علي.. اخذ نفس وكال احمد يزوج نور
الكل انصدم واني اولهم احمد وكف يعيط
احمد.. شنوو بابا شنو هذا الحجي اني ازوج هاي
علي... احترم نفسك ولا ترفع صوتك هاي بت عمك
احمد.. مو قصدي بابا بس هذا مو حل شنو تورطوني بيهه
سعاد.. انت شكاعد تحجي علي اني ابني يزوج وحده متخلفه.
علي.. اني مااكدر اتخله عن بنت اخوي
ولبنيه ماناقصهه شي جمال وادب ونعرفهه شنريد اكثر
اني ساكته ومصدومه مااعرف شديصير بعدين كلت عموو اني ماموافقه
احمد.. هههههه وفوكاهه ماعاجبهه رافضه
علي.. اسكت بابا ليش عموو
نور.. مااكدر عموو اسفه
طلعت رجعت لغرفتي وره شويه اجه عموو دگ الباب ودخل كعد يمي عله الجربايه وحجه وياي كلي
علي.. بنتي تدرين بيه اني اعز ابوج واحترمه وهو اخوي الجبير ومفضل عليه هواي.. اني مادايم الج يابنتي واحمد خوش ولد
نور.. بس عموو هو ماموافق وميريدني
علي.. بابا حقه هو ميعرفج بس بمرور الوكت يعرفج
نور.. عمو اني ماافكر بزواج
علي.. فكري بنتي وبعدين جاوبيني
طلع عموو واني بقيت صافنه ضجت حيل من كلامهم وتجريحهم الي
سعاد.. علي ليش هيج جاي تسوي تعرف ابنك. مومال زواج هسه هو بعده طالب
علي.. اي ولان اعرف بي مو مال زواج اريد ازوجه ابنج طايش ضال من بنيه لبنيه اريده يستقر
سعاد.. تريد تجلطني اني احلم ازوجه من بنات عوائل معروفه عوائل نشيل الراس بيهم مو وحده متخلفه كلشي متفتهم طفله هاي تعقله
علي... اذا مايقبل لا اني ابو ولا اعرفه
تمرض عموو وهو عنده قلب مايتحمل لان احمد مادخل للبيت ورافض رجع من المستشفى ركضت اله حضنته هو الوحيد الحنين عليه مامستعده اخسره هو هم حضني ودخلنه وخاله سعاد تباوعلي وماعاجبهه اجه احمد ودخل عله عموو وحضنه وباسه احمد حيل يحب عمووو وخاله ومايزعلهم هو مدلل عدهم كاله عموو اذا تريد رضاتي ازوج نور
وافقو عله مو عموو مايتخربط واني هم وافقت مااكدر ارفض.. عموو فرح وقرر باقرب فرصه يزوجنه انتضرنه عله ما خلص امتحانات وكل هاي الفتره لااني شايفته ولا هو كلف نفسه يحجي وياي..
عموو اشتره غرفه وجهزهه باحدث الموديلات وانطاني فوس وكلي اشتري التردي طلعنه اني ولبنات وجانت هاي اول مره اطلع متعجبه بلمحلات ولملابس ولبنات يضحكن اشترن الي لان يعرفن هواي شغلات ملابس ومكياج وعطور واحذيه بقينه اسبوع يوميه نطلع نشتري جنت حيل فرحانه بس خاله من نرجع تسمعني حجي تكسر فرحتي بس البنات يضلن يسولفن وياي انسه بقن يعلمن بيه شلون البس شلون احجي شلون اصرف . حبيتهن حيل وصارن صديقاتي ارتاح من ابقه يمهن
خلصت الامتحانات وصارت حفله التخرج مال احمد.. دعى عموو وخاله ولبنات للحفله عموو كال احضري نفسج ترحين ويانه خالتي ماقبلت البنات حجن وياهه ليش ماما خل تطلع خطيه
سعاد.. ولجن تفشلنه هاي وحده جاهله تردن تفشل اخوجن بهيج حفله كدام اصدقائه.
اجن البنات كللي يله بدلي بدلت لبست
رفعت شعري لفوك وريم خلتلي شويه مكياج وطلعنه جنت حيل خايفه اول مره هيج البس واطلع دخلنه للقاعه جانت كلش جبيره وناس هواي وبنات حلوات ضليت صافنه عليهن احمد شافنه اجه النه سلم عله عموو وخاله وباوعلي مستغرب جيتي كعدنه عله طاوله كال شويه واجي راح اباوع البنات كلهن يمه يسولف ويضحكن وهو هم يضحك اول مره اشوفه يضحك بس وحده كلش لازكه بي حاضنته خالتي تباوع وتضحك اجه يمنه جان تكوله خاله
سعاد... ها حبيبي هاي عسل السولفتلي عليهه
احمد... اي ماما ويباوع عليه
سعاد... سبحان الله اسم عله مسمى الله يجعلهه من نصيبك
اني ضليت متعجبه من كلامهه سكتت ضلت عيني عله البنيه صح حلوه بس ملابسهه كلش فاضحه ومو ثكيله اجت سلمت عله خاله والبنات باوعتلي جان تكول..... يتبع
