#عشقت_هواك
#البارت_الرابع
عسل.. انتي من القريه مامبين صايره مثل بنات المدينه ههههههه
ريم.. نور حلوه بكل حالاتهه
عسل.. يمعوده المعيدي بيقه معيدي ههههه
ريم.... واسلوبج هذا اسلوب وحده جامعيه
عسل.. يله حبيبي احمد خل نروح ناخذ صور
اخذهه احمد وراح عمو ماجان موجود يسلم عله ناس هواي يعرفهم بلحفله اني بقيت ساكته بس حيل ضوجني كلامهه جانت تحجي بطريقه استهزاء واحمد ابد ماردهه اني ماهتميت من اخذهه وراح لان ماعندي اي مشاعر اتجاهه هاي حياته اني قبلت بي عله مود عموو ماكدرت ارفضله طلب .. خلصت الحفله ورجعنه جنت حيل تعبانه رحت لغرفتي سبحت ونمت...
عموو حدد موعد العرس واجه اليوم الاكون بي عروس بس لا ابو ولا ام عروس مكسوره مجرد روح امشي بس عمو جان فرحان بهذا الزواج سوه حفله جبيره احمد جان ابدا ماعاجبه ولا يباوعلي كل شويه يخابر ويجي خلصت حفل الزواج ودخلت للغرفه اجه احمد دخل وسد الباب اني كاعده عله الجربايه كعد يمي كال اسمعي نور راح احجي وياج وهذا الحجي خلي ترجيه باذنج
احمد.. تدرين اني ازوجتج لان ابوي يريد هذا الشي واني ماعندي اي مشاعر اتجاهج ولا اعرفج من قبل. اني احب بنيه و كلبي متعلق بيهه.. واني واعدتهه ماراح اتقرب منج راح يضل زواجنه عله الورق فقط
اني ضليت ساكته ومدنكه راسي كتله براحتك
احمد... بس ديري بالج بيوم تحجين شي لابوي ساعتهه ماارحمج افتهمتي..
كام اخذ ملابس ودخل للحمام سبح وطلع اني هم رحت سبحت وبدلت ضليت بلحمام ابجي احتاجيت امي. وينج ماما تجين تشوفين بنتج شلون انذلت من بعدج ليش رحتو وعفتوني اني ضعيفه مااتحمل هذا الحمل مااامااا تعاي وخذيني يمج والله تعبت...
ضليت ساعه بلحمام ابجي لمن عيوني ورمن طلعت جان نايم عله قنفه بلغرفه ويدخن ويخابر يمكن لحبيبته عفته ورحت نمت عله الجربايه..
الصبح كعدنه لكيته مبدل يريد يطلع
احمد... اذا سالج احد صار شي كولي كلشي تم ماشي
نور.. شنو تم
احمد... مالج دخل بس كولي هيج
طلع واني بدلت ونزلت بارك الي عموو وانطاني هديه كلاده ذهب لبسهه الي ولبنات باركن الي بس خاله ماحجت اي شي تريكنه ولبنات كلما راحت لدوامهه عمو راد نروح شهر عسل بس احمد تحجج بلشغل يريد يدور حته يشتغل ضل احمد دائما بره مايجي للبيت بس وكت النوم عموو ضاج منه وحجه ويا كله يابه شغل شتريدني اكعد بلبيت
علي.. بس بابا انت بعدك عريس لازم تكعد وي مرتك تطلع وياهه تتعرف عليهه انت لسه مااشوفك تحجي وياهه
احمد.. يابه عوفني براحتي ماعدنه شي
سعاد... عوفه علي لا تضغط عليه
علي... هو شنو المااضغط عليه البنيه خطيه والله يااحمد اذا اسمع بيك ماذيهه حته لو بحجايه لا انت ابني ولا اعرفك
احمد... هيج صار الحجي.. اكوم اطلع صايره الكعده بلبيت تخنك
نور..
مرت الفتره وره زواجي هدوء ماكو شي جديد احمد بعيد عني كل البعد لا يقبل اهتم بملابسه ولا بأكله يطلب من امه او اخواته امه مكيفه من تشوفه بعيد عني.. تعودت عله الوضع.. غرفتي حلوه بس الشي المو حلو بيهه مخلي صورته وي حبيبته عله ميز المرايه كانما يذكرني بيهه اني مااهتم خاله قوت علاقتهه وي عسل يمكن عناد بيه حته كامت تعزمهه للبيت حته تضايقني متدري اني عادي عندي تبقى تسولف وتضحك وي احمد
حياتي ممله ماكو شي بيهه قررت ارجع للدراسه وعموو قبل كال لاحمد أحمد مااعترض كال هاي حياتهه اني شدخلني بيهه رجعت ادرس جنت حيل شاطره سادس اروح للمدرسه يوصلني سائق خلا عموو اني وهدى جنت حيل فرحانه بلدراسه جانت هدى وياي سادس نقره سوه اني وياهه ساعدتني هواي لان صارلي سنتين تاركه الدراسه بسبب حالة امي ..
بيوم جنت دااقره بلغرفه انفتحت الباب حيل جان يدخل احمد وعيونه حمررر وصاير اعصاب سد الباب قفلهه جان يجرني من شعري حيل اني عطت كتله ليش شكووو جان يضربني وكال
احمد... كله من وراج انتي السبب انتي دمرتي حياتي من اول يوم دخلتي بيهه ويضرب حيل مثل الواحد فاقد اذاني كلش واني اتوسل بي يعوفني مارحمني لمن شاف الدم من خشمي وحلكي عافني كعدت بلكاع ابجي واكوله والله مامسويه شي كال انتي السبب حبيبتي راحت مني تعرفين شنوووو عسل راحت ورجع يضرب بيه لمن فقدت وكعت بلكاع جان يطلع صعدن اخواته ذبن مي عليه كعدت ابجي وخايفه جنت حيل مرعوبه منه..... هنه هدئني ويحجن عليه ماقبلن
سعاد.. شبيك ماما شمسويه هاي المعزايه
احمد.. ماما عسل راحت مني ازوجت غيري جان تنزل ريم الي تخبلت من شافت حالتي
ريم... انت شلون تمد ايدك عليهه هي شنو ذنبهه هيج تكتلهه تخبلت
احمد... هي السبب لو ماهي ماازوجت عسل جان هسه اني اخذتهه
ريم... عسل لو تحبك ماجان عافتك بس خلصت مصلحتهه وياك..
سعاد.. كافي ماما عوفي اخوج تعبان
ريم... خايفه عليه متخافين عله البنيه جان ماتت جوه ايد ابنج...
احمد... ريييم اسكتي لاوالله اصعد الهه هسه
نور..
جنت حيل منهاره من الموقف حته فقدت التركيز بلدراسه بلكوه نمت جسمي كله يوجعني . احمد حاربني بدراستي يخليني اشتغل في سبيل مااكعد ادرس يريد يدمر حياتي اني ادرس من ينام اضل الليل كله ادرس هو تغير لا ياكل ولا يطلع كرهه الحياة بس يدخن.. مرات اصفن اكول هيج يحبهه هيج الواحد يسوي من يحب..
وبيوم طلعت النتائج جنت حيل خايفه لان مادرست عدل كاعدين منتضرين النتائج عموو اصر عله احمد يطلعهه عله الانترنيت مالتي ومالت هدى طلع نتيجت هدى ناجحه ومعدلهه عالي وضل يدور النتيجه مالتي طلعهه جان يكول....... يتبع
