خاله..... نريد ساره لاحمد حته تكمل فرحتنه اليوم... اباوع عله احمد الي انصدم اني كلبي كام يوجعني.. ماتحملت صعدت فوك...
ام ساره... النه الشرف والله بس العريس ساكت
احمد... من رخصتكم عندي شغل شويه واجي
رحت للغرفه ردت اخذ السويج سمعت نور بلحمام تبجي اخذت السويج وطلعت بس صاير اعصاب من موقف امي الخلتني بي.. ماكدرت ارجع للبيت مختنك كلش ضليت يم صديقي
نور... ماتحملت من سمعت هيج صعدت واحس روحي مختنكه ضليت ابجي اجت هدى يمي شافتني حيل ضايجه
هدى.... نور انتي تحبين احمد
نور... سكتت لان اني نفسي مااعرف شنو الاحسه اتجاه احمد بس اعرف روحي متعلقه بي ومااريد اشوف وحده يمه
يومين احمد مااجه للبيت وجهازه مغلق ثالث يوم اجه جان تعبان كلش
سعاد..... شدعوه هيج طلعت وبعد ماشفناك وانت تدري كلش زين ساره الك مو جديده هاي السالفه
احمد... ومنو كلج اني اريد ازوج مو كافي تقررون عني
سعاد... عاد شلون قرارك مو حبيت وينهه اشو عافتك وراحت
احمد... يوووم اني مااريد ساره مااحبه غصببب ازوج..
سعاد... وخالتك تريد من تالي اخرب علاقتي باختي عله مودك .. شوف احمد غير هذا الحجي ماعندي
بده احمد يعيط وخاله هم احنه بلمطبخ نسمع جان يطلع احمد وخاله تخربطت صعد عدهه السكر ركضنه الهه جان تعيط عليه
سعاد... كله من وراج شمسويه لابني
هدى... يووم عوفيه شمسويه اشرت لنور تصعد احمد مااجه خاله ضلت متخربطه خابرت هدى عله احمد
هدى... احمد تعال امي مريضه
احمد...شبيه
هدى... يمكن صعد سكرهه
احمد... يلا اجيت
دخل احمد للبيت شافهه مريضه كال خل تبدل اخذهه للمستشفى صعد يبدل جنت كاعده بلغرفه اقره فرحت من شفته اخذ ملابسه ودخل يسبح جان يعيط نورررر ركضت للحمام
احمد... شنوو هذا
نور.. نسيت مخليه بلحمام فاره وحيوانات اتعلم بيهن وابر ومكاصه
كتله هسه راح اطلعهن ضليت الم بيهن واشيل الفاره وهو صافن عليه كال
احمد.... ماتخافين
نور... لا جاي اتعلم بيهه
احمد... باوعت عليهه تنضف تمنيت احضنهه سبحت ونزلت اخذت امي للمستشفى
امي اصرت عليه واني تعبت مااريد امي تتمرض بسببي مامستعد اخسرهه قبلت ازوج ساره
الكل جاي يجهز نفسه للعقد بس اني احس نفسي مخنوك شويه وانهزم صعدت لكيت نور محضره ملابس الي ولعطر وكلشي بس هي حيل حزينه..
احمد... شبيج نور
نور... مابيه شي محتاج شي بعد
احمد.. لا
نور... راح انقل ملابسك لغرفتك الثانيه
احمد..... ليش خليهن هنا
نور.... خاله كالت انت بعد مايحتاج تدخل لهذه الغرفه ماكو داعي ملابسك هنا
احمد..... ضجت حيل كلتلهه عوفيهن ماتشيلي شي
بدلت ملابسي اباوع عليهه ضايجه طلعت ورحنه كملنه العقد ساره جانت فرحانه ولاعبه بروحهه فلم بلمكياج اني مااحب هيج مااهتميت عله اعصابي كاعد لمن خلصت الحفله ولكل بقه بيت خاله للعشه بس اني اعتذرت بحجه شغل وطلعت رحت للبيت...
نور...
راح واخذ روحي ويا تمنيت اكوله لاتروح لاتتزوج اني احبك والله حبيتك. طلعو بقيت وحدي بجيت وضليت اعيط اريد امي احتاجيتهه كلبي يوجعني يوووم تعاي اخذيني... تعبت من البجي لليل جان تندك الباب نزلت فتحتهه وشفت احمد باوع عليه كال
احمد..... شبيج ليش هيج عيونج
نور.... مابيه شي
احمد.... ليش تبجين
نور... اشتاقيت لامي... مبروك العقد
احمد... الله يبارك بيج.. سويلي عشه
نور... صار
رحت سويت جاي نتعشه
نور... حلوه الحفله اتونستو
احمد.. ردت اشوفهه كتلهه اي حلوه وساره طالعه كلش حلوه
نور... هااا الله يهنيكم... اني راح اصعد
صعدت حسيتهه ضاجت حيل بقيت جوه ادخن ومخنوك صعدت لفوك فتحت الباب شفتهه تبجي وعيونهه حمر ماتحملت اشوفهه هيج رحت يمهه كعدت..
احمد.... مو كافي بجي ماتعبتي
نور... سكتت مااحس غير احمد راسه بحضني
احمد.... تعباااان نور
نور... سكتت وجمدت بمكاني ضل نايم واني دموعي وحدهه تنزل
احمد.... كافيي تبجين
نور... اني هم تعبت احمد بعد مااتحمل والله
احمد... رفعت راسي صار وجهي بوجهه كلتلهه تحبيني
نور... سكتت كتله انت تح جان يبوسني مااعرف شلون ضليت ساكته جان يجرني وكال اموت عليج وحضني حيل كال مااريدج تعوفيني خليني يمج مااعرف شلون حضنته ضلينه هيج ساكتين بده شوي شويه يجرئ مااحس غير سلمت حالي اله وعشنه اول ليله كمزوجين.. جنت حيل فرحانه بقربه نمنه واحد بحضن الثاني وهو حاضني حيل كانما خايف اطير منه.... يتبع
