتحجي ماكو غيرهه هي الكلتلك
عمار... لا مو هي
احمد..لعد منو كول ريحني
عمار.... من امي
احمد.. شنوووو
عمار... اني من عرفت هي زوجتك واعرف امي علاقتهه قويه بامك ضليت اسئل بيهه واجمع معلومات لمن خليتهه تكول انو انت متحبه وابوك فرضهه عليك وانت حته ماماقرب الهه
انصدمت يعني امي تحجي هيج لصديقاتهه وليش
احمد... شوف اخوي الي افتهمته من حجيك هي متريدك زين ليش هيج جاي تسوي ليش متعوفهه
عمار... والله حاولت بس مااكدر اني مااريد ااذيهه راح اعوفهه براحتهه
احمد... اني لازم اروح
عمار..... احمد ديربالك عليهه يمكن ماتكون الي بس هي ما تستاهل احد يجرحهه لو دور بنات العالم كله متلكه مثلهه
طلعت واني مااعرف شنو الصار بيه بين امي وبين هي وشلون يحبهه ومتعلق بيهه واني مفكر محد يريدهه.. دخلت سلمت لكيتهم كاعدين بلصاله شفتهه كاعده صحتهه كتلهه تعاي وصعدت دخلت هي
احمد.... كعدي نور اريد اسئلج سؤال وجاوبي بصراحه ووعد مني ماراح اسوي اي شي واحترم قرارج
نور... كول
احمد... اني جنت يم عمار وحجالي عنج وعرفت هو شكد يحبج وعرفت مو انتي الكلتي اله جاوبيني انتي تحبي عندج مشاعر اتجاهه
نور... انصدمت شلون هيج يحجي وياي كتله شوف احمد صح انت مامعتبرني زوجه الك وماتحبني بس مو معناهه تشتغل واسطه حته ازوجني
احمد... اني ماجاي اتوسط من حقي اعرف تردي او لا واني سبق وكتلج هاي حياتج
نور.... لا احمد لا اني مااحبه ولا احب اي شخص وسبق وكتلك رايحه ادرس مو ادور حب وزواج.. جان اختنك حيل وصارت الدموع بعيوني. عفته ورحت للحمام ماتحملت اسكت ضليت ابجي
احمد.... مااعرف ليش ارتاحيت من حجت هيج اني اعرف بيهه ثكيله وماادور هيج..نزلت رحت لامي كاعده وضايجه كلتلهه شبيج يووم
سعاد... شعندك اول مااجيت صحت لهاي هااا ضحكت وسولفت الهه. كلشي كلتلهه ليش تحجين كالت مااريد اعترف بيهه جنه الي وبعدين انت شنو المضوجك واذا حبهه عمار بعد احسن اني احجي وي ابوك وطلكهه وخل تاخذه
احمد... يووم شنو هذا الحجي تردين ابوي ينجلط بعدين هي متريده
سعاد.. احمد اني لازم ازوجك شوف ساره شحلاتهه وتحبك
احمد كافي يووم اني بعدين اشوف وحده طلعت بلسياره واني افكر شلون يحبهه ويحجي عنهه كانما شي غالي ضليت انتبه الهه اريد اشوف شحب بيهه... بيوم كاعدين كالت هدى.. باجر وره المحاضرات نطلع سفره مرحلتنه كلهه
علي... اي بابا روحي تونسي وانتي نور هم ماطالعه روحي
نور... لا عمو اني ماسجلت مااحب هيج طلعات
سعاد.... فكر غير مامتعلمه
ضجت حيل من الحجايه وكمت ثاني يوم كملنه المحاضرات ولطلاب بدو يحضرون يردون يطلعون طلعت هدى وياهم ضليت وحدي هاي اول مره ابقه وحدي خايفه ومرتبكه وبداخلي اصبر نفسي انتي قويه واذا بقيتي وحدج بقيت اتصل بلسايق اريده يجي وهو ميجاوب قلقة اكثر اريد اطلع شويه و جان اشوف احمد من بعيد.....يتبع
