كلشي سهل كلشي يهون
بس البنيه الرادت ابوها شلون؟ 🥺💔
ــــــــــــــــــــــــــــــــــــــــــــــــــــــــــــ
اني فرفحت من سمعته هيچ يحچي
تالي گال حييييل بيييه يطبني مرض اني ضيعتچ بس والله مااگدر ولچ مااتحمل اليوم تنامين بحضننننننننننننننه وضرب حيل على وجها اباوع الولد كلهم لازمين سلطان وهوه يريد يخلص نفسه ويجي يهد على احمد عگاله بأيده والغتره والعبايه بالگاع
ياربي شلون بيه شراح يصير ماحسيت غير خالو شخط السياره وطلع
وحيدر اجه سلم عليه وراح وگف يم عمامي وسلطان واخذ سيارة احمد وراح وراهم
اجه سلطان عصبي نااار صعد ساق السياره ودخلها للگراج مال البيت نزل وبيبي وعمه نزلن هوه دار نزلني مباوع بوجهي ذبحو ذبيحه ودخلني للبيت وطلع رأساً لگيت رنا داخله لان فهد من شاف الهوسه گبل مدخل السياره للبيت
اول مدخلت صبو العشه لان صار مغرب
صعدونه اني ورنا للغرف اجتي يسرى يمي گالت جده تگول لا تروحين للغرفه مالتچن لما هيه تگلچ
جابتلي الفون مالتي گعدت راسي مشوش احمد قهرني صحيح اني متأذيه منه بس صعب عليه اشوفه هيچ منهار
ضليت گاعده وصافنه حتى دموع بعد ماكو
شويه وسمعت هوسه جاي يزفون فهد وسلطان
دخل سلطان ولا چنه هوه نفسه الکان قبل ساعات عصبي وحارگ الجو دخل مرتب ولابس عگاله وشماغه وشايل بأيده العبايه يباوع عليه ويبتسم
سلطان ول اليوم الگمر محدر عندي
اجه گعد يمي على القنفه
شبيچ ضايجه يالروح
صفنت بوجها هذا صدگ يحچي يعني كل الصار ويسأل ليش ضايجه
هوه شافني اباوعله هيچ رجع راسه لوره وضحك بصوت عالي
_ول يالروح عليش هيچ تدحگين بيه تگولين شبي هذا المجنون
وتين:لا حشاك مو هيچ
سلطان:بلا انه مجنون من يوم دحگتچ عيوني تدرين وصلت لهين وانه مثل موگد النار بسبة الفضيحه السواها هلرثع بس وحگ الله بسماه من دخلت ودحگتچ عروس بغرفتي مثل الجاب مي وكب عليه وبرد ناري يول شعملتي بيه انه اهجس روحي غير واحد مو انه سلطان ال♕♕♕♕♕
طبعاً اني بهيچ مواقف اصير ثوله مااعرف ارد ولا اعرف اتصرف فسلطان من گال انه غير واحد مو انه تذكرت اعلان مال سنيكرز
ضحكت وگلتله انت مش انت وانت گعان
هوه صفن بوجهي متفاجئ بعدين خرب من الضحك
گال ول مصگوعه هذا رد على واحد يوصفلچ حبه ذب الغتره والعگال ورجع راسه وكل شويه يسكت ويرجع يضحك بصوت اعلى
أنت تقرأ
هديتي من السماء
Lãng mạnقصه باللهجه العراقيه للكاتبة نورس الركابي لفتاة تتزوج مجبره بعمر صغير جداً من رجل يعشقها بجنون ويعاملها بقسوه اضعاف عشقه لها هل سوف يستمر هذا العذاب ؟
