احمد... باوع عليه وكال وليش تردين تعرفين
نور... هيج
احمد... لا اني مااشوف ساره زوجه الي
نور.. بفرح ييسسس انتبهت النفسي سكتت وطلعت من الغرفه
احمد.. فاجئتني بسؤالهه وصدمتني برد فعلهه طلعت واني ضحكت عله عفويتهه.. اني اعرف امي جاي تاذيهه هواي بلحجي وخاصه وجود ساره بلبيت اني اكثر وقتي بلشغل خاصه هاي الفتره بعد وفاة ابويه شغل هواي..
من خلص اربعين ابويه وبدت امي تريد تخطب الي بحجت كافي اريد اشوف جهالك واني رافض اولا لان جاي اشتغل ومركز بشغلي مااريد اضيع تعب بابا ثانيا احس بنفسي جاي انجذب لنور كلشي بيهه صار يلفت انتباهي بس ماعندي الشجاعه اتقرب منهه...
مر عله وفاة ابويه سنه امي مابطلت تريد تخطب ساره الي واني دائما اطلع عذر شكل بديت اتقرب اكثر من نور حسيت نفسي صرت صدك مسؤول عنهه مااقبل امي تاذيهه اكثر من مره اخواتي يحجن الي شلون تتصرف وياهه ومن احجي امي تزعل وتبقى ايام متحجي وياي وارجع اصالحه بعدين كمت ماادخل بس اتقهر عليهه اكثر من مره رحت الهه للجامعه اباوع عليهه من بعيد اشوفه مؤدبه ودائما وحيده..
وره فتره انخطبت ريم لابن عمي .. ولبيت كلهم ملتهين يحضرون للعرس وبنات خالاتي اجوي ويحضرن واني اشوف نور دائما تشتغل رغم اكو خدامه وبنات هواي بس يمكن امي مخليتهه تشتغل شفتهه تعبانه صحتهه وصعدت اجت للغرفه
احمد... ليش جاي تشتغلين
نور.... البيت يريد هوي شغل ولخدامه ماتلحك خطيه
احمد ... هاج
نور... شنو هاي
احمد.. فلوس متعرفيهن
نور... قصدي شاسوي بيهن عندي
احمد... اشتري للعرس وجهزي نفسج مو البنات يوميه نازلات للسوك
نور.... مااريد عندي ملابس
اندكت الباب جان تدخل امي ضاجت شافتني احجي وياهه عاطت بيهه انزلي شوفي البنات خاف يردن شي.. نزلت
احمد... يوم عله كيفج تره مو خدامه هنا ليش هيج جاي اسوين
سعاد... لا ادافع الهه شبيك انت
احمد... اني ماجاي ادافع بس اني جاي اضغطين عليهه هواي لخاطر بابا عله الاقل
سعاد... شوف احمد اني ساكته هسه الك خل يخلص زواج اختك واتفرغ الك وهاي ماالك دخل بيهه ويله روح جيب خالتك وساره منتضرينك
احمد... عندي شغل اريد اروح اني
سعاد... احمد لاتخليني اضوج منك
احمد.. صار يوممم رايح
طلعت جبت خالتي وساره الي حايره شمسويه بروحهه تريد بس تلفت انتباهي ورحت لصاحبي لان حيل ضايج ولبيت هوسه وره شويه خابرت هدى
احمد... الووو هاا هدى رحتو
هدى... اي حبي
احمد... يعني محد بلبيت اروح
هدى... اي بس نور
احمد.... ليش ماراحت
هدى.... امي ماقبلت احمد خطيه كسرت بخاطرهه وفشلتهه كدام الكل
احمد... يله باي
ضجت حيل ليش امي هيج محاربتهه اعرف كله من وره خالاتي يحجن براسهه ركبت السياره ورحت للبيت دخلت شفتهه بلصاله كاعد تبجي وتشيل العصاير الباقيه اني انصدمت من شفتهه لابسه فستان احمر قصير وشعرهه اووف شعرهه مفتوح طالعه صدك حلوه
ضليت صافن دارت وجهه تفاجئت شافتني مسحت دموعهه بسرعه
احمد.... تردين تروحين اخذج
نور... لا تعبانه اريد ارتاح شويه
صعدت واني اباوع عليهه شنو النزاكه شنو الجمال عقلي طار مني كعدت ضليت ادخن مااعرف شلون صعدت وراهه دخلت لكيتهه مبدله...
احمد... امي ماقبلت تروحين
نور... عادي اني هم ماردت اروح
احمد.... كالت هدى امي ماقبلت ترحين ضجت من تصرف امي بس من اجيت وشفتج عذرتهه
نور.... ليش شبيه صح هنه ملابسهن احله بس اني هذا العندي
احمد..... هههههههه هذا العندج وهيج... تدرين لو رايحه يمكن حته وسام(زوج ريم) يرجع اختي عليه..
نور... شنو يعني
احمد.... يعني طالعه تخبلين من كل عقلهه امي تاخذج وانتي مطلعه ساره كسر الي لاعبه بروحهه فلم هههههه
نور... ضحكت وفرحت لان هيج حجه وياي وشافني حلوه حته نسيت الضوجه...
احمد.... نور اريدج مااضوجين من امي اسكتي عنهه وسوي التريده
نور.... والله ساكته
احمد... ادري والله جاي اضوجج بس ميخالف نور.. رحت للمرايا اريد اشيل شعري
احمد... هذا شعرج لو هذا البنات الي يخلنه يطول شعرهن
نور.... لا شعري
احمد..... مااعرف شلون كلت الهه تقبلين الزمه
نور..... تفاجئت من جرئته اليوم وكتله عادي
احمد... ماصدكت رحت وكفت وراهه لزمته جانت ريحته كلش طيبه هي ساكته اتقربت اكثر وخرت شعرهه من ركبتهه وخليت راسي بركبتهه ضليت اشم بيهه وايدي عله خصرهه هي دفعتني وراحت نزلت جوه اني لحضه نسيت العالم كله مااعرف شلون سويت هيج معقوله اني احبهه ضليت كاعد ادخن وافكر بيهه
نور..... من حجه وياي وكال طالعه حلوه وضحك عله ساره حيل فرحت بودي اكوم احضنه ومن طلب مني يلزم شعري جنت ادري بي يحب الشعر الطويل قبلت بس مااعرف شصار بيه من تقرب مني احساس حلو مااريد يخلص بس شويه اجرئ وخله راسه بركبتي هنا حسيت بخوف دفعته وطلعت.. حسيته مرتاح من سوه هيج وضاج من وخرته... ضليت جوه اشتغل بلبيت لمن اجوي البنات ويسولفن عن الحفله بس اني عادي ماضجت لان هنا حسيت بشي حلو وي احمد..
جنه كاعدين كلنه واحمد ويانه جان خاله تكول نريد ساره لاحمد..... يتبع
