رايحين وهذا كلبي ميت تعوفونه💔
لخاطر الله شويه اصبرو بلكت ترحمونه 🙏
الفاگد احبابه الشماته عنهم ايسؤلونه 😔
والله المفارگ يموت وماتنام عيونه 😢
لا روحي ردلهه خبر منكم ولا اجاني حلم
بس ذكريات وهل كلب لمن يحن يهدم هدم 💔💔💔💔
احمد... رجعت من السفر لكيت مصيبه منتضرتني جان كلبي حاس اكو شي ماكدرت اكعد ولا ارتاح رحت لعمي سالته عن نور كال مااجت ولا اعرف شي عنهه.. هو الوحيد من كرايبنه بغداد كلهم محافضات كلت معقوله تعرف ترجع لبيتهم وحدهه قررت اسافر الهم بلكت اشوفهه هناك وفعلا شغلت السياره ومشيت... وصلت لبيتهم جان كلش بسيط دكيت الباب ماكو ضليت ادك بيهه وبكلبي اكول فتحي نور طلعي وريحيني بعدين اجه رجال كال محد موجود بلبيت من زمان طلعو منه.. فقدت الامل رجعت للسياره حته مااعرف شلون افكر.. وين تروح يعني صدك عود امي هيج وصلهه الكره تطردهه وتدري محد الهه رجعت لبغداد بليل
دخلت للبيت واحسه يخنكني صعدت لغرفتي حته مشفت احد نمت عله فراشهه وشميت عطرهه بي اووف شكد كلبي مشتاق الج
.. ساره راحت لبيت اهلهه لان ضربتهه وامي مااحجي وياهه ثاني يوم كعدت مااعرف شلون ادور عليهه بدلت خطي حته نسيت ابدله البارحه وصحت هدى.. اريد افتهم منهه شي كاعدين اني وهدى نحجي واسئل بيهه ليش مامنعتهه بس تكول ماكدرت الهن
هدى... احمد اريد اكولك شي وخايفه لا تضوج
احمد... شنو اكثر من نور راحت وعافتني وابني الخسرته
هدى... انت ماضايج من نور
احمد... الذنب مو بنور الذنب بلحامل المااهتمت لطفلهه شنو الشي الردتي تكولين
هدى... هاا لا عوفهه بعدين
احمد... هددى تدرين مااحب واحد يسولف عله النص احجي
هدى.... احمد امي وساره كصن شعر نور
احمد.. شنوووو شعرهه ولج ذني عصابه مسويات عليهه لو شنووو
هدى....عله كيفك والله هنه رادن بس يقهرنهه لان حيل تاثرن من راح الطفل
احمد... وهي شسوت
هدى.... هي ضلت تتوسل لمن كله كصنه
احمد... من الصدمه ماعرفت شاحجي كلبي احسه يريد ينفجر حرمني مو بس من نور من اغله شي عندي كمت ركض لامي
احمد.... لج يووم شلون تكصين شعر نور شنو من كلب عندج لهاي الدرجه اني رخيص لهاي الدرجة مالي خاطر عندج اتوسل بيج مالج دخل بيهه تالي هيج اسووين ليشششش
سعاد.... اني اعلمج هديوه سولفتي كلشي
احمد.... كليلي وين راحت البارحه كله اني ادور وماكو... عفته
وطلعت رحت يم صاحبي.. واني افكر شلون كصنه شكالت ادري بيهه تحب شعرهه ...
ضليت مارجعت للبيت .. امي اذتني هواي لمن خابر زوج ريم وكال امك مريضه رحت الهه لكيتهه تبجي وحيل تعبانه حضنتني وتكول لاتعوفني بس انت الي بهاي الدنيه كلتلهه لعد ليش انتي تحرميني من الشي الحبيته مو خليتهه امانه عندج زين مو لخاطري لخاطر ابوي مات وهو يوصيج بيهه..
سعاد.... يروحي ليش هيج مسوي بروحك مااحب اشوفك هيج يمه
كاعد احجي وي امي ورقم يتصل عليه عفته مجاوبت مالي خلك ارقام الشغل.... صعدت فوك لغرفتي واني حاير هذا ثاني يوم الي ومالكيتج رجع اتصل عليه الرقم وبقه يلح يفصل ويرجع فتحت خط ردت اشوف منو هذا جان يجينني صوتهه بس تبجي ماصدكت
نور.. الوووو احمد
احمد... منوو
نور... اني نور عفيه احمد بس اسمعني
احمد... ولج ويننن انتي كليلي هسه اجيج
نور..... يعني متسويلي شي
احمد... ليش يروحي ولج بس الله يعلم بحال كلبي شلون صاير عليج
نور.... اني يم صديقتي
انطتني العنوان اخذت السويج ونزلت ركض اسوق وصلت لبيتهم دكيت الباب جان يطلع رجال جبير سلم عليه ودخلني شويه واشوف نور اجت ترخص الرجال وطلع حضنتهه حيييل
نور.... يمته اجيت اخابر عليك هواي مجاوب
احمد... صارلي يومين
نور... اسفه احمد والله مو قصدي أذي ساره
احمد... عوفي الحجي هسه وجيبي اغراضج خل نروح
اجت مره جبيره ولرجال اشكرت منهم هواي وكالو والله مثل ابنيتنه حته حمودي طلع من البيت يم خالته راح حته تاخذ راحتهه
احمد... مااعرف شلون اشكر منكم.. شكد سافرت وشفت دول ماكو مثل طيبة اهلنه العراقين فاتحين بيوتهم لليجيهم
دخلت نور سلمت عليهم وطلعنه صعدت بلسياره اباوع عليهه
احمد.... كلت ضعتي بعد ماالكاج
نور.... مريم واهلهه ماقصرو وياي الحمد لله ربك مايكطع
وصلنه للبيت ركضت هدى سلمت عليهه وهي سلمت عله امي اخذتهه وصعدت فوك اول مادخلنه حضنتهه حييل
احمد... مشتاااقلج.. باوعت الهه شبيج ضايجه
راحت فتحت حجابهه شفت شعرهه كلش كصير
نور.... راح الشي التحبه بيه...
احمد.... حييل ضجت بداخلي بس ضحكت الهه وكلت... ومنو كلج اني احب بس شعرج اني اموت عليج كلج
اخذتهه للجربايه كلتلهه خل ننسى كلشي صار تعبان نور تدرين من اتعب ماارتاح غير بحضنج...
بعد فتره طلكت ساره لان اهلهه رادو هذا الشي وانكطعت علاقه امي وخاله ..
نور وهدى السنه اخيره الهن هدى انخطبت ولد وياهه بلجامعه وره فتره ازوجت ولبيت فرغ بس امي ونور بدت علاقتهن تتحسن لان امي مريضه ماتكدر تكوم هواي فنور كلشي تسوي الهه حته تسبحهه فديوم نور تخربطت اخذتهه للمستشفى سوينه تحليل جان تطلع حامل الفرحه ماتنوصف من سمعت بلخبر وامي فرحت هم وسوينه احتفال وجنت كل ساعه ابوس ابطنهه..
وليوم حفل التخرج وشفت حبيبتي احله دكتوره جنه واكفين اني وامي واخواتي ونباوع عليهه من اخذت الشهاده وكلنه افتخرنه بيهه جان تجي تركض وشبكتني
احمد... ولجج بطنج
نور... شبيك غير فرحانه
احمد... اذا صار شي بابني احرك اهلج
نور... لا والله
سعاد... كافي يمه عوفهه براحتهه خل تفرح بنجاحهه....
..............
هاي جانت نهاية قصتنه اتمنى عجبتكم....تحياتي الكم😍😍
