الدكتور... البقاء بحياتكم سوينه العلينه
انصدمت صدمة عمري بهذا الخبر وانهاريت ضليت كاعده بلارض وابجي واعيط مااااااما لاتعوفيني ماما منو الي اني مو كلتي ماتعوفيني شلون انطاج كلبج ورحتي... اخذيني وياج مااااماااا
علي.. كومي بنتي حرام جاي اتسوين بروحج هيج.
خابر عله اهله اجوي بناته وابنه اخذوني واني منهاره وعمو كمل الاجراءات البنات انقهرن عليه وضلن وياي كاعدات يواسن بيه بعدين تركني ارتاح بلغرفه ضليت وحدي ابجي بعدين سمعت صوت عالي.
سعاد.. شنو يعني علي اضل هنا اني مااتحمل مسؤؤليته.
علي.. صوتج البنيه لاسمعج
سعاد.. خل تسمع اذا صدك وسويتهه ماابقه دقيقه بهذا البيت
علي... عله كيفج سعاد بعدين نناقش هذا الموضوع خلاص سدي
انهاريت اكثر واني اسمعهم ضليت ابجي واحجي وي ماما ليش عافتني ليش مااخذوني وياهم مااريد اعيش
خلصت ايام العزاء واني وضعي من سيئ الى اسوء لا اكل ولا نوم تعبت حيل ردت اروح لغرفتي اعتذرت من البنات ردت اصعد جان يغمى عليه... فقت واني راسي حيل يوجعني لكيت عمو يمي ولبنات كال جيبولهه اكل وعصير وجبرني اكل جان حيل طيب وياي..
تحسنت حالتي وبديت اتعلم عليه الحزن جنت اخلص وقتي بلغرفه ساعه ابجي ساعه انام مااطلع قليل عمو بلشغل اغلب الوقت ولبنات دراسه يسلمن ويروحن فد يوم عصر جان جعت كلت اطلع للمطبخ اكل طلعت جاي امشي دخلت لغرفه بلغلط لكيت نسوان كاعدات بهيئات مال اغنياء سلمت عمه سعاد انصدمت من شافتني اني خفت طلعت.. رحت للمطبخ الخدامه انطتني اكل اكلت ورجعت للغرفه وره ساعه انفتحت الباب بسرعه ودخلت عمه اني انصدمت منهه مااعرف ليش اخاف منهه
سعاد.. انتي شلون ادخلين علينه شلون تفشليني كدام ضيوفي بهذا لبسج وشكلج المقرف
نور... اس اسفه ماجنت اعرف غرفه ضيوف
سعاد... اني اعلمج شلون تعرفين البيت من باجر تشتغلين بلبيت حالج حال الخدامه الموجوده واني اكلهه تعلمج الشغل هذا مستواج
نور.... براحتج
طلعت وسدت الباب حيل اني انكسرت حيل مااعرف ليش هيج تتصرف وياي ضليت اشتغل وي الخدامه عمو مايعرف لان دائما بلشغل ومرات ايام مايجي يسافر البنات ماقبلن عليهه بس هي كلامهه اليمشي
اجه عموو سلم وصاحني للغرفه ردت اروح كالت اياج تفتحين حلكج وتحجين شي
رحت اني دخلت كال عمووو تعاي بابا كعدت علي... شلونج بابا مرتاحه
نور... الحمدلله عمووو
علي... احد يضايقج
نور... لا
علي... هاج عمو هاي فلوس خليهه يمج خاف تحتاجين شي
نور... شكرا عمو مااريد عندي
علي.... تردين عمج
اخذتهن وبسته وطلعت ثاني يوم كاعده بلغرفه سمعت صوت كلش عالي وعياط وره شويه اجت الخدامه الي للغرفه كالت عموو يريدني طلعت لكيتهم مجمعين كلهم حته ابنه الي مااشوفه يجي للبيت ووجوهم كلهه مكلوبه ويباوعون الي كال عموو
علي... اكعدي عموو عندي موضوع وياج ولكل يسمعه اني قررت وخلص
سعاد.. خير علي شنو هذا القرار التخذته فجأه
علي... اخذ نفس وكال....... يتبع
اتمنه عجبتكم صوتو حته اكمل
