#عشقت_هواك
#البارت_الثامن
عموو ابو احمد هاي الفتره حيل تمرض هو عنده قلب واحمد ضل ويا من دكتور لدكتور وماصار زين رادو ياخذو للخارج وبده احمد يحضر اوراقه.. حيل ضجت عليه هو الوحيد الزين وياي مااريد اخسره بقيت اندعي اله حته الدراسه هملتهه...
بيوم جنه كاعدين بلغرفه اني جاي أقره واحمد يلعب بلموبايل نسمع اعياط جوه ركض احمد نزل واني ورا لكينه عموو متخربط ركض احمد شاله للسياره واخذه للمستشفى ويا خالتي احنه ضلينه بلبيت البنات يبجن كالو حالته خطره بقو يومين أحمد يجي يسبح وياخذ اكل ويروح خاله يمه حالته كلش ساءت كلبه تعبان حيل ضليت ادعي اله كون يرجع سالم وبيوم كاعدين اجوي ولد خالاتهم دخلو وجوههم ماتتفسر خفنه
هدى... شبيكم بابا بي شي احجوووو
اهدئو عله كيفجن
ريم... شلون نهدء ماتحجون ابوي بي شي...
عمي انطاكم عمره جانت هنا صدمه للكل هدى وكعت ضلينه نكعد بيهه صحت بس تعيط اني انهاريت كانما ابوي مات حسيت تيتمت من جديد اجوي ناس هواي كرايبهم البيت انترس دفنو واجت خاله منتهيه حالتهه صعبه كلش اجيت اسلم عليهه دنكت ردت ابوسهه جان تضربني كدام الكل وتعيط انتي الفكر انتي موتي ابوج وامج واجيتي كتلتي عمج من شفناج ماشفنه الخير جانت منهاره وتضرب بيه البنات يردن يوخرنهه ماتعوفني اني متت قهر من حجيهه واستحيت من العالم الموجودين مااحس غير انجريت منهه حيل اباوع شفت احمد جان يعيط عليه صعدي فوووك ولا تنزلين صعدت وجنت منهاره كعدت ابجي حسيت بروحي وحيده صرت. جسمي كله يرجف من الموقف ضليت بلغرفه كاعده بلكاع وابجي.
احمد... ابوي تعب بلمستشفى صاحني وكال لامي اريد احجي ويا امي طلعت لزم ايدي وكال علي... احمد اني ماراح اعيش اكثر
احمد... اسم الله عليك بابا لا تحجي هيج راح تكوم
علي... خل اكمل ابني وصيتي نور مااوصيك بيهه مااريدهه تتاذه هاي يتيمه ماالهه احد واني اذا رحت ماالهه احد غيرك اذا تريدني راضي عنك لا تخليهه تحزن.. ودير بالك عله اخواتك وامك... جانن ذني اخر كلمات لبابه واني وعدته ما اعوفهه انهاريت من مات سندي بلحياة راح حسيت بوحده فضيعه حسيت بكسره ولشي القهرني اكثر ماجاي تنزل دموع احس روحي فاقد من رجعنه جان بيتنه متروس ناس بس اني كلشي يذكرني بابوي كاعدين وي ولد عمي سمعت عياط النسوان وامي صوتهه عالي دخلت لكيتهه تكتل بنور جريتهه منهه حسيتهه حيل متاذيه صعدت واني طلعت كملت العزه وضليت وي الناس يومين اني ماصاعد فوك ريم تجيب
ملابس الي سالتهه عله نور كالت نور مريضه وماتقبل لا تاكل ولا تشرب راحت ريم واني ضليت افكر بيهه بدت الناس تروح صعدت فوك دخلت للغرفه شفتهه ماكو رحت للحمام صحت نوور.. نورر فتحت الباب شفتهه واكعه بلكاع ركضت شلتهه خليتهه عله الجربايه وذبيت مي عليهه شويه وكعدت جانت تعبانه حيل كامت تبجي كعدت يمهه طلعت جكاره دخنت كلت الهه ليش هيج جاي اسوين بنفسج ليش ماتاكلين
نور... مااكدر اني خسرت ابوي الثاني والله كسرتي مثل كسر ريم وهدى والله اني تيتمت اني ماعندي بهاي الدنيه غيره وراح عافني كل الاحبهم يرحون ليش..
اباوع عليهه منهاره
احمد... جريت حسره وكلتلهه اني ابوي كسرني احس بفراغ كلش جبير ترك مسؤوليه جبيره عليه.. اختنكت حيل
نور... باوعت عليه وكلت ابجي احمد لاضل ساكت راح ترتاح.. اني ادري بي لسه ما نازله دمعه منه..
احمد.. نزلت دمعه مني واني اذكر ابوي اذكر دلاله حنيته خوفه علينه ضحكته سوالفه طيبت كلبه بعد مااتحكم بدموعي بدت تزل ضليت ادخن ولدموع تنزل وحدهه ونور هم تبجي وره ساعه تقريبا اباوع نور نايمه اني تعبت حيل حته مااكدر اكوم تمددت وغفيت ما حسيت بروحي... فزيت الصبح اباوع نايم يمهه هي دايره وجهه وضهرهه عليه ضليت اباوع عله شعرهه لزمته تقربت اكثر يمهه صرت قريب عليهه خليت راسي بشعرهه وبقيت اشم بي احس ارتاحيت اذكرت البارحه من بجيت جانت هي اول وحده تشوفني ابجي بس ارتاحيت لدرجه نمت ماحسيت بنفسي واني صارلي من تمرض ابوي مانايم حسيت براحه يمهه....كمت اخذت ملابسي ودخلت اسبح سمعت امي دخلت للغرفه جان تعيط بنور
سعاد... كوميي حضرتج لسه نايمه شعدنه فندق نزلي ساعدي البنات.. واحمد وين
نور... مااعرف يمكن بلحمام
احمد بدلت وطلعت عله عياطهه
احمد.. شبيج يوم عله كيفج
سعاد.. هااا ولك شو صاير تدافع
احمد... نور نزلي يم البنات
نزلت نور كعدت امي اريد احجي وياهه
احمد... يوم عفيه عوفيهه هاي الفتره انتي تعبانه لا شدين وياهه
سعاد... وانت ليش تدافع هااا تريد تموتني اني هم اموت قهر من وراك
احمد... يوم والله مو مثل ماانتي مصوره بس بابا وصاني بيهه من حجه وياي وكال امانه عندك تقبلين ارفض طلب ابوي واكسر وصيته
خليهه يا امي لخاطر بابا
سعاد.... شوف احمد راح اسكت عنهه بس اول ما يطلع الاربعين مال ابوك اخطبلك ساره
احمد.... يوم هسه عوفج من هذا الحجي مو وكته وانشاءالله خير...
نور.. نزلت جوه لكيت البنات كاعدات كعدت يمهن اكلت شويه نزلت خاله واحمد تريكو وطلع احمد...
سعاد... كومي نور نضفي البيت وصخ
نور... ميخالف
ساره... خاله اني راح اطبخ
سعاد.. لا يروحي اخاف عليج من النار ومابقه شي انشاءالله عله خطبتج لاحمد ديري بالج عله نفسج. ساره بضحكه ميخالف خالتي حبيبتي
اني اختنكت حيل واحس كلبي يوجعني جنت مأمنه بعموو ماتكدر تسوي شي هسه لا تكدر مااعرف ليش ضجت كلش ضليت انضف وافكر شلون اذا ازوجهه حسيت بروحي متعلقه باحمد مااريده يزوج وخاصه هاي ساره للضهر اجه احمد ساره ركضت اله سلمت اني اباوع عليهه شلون تتقرب منه
هو سلم وصعد رحت اني صعدت ورا انطاني موبايله اشحنه خليته عله الشحن هو باوعلي كال شبيج كتله اريد اسئلك سؤال واعرف مو وكته ويمكن ماالي الحق اسئل
كال سئلي فضيهه خير شنو هاي المقدمات كتله اذا خاله خطبتلك ساره تقبل بيهه... باوع عليه مستغرب سؤالي وكال........ يتبع
