كعدت الصبح شفته طالع من الحمام
نور... صباح الخير
احمد... صباح النور
اجه كعد يمي وكال
احمد... نور اريد الشي الصار البارحه يبقه بيناتنه مااريد امي تاذيج واني اوعدج شويه شويه افهمهه
نور... ميخالف.. طلع واني رحت سبحت ونزلت احس روحي فرحانه اليوم ونشيطه لكيت خاله وهدى سلمت وكعدت اتريك خاله طلعت سالت هدى عله الحفله
هدى... حلوه بس اخوي كالب وجهه ولج حته ماباسهه كلهه تكول بوسهه وهو مغلس يقلد يستحي هههه
نور... صدك يعني ماباسهه
هدى... ولج اصلا ماباوع بوجهه عله اعصابه كاعد بس خلصت الحفله طفر صدك هو اجه للبيت
نور... اي
هدى.... هاااا هنا الحجي ولج شديصير من وراي هااا وهو اعتذر وشغل ويردوني ضروري طلع شغله هناا احجي
نور... ماكو شي حبي وكمت نضفت البيت واجت ريم يمنه تونسنه وياهه لليل اجه احمد تعشينه وصعدت سبحت وشسورت شعري ورفعته وخليت شويه مكياج دخل احمد وكف وراي وفتح شعري..
احمد... طول ماانتي بلغرفه اريد شعرج مفتوح ماشي
نور... ماشي... هيج تحب الشعر الطويل
احمد... هو اكثر شي لفت انتباهي بيج
نور.. هيج لعد راح اكصه
احمد... حته اكص راسج ورا ههههه
نور... اكولك انت عود ليش مغرور
احمد.... صدك لعد تعالي خل اراويج الغرور شلون شلتهه جان تعيط اششش صوتج خليتهه عله الجربايه وعشت احله لحضات وياهه... حبيت قربهه احس باحساس غريب وياهه حبيت خجلهه رغم اني رجلهه بس تستحي مني جانت عسل هي تجبرني اسوي وياهه شغلات رغم مامزوحين اذكرت عندي صوره لعسل كمت طلعت الصوره وشكيتهه نور.... ليش
احمد... ماكو داعي الهه اصلا احتقر نفسي كلما افكر شلون بيوم فضلتهه عليج تدرين نور طلعت تعرف اكثر من واحد واني جنت مصدك تحبني هههه
نور... همزين خلصت منهه اني وحدي ارتاحيت من راحت
احمد.... حضنتهه وكلت وساااره ههههه
نور... ساره هم اغار منهه بس ادري بيك متحبهه.. بقينه نسولف لمن نعسنه ونمنه
جانت حياتنه بلغرفه تختلف عن بره صارت علاقتنا قويه وبديت احبه وتعودت قربه وهو هم حيل تعلق بيه وزاد اهتمامه وحبه بس جوه مايبين الهم حته خالتي لا تضوجني..
طالت مدة الخطوبه بسبب تاجيل احمد للزواج بس خاله حددت موعد العرس ولكل يحضر اله خاله سوت حفله جبيره... صعد أحمد سبح وبدل ملابس العرس طالع كلش حلوو ماتحملت اختنكت كلش ضليت اباوع عليه وماسيطرت عله دموعي رحت للحمام سديت الباب وكعدت ابجي اريد ارتاح..
احمد... جنت ابدل وعيني عليهه اشوفهه ضايجه وتريد تبجي راحت للحمام اسمعهه تبجي بصوت ناصي اني تخبلت دكيت الباب حيل نووور فتحي الباب نوررر.
نور... هسه احمد شويه واطلع.
احمد... والله اذا متفتحين اكسره فتحته جان اجرهه واحضنهه.. ليش تبجين والله هسه اعوف كولشي وانهي هاي المهزله
نور... لا احمد والله خاله تموت
اصنعت اني زينه وكتله مابيه شي روح
باسني وطلع واخذ روحي ويا طلعو كلهم ضليت وحدي ابجي وافكر شلون راح ينام يمهه شلون راح يبوسهه متت قهر..
العرس بلقاعه بس يجون للبيت لان احمد ماقبل فندق شويه واسمع صوت الموسيقى ولهلاهل اجوي للبيت وره شويه خاله دزت عليه اسوي عشه للعرسان جانت متعمده اضوجني نزلت سويت وهدى وريم واكفات يباوعن عليه
ريم.. لاضوجين حبي والله احنه ندري بي يحبج وانتي تستاهلين كل الخير
بقيت اكمل العشه كلت الهه شلون مااضوج واني بايدي حضرت للعرس اني سويت غرفته واني حضرت ملابسه وسويت عشاهم.. والله بعد مااتحمل.. صعدت وضليت ابجي وافكر بي هسه شجاي يسوي مرتاح لا ماكدرت انام ضليت كاعده الساعه تقريبا بلوحده انفتحت الباب جان واحد يحضني من وره شميت عطره عرفته هو درت وجهي خله راسه بصدري وكال
احمد.... اريددد اناااام
حضنته حيل فرحت بي كتله بس ميصير احمد. ماحجه وياي ضل يبوس بركبتي لمن غفه ضليت حاضنته ونمت.....
من الصبح اسمع عياط خاله بره عله الدرج جان ادك الباب حيل احمد طفر فتح الباب جان اشوف خاله وساره واكفات. .... يتبع
