هديتي من السماء

البارت الرابع والعشرون

لا تيأس من حياة ابكت قلبك .
وقل يالله عوضني خيرا.
فالحزن يرحل بسجدة.
والفرح يأتي بدعوة😍💕.

ـــــــــــــــــــــــــــــــــــــــــــــــــــ

ياامة الاسلام احـــــــــبــــــــــچ ول ياالله احــــــبـــــــچ فهميها عاد بيالغه احچيها

وال احـــــــــــــبـــــــــــــــــــــــچ

احـــــــــــــبـــــــــــــــــــــــچ

فتحت عيوني على وسعهن متفاجئه من اعترافه

وتين: سلطان انت شدتگول انت بالنسبه الي
اخ و صديق ابن عمي بس لتفكر اكثر من هيچ اني ماافيدك ولا تتوقع بيوم من الايام اگدر اتقبل حب جديد بحياتي

ثانياً انت متزوج وتعرف كلش زين اني تطلگت من احمد لان تزوج عليه تريدني اجي اسوي نفس الشي
مستحيل شيل هاي الفكره من بالك واذا بقيت مصر اني ارجع البغداد اعيش ببيت بابا

سلطان: ول شنو ترجعين البغداد من كل عقلچ انه اخليچ ترجعين تعيشين يم هذا الرثغ

وتين: اني مراح اعيش يم احد اعيش ببيتي وبيبي وماما يمي واذا اضطريت ابني الباب البيناتنه والغي

سلطان: ماكو هيچ سالفه شيلي الموضوع من بالچ

وتين: لعد انت هم شيل الكلام الي گلته من بالك

هوه رفع ايده جر الغتره من راسه بعصبيه ودار وجها وراح الغرفته بدون كلام

اني دخلت كلش ضايجه ماحسيت اله رهف تدفع الباب وتدخل عليه
يعني كانت تتسمع

رهف: سمعيني ولچ تبعدين عن زلمتي لا اراويچ الي عمرچ ماشفتي افتهمتييي لا عبالچ انه غشيمه وتمشين الماي من جواي لااااا عيني انه مو مثلچ غبيه وزلمتچ لعب من وراچ وتجوز عليچ وانت نايمه ورجليچ بالشمس

تره خلي ببالچ حتى بعلباتي عندي عيون وتدحگ شتعملون وان كنت ساكته فبمزاجي

وتين:وهوه منو جاي يم زوجج شنو شفتيني راكضه ورا خاف تتصورين كل الناس مثلچ تفرضين نفسچ وكل همچ تتزوجين حتى لو كان الشخص مطايق يباوع بوجهچ تره اذا انت هيچ اني مستحيل اصير مثلچ وانزل الهلمستوى

هيه سمعتني هيچ گلت وهيه تخبلت هجمت عليه وضلت تجر بشعري وتضرب بيه وتهز جسمي هز اني اصلا مااعرف اتعارك وهي هواي ضخمه طويله حيل وسمينه يعني اني يمها اضيع وهم جسمي خدران وتعبان من المرض والابر الضاربتهن البارحه بالليل مكسراتني

ضليت اصرخ بعلو صوتي بس اريد احد يسمع ويجي يخلصني منها

انفتح الباب ودخل فهد يركض ووراه سلطان وبعدهم دخل الكل