#البارت_الخامس
احمد... ناجحه معدلهه ٩٤
كيفت كلش حضنت البنات وعموو باركلي حسيت بي افتخر بيه حيل جنت فرحانه هاي اول فرحه الي من ماتو اهلي خاله ماعاجبهه بس باركت لهدى واحمد بارك لهدى وطلع احتفلنه بنجاحنه وبديت احضر نفسي للجامعه انقبلت كليه طب وهدى هم وياي..
احمد ضل يشتغل وي عموو ودائما جان ضايج ومهموم يدخل للغرفه بس وكت ميريد ينام
اليوم اول يوم اداوم بي لبست ملابسي ورتبت نفسي ونزلت جوه
هدى... واااو شنو هذا الجمال لا عيني اني ماامشي وياج لان محد راح يباوعلي ههههههه
سعاد.... فدوه تروح الج غير انتي الجمال كله
علي.. تعاي بنتي تريكي قبل لا تروحين
تريكنه وطلعنه جانت الجامعه كلش حلوه وناس هواي مااعرف شلون راح اتعامل وياهم بس اني وعدت نفسي اكون باعلى ثقه اني مو اقل منهم بس ماردت اكون اي صداقه الشباب شويه يضايقوني بنضراتهم وكلامهم اني اخاف من هيج مامتعوده ومااعرف اصرف هدى كالت عادي لا تهتمين الهم . رجعنه جاي نتغده كلنه سوه
علي... شلونهه الجامعه بابا
هدى... حلوه كلش بس اكو ناس الضاهر ماعاجبتهه
خزرت هدى تسكت
علي...باوعلي
ليش بابا شبيهه
نور.. مابيهه شي عموو
هدى .... لان الكل يباوع الهه ومعجب بيهه غير الشباب يتمنون نضره منهه
استحيت كلش صارت عيني بعين احمد باوعلي ماعرفت افسر نضرته شويه وكمت اجتي هدى يمي شبيج نور ليش ضجتي
نور... ليش هيج حجيتي خجلتيني كدامهم
هدى... احسن اني تعمدت هيج احجي حته احسس احمد الشايف نفسه عليج اكو غيره يتمنون حجايه منج وهذا الصح الشفته اليوم
دخل احمد للغرفه
هدى.. يله حبي باي غمزت الي
احمد... داير وجهه عله المرايه ويحجي الضاهر راح تشوفين نفسج كلش بلجامعه بس يله علوا تشوفين شاب وياخذج يخلصني منج
دار وجهه عليه اني باوعت اله وعيوني كلهه دموع مااعرف ليش هيج يفكر
احمد... تره اذا تردين باي وقت اطلكج وروحي ازوجي لا حسبالج مرتبطه بيه
نور.. اشجعت وكتله ومنو كلك اني رايحه حته. اعرض نفسي للزواج اني رايحه ادرس وحقق حلمي وحلم اهلي
احمد... براحتج حبيت اكولج وطلع
ضوجني حجيه كلش ليش هيج اخذ عليه نضره بقيت اداوم جنت الشي الوحيد الرتاح بي هو الدراسه.
جنه كاعدين اني ولبنات بغرفتي
ريم.... حبيبتي ليش ماتجذبين احمد الج
نور.. شلون يعني اذا هو اصلا مايباوع الي
هدى.. ومنو يكول مايباوع يمكن مايبين الج
ريم... حاولي تبدلين اسوين شي تره احمد حيل طيب
نور.. اني استحي منه.. هنه مايدرن هو اصلا مامتقرب مني..
وبيوم سافر عموو واحمد شغل عدهم... خاله حيل ضوجتني بلحجي بس اني اعبر مااحب اجادلهه هي هم بيتهه وحقهه اجن يمنه بنات اختهه ثنين ضلت تذب حجي عليه تريد تزوج احمد وتنطي امل لساره بنت اختهه سالت ريم عليهه كالت هاي تحب احمد من زمان وميته عليه.. كلتلهه واحمد يحبهه كالت عادي هو جان يحب عسل.. كلت بكلبي هسه هو فارغ ماعنده حب اكيد راح يتقرب الهه..
رحت لغرفتي سبحت
لبست تراك حلو اخذت راحتي لان وحدي بلغرفه وجاي اشسور شعري شعري حيل طويل بس اني دائما ارفعه لفوك
انفتحت الباب جان يدخل احمد اني اتفاجئت بي لان كالو يومين نجي هو هم ضل يباوع عليه رحت اخذت ملابس ورحت للحمام اغير ملابسي استحيت منه
احمد.. كملنه شغل اني وابوي ورجعنه للبيت لكيت بنات خالتي سلمت وصعدت لان تعبان ومااحب اكعد يمهن فتحت باب الغرفه وجان انصدم مو شفت نور هيج لابسه واكثر شي لفت نضري شعرهه اول مره اشوفه مفتوح واني نقطت ضعفي الشعر الطويل ضليت اباوع ماكدرت اشيل عيوني هي بسرعه راحت للحمام طلعت مغيره ملابسهه هي حيل ثكيله وكل هاي الفتره ماشفت شي عليهه مبتعده عني رغم البنات كلهن يردن بس يحجن وياي ويتقربن ..
باوعت عليهه جاي تشيل شعرهه ليفوك بودي اكولهه لا عوفي مااعرف ليش لفت انتباهي وخلاني اباوع عليهه..
احمد... سويلي غده وصعدي هنا مااريد انزل
نور.. ليش؟
احمد...خزرني سكتت نزلت سويت الغده جانت كاعده ريم وساره
ريم... خل يجي احمد يتغده وي بابا
نور.... لا كال فوك اخذه تعبان
حسيت ساره اختنكت طلعت من المطبخ كلت لريم شبيهه
ريم.... هههههه احمد شارد منهه ضاجت
ماادري ليش فرحت يعني مايحبهه اخذت الغده وصعدت فوك انطيته اكل ونام ضليت اقره ضلت ساره يمنه متعوده تجي تبقه هواي يمهم..
السنه بدت تخلص وراح ندخل بلامتحانات جان اكو ولد دائما يجي يحجي وياي بس اليوم فاجئني يكول اني احبج ومعجب بيج كتله اني مزوجه جان يصدمني ويكول
الولد... اني اعرف زوجج واعرف بي مايحبج وزواجكم بس عله الورق هو مامتقرب الج
من الصدمه ولجرئه مالته مااعرف شلون ضربته راشدي وكتله
نور... انت باي حق تحجي هيج وياي وشدخلك بحياتي وضليت ارجف والدموع بعيني
الولد... يمسح خده من الضربه وكال عادي راح اعبرهه الج بس والله اني احبج وراح اسوي المستحيل واخذج.. عفته ورحت اختنكت كلش شافتني هدى كالت شبيج نور كلتلهه خل نطلع اختنكت الطريق كله واني ادموعي تنزل هدى.. شبيج حبي احد ضايقج سولفت الهه كالت معليج بي كلتلهه اني مااريد مشاكل واخاف من عموو خاف يسوي شي كالت مايكدر.. مر يومين اني امتحن واطلع حته مااباوع عليه خلصت الامتحانات رجعت للبيت خالتي ولبنات مبدلات يردن يطلعن لبيت خالتهن ام ساره مارحت وياهن تعبانه كاعده بلغرفه العب بلموبايل جان يجي احمد وصاير أعصاب من الدرج ويصيح نووووور..... يتبع
