#البارت
#عشقت_هواك
نور...
جنه نايمين كعدنه ثنينه عله صوت خاله تعيط اني اخاف من هذا صوتهه.. احمد بدل ملابسه وفتح الباب
احمد.... شكوو شبيجن
سعاد... لا مابينه شي سلامتك شعندك هناا هااا اكو واحد يعوف عروسته بليله عرسهه ويروح...
احمد.. وين يروح كملي لمرته هااا مثل ماهاي مرتي ياشر عله ساره نور هم مرتي واني انام بلمكان اليعجبني..ماكو داعي العياط
سعاد... من شوكت هذا الحجي احمد من شوكت حاسبهه مرتك.
ساره... اذا حاسبهه مرتك ليش ازوجتني هااا
احمد. ههههههه سالي امي هذا السؤال
نور. اني متت خوف وخاتله وره احمد مااحس غير خاله جرتني تريد تضربني ايدي كامت توجعني احمد وخرهه وعاط بيهن
احمد.... يوم كافي هاي من اول يوم بديتن كااااافيي وانتي ساره روحيي لغرفتج يله..
طلعن واني كعدت بلكاع ارجف اخاف منهن شكلهن يخوف يخزرن بيه كعد احمد يمي حضني
احمد... شبيج جبانه ترجفين ههههههه
نور.... تضحك والله.. واني راح يوكف كلبي من الخوف
احمد... لزمت وجهه بايدي وكلت تحبيني
نور.. حركت راسي ايي
احمد... لعد تتحملين كلشي عله مودي واريدج اقوه من هيج ماشي
نور... ماشي
رحنه غسلنه وكتله
نور.... بس صدك احمد موعدل تعوفهه وتجي تنام هنا..
احمد.... هاااا هاي منو تحجي منو البارحه ماتت من البواجي ونوب حاضنتني كسرت ضلوعي وتكول روح احمد شلون اروح بله
نور... ههههههه والله كيفت من اجيت زين يله تعال سولفلي شسويتو البارحه
احمد... هههههه وانتي شدخلج اني ومرتي
نور... احجي احمد لان متت البارحه واني افكر
احمد... شتردين تعرفين معليج بابا جان تسحب ايدي وتعضهه حيل اخخخخ ولج تخبلتي
نور.. احجي
احمد... احجي بس عوفيني وخرت وكالت يله كلت شتردين تعرفين
نور... يعني تقربت الهه
احمد... ههههه اي تقربت الهه ورحنه لعالممم... جان تضربني.. طيحان الحظ اقصد اي وخلص
تردين احجي تطبيقي وتقربت عليهه
نور.. كافي احمد كوم
احمد... اوكفي اني مااخذت ثاري مال العضه جان اعضهه بركبتهه صارت زركه تخبلت
نور... لا انت ناوي يكتلني اليوم خلاص
احمد.. هههههه شحدهن جنت محروم منهه هسه بعد عليمن
نور.. جريته من ايده وفتحت الباب يله روح راضيهه..
احمد... متاكده تردين اراضيهه
نور.. اي بلحجي يعني ههههه
طلعت ورحت لساره كالبه وجهه كعدت يمهه
احمد... اسمعي ساره الصار اليوم مااريده يتكرر مثل ماانتي مرتي هي هم
ساره... بس مو تعوفني بهاي الليله
احمد... انتي نمتي واني هم اريد انام وين المشكله وبعدين يله كومي خل نتريك..
اخذتهه ونزلنه وامي ماتحجي وياي ردت اروح للشغل مااكدر اعوفه زعلانه بس خايف عله نور ياذنهه اجيت لامي
احمد... يوم لاضوجين مو اخذت البنيه الترديهه بعد ليش هيج وي نور
سعاد... مااحبهه اكرهه
احمد.. براحتج يوم اني اريد اروح للشغل لخاطري لا تسون شي الهه
سعاد... شايفنه لازمين اسلحه عليهه هيج تخاف عله ست الحسن
احمد. بست راسهه وكلت الهه كلشي ولا زعلج عليه جان تنزل نور لابسه بدي بي رگبه وجو مو بارد مومال واحد يلبس هيج بس تريد تغطي العضه ضحكت من شفتهه
احمد.. يووم والله الجو حار اليوم شبسرعه اجه الصيف اباوع عليهه تخزر بيه وانتي نور شدعوه لابسه هذا البدي..
نور.... هااا بردانه
ضحكت وكمت بست اممي ورحت
نور...
ضلن يحجن عليه وخاله حيل ضوجتني وتكول ماتستحين وساره هم اني ضليت اشتغل مرت فتره خاله خلتني خدامه لساره شتريد اسوي بقينه هيج احمد مايعرف شي ماردت تصير مشاكل هو يبات يوم هنا ويوم يمهه بس اكثر المرات يمي بحجه مكاني القديم متعود انام بي.. تعودت عله عركهن وياي حته بلدراسه ماخلني اركز جنت اروح اقره بلجامعه او بليل تعبت حيل وبيوم جنه كاعدين اني واحمد وهدى نسولف ونضحك خاله وساره جانن طالعات اجن يضحكن جان تكول خاله.. مبروووك حبيبي ساره حامل
اني انصدمت مااعرف ليش كلبي حيل ضل يدك
احمد... صدك مبروك جان ساره تشبكه وتكول اي حبيبي راح تصير ابوو وتباوع عليه وتضحك وخاله تكول والله وسباعيه وراح تجيب اول حفيد الي
ضليت ساكته بعدين صعدت فوك اجه احمد حضني حيل
احمد ... شبي حبيبي ضايج
نور... مبروك احمد تستاهل
احمد... مااريدج تضوجين وانتي بعدج طالبه ودرسين خلصي وبعدين الله كريم
مرت الايام وساره ماتتحرك الدكتوره كالت الهه شويه حملهه يراد راحه بس هي تتحرك ما تكعد واني صرت الخدامه الهه شتريد امتحنت وخلصت السنه ونجحت صرت مرحله ثالثه احمد فرح حيل بنجاحي وجابلي هديه سوار ذهب وكال هذا لاحله دكتوره شفتهه بعمري
نور... شكرا حبيبي كلش حلوو الله يخليك الي
احمد... تستاهلين يعمري .
ساره صارت حامل بلشهر الثالث خاله مدللتهه ماتخليهه تتحركت تخاف عليهه.. احمد راد يسافر للخارج شغل عنده كال راح يتاخر شهر تقريبا ضجت حيل مااكدر يعوفني كتله شلون تروح والله اخاف بدونك
احمد... شبيج حبيبي والله شغل مااكدر اعوفه وبعدين اني راح اوصي امي وساره مايتقربن منج...
ساره عادي عدهه سفر احمد اصلا مو كلش مهتمه. اني حضرت الجنطه مالته وبقه يمي نام رغم هاي الليله لازم يم ساره ضل يوصيني ويبوس كانما ماراح يرجع طلع الصبح من وكت ودعته
نور... راح اشتاقلك
احمد... موبكدي ديري بالج عله نفسج.. ودعته وراح ضليت ضايجه عليه.. الصبح ساره تذب حجي وي خاله راح وحته ماكلف نفسه يودعني يعرف المن يودع اني بكلبي اكول غير انتي همج النوم ماطلعتيله... عشت ايام صعبه استغلن غياب أحمد رغم هو يخابر ويوصي جان يحلفني شلونهن وياج اكول زينات مااريده يشيل هم وهو بعيد وبيوم تعاركن وياي ساره ضربتني ماتحملت اسكت حجيت عليهه هي تخبلت ضلت تعيط وخاله هم كلشي ولا ساره كتلهه كاافي عوفيني شتردين مني والله تعبتوني
ردت اصعد لغرفتي جان تصعد وراي ساره لزمتني عله الدرج جرت شعري
ساره... اسمعي لج ماترفعين صوتج عليه
جرت شعري حيل بايدهه ردتهه بس تعوفني اذتني وخرت ايدهه حيل جان توكع من الدرج ردت الزم ايدهه ماكدرت ضليت صافنه عليهه وخاله وهدى ركضن الهه اني شفتهه تنزف وشفت الدم مااعرف شسوي اكيد راح يموتني....... يتبع
