هديتي من السماء

البارت الثالث والعشرون

‏كلما أشتقت إليك ...
أرسلت لك روحي
لتلقي السلام على قلبك..٠٠
هكذا أنا رغم غيابك ..
إﻻ أنني أقرب إليك..٠
من نفسك.٠٠ فبدونـكَ .....
يــمر اليـوم ...٠٠
وكــأنـهُ لا يــمــر ..
وتغيــبُ الشمـــس وكــأنهــا.٠٠٠
لــــم تُــــشرق ..٠٠٠
وينبـضُ القـــلـب آهــاتٌ...٠٠٠
بـــلا حيـاة ..٠٠٠٠•
ومـا زلـتُ حتى الآن ......
أنتظُركَ..٠٠٠٠•

ـــــــــــــــــــــــــــــــــــــــــــــــــــــــــــــــ

هوه باوع عليه ورجع باوع العبد گال وانت شگلت الها

حچاله عبد الصار بس كان عبد متوتر ويحچي ويمسح بگصته
محرج من الموقف واني اول مره مكنت مهتمه ولا حتى انحرجت لان اخذنا بشقه بس من شفتهم كلهم وجوههم تترقب وسلطان عصب وعبد متوتر

انحرجت كلش. فردت اغير الجو المشحون الصار وگفت گلتلهم

وتين:يا جماعه اني اسفه اهلي اجوي خطبولي بدون علمي واني جايه اعتذر مااگدر اتزوج ابنكم بعدني ممكونه نفسي

اني گلت هيچ وهمه كلهم خربو من الضحك بيبي غطت وجهها بالشيله مالتها
سلطان مغطي عيونه ومدنگ يضحك

نزلت رهف گالت عجل سلطان هينه وانه منتضرتك

سلطان:عليش منتضرتني رايده شي

رهف:لا مو رايده شي بس غير اول ماتجي تصعد الغرفتك وتشوف حرمتك

سلطان:ان شاء الله من اتجوز اسوي هلشكل

رهف:عجل انت هسع مو متجوز

سلطان :لااا عافها وراح الغرفته

هيه عصبت رادت تنفجر من القهر
باوعتلي وگالت انه اعرف دواچ صبريلي

وتين:هاي شبيچ اني شعليه ذاك زوجج وروحي تعاركي ويا لتذبين بلاچ عليه

هيه باوعت صفح معاجبها وگعدت تنافخ

احنه رحنه صبينه غده والكل تجمعو وهيه هم گعدت يم سلطان تتغده

حنان:يول هاي مو ب١٢تريگت وهسه بالوحده تتغده

وتين:لچ سكتي عيب يجوز مااكلت زين بالريوگ اكلي واسكتي لا تسمع وتسوي مشكله

بالليل خابرت ماما گالت خالو بايع سيارته و انطو الاهل الولد ٢٠ مليون واحمد باچر يطلع بس اخرو الترقيه مالته

الحمد لله همزين خلصت على خير

نمت مطمأنه ثاني يوم الضهر بعد الغده صعدت لگيت الفون مالتي يتصل رقم ماما متصله كامره فتحت خط وخليت الفون گبالي وعيوني على المرايه فتحت شعري داامشط وحچيت

وتين:هلوووو ماما تي بشري طلع احمد

شو مردت عبالي مگطوع الخط باوعت شفت احمد هوه المتصل هوه من شافني باوعت عليه محچ بس بقه يباوع بعيوني اني رأساً قفلت الخط بس احس گلبي راح يطلع من بلعومي من گد ماضرباته صارت قويه اول مره اشوفه من يوم الطلگني صحيح كم مره اتصل وراسلني بس مشفته ولا مره هسه من شفته دگات گلبي كلها تخربطت مااعرف ليش خوف  لو قهر منه بس اكيد مو حب