هديتي من السماء

البارت الثاني

على لحن الدمع نامت عيــــــــــوني الليل
وعلى صوت القهر فز الصبح گلبــــي
لا ظالم بشر لا قاهر احد يـــــــــــوم
ليش وياي هيج يصير يا ربـــــــــــــي
مخنوگه السوالف تطلع من الــــــروح
ما ادري
شعجب؟
وشصار ؟
وشذنـبي؟
يلوموني لأن ربيت حزنـــــــــي وياي
هو المفارك محب مدگلي شيربــــي
__________________

للكاتبة نورس الركابي

ام ساهر : احححححمد انت شدتحجي شنو هذا الكلام المااله معنى على اي اساس تعقد عليها لك طفله هاي ويتيمه حرام عليك تظلمها وياك

احمد : ليش اظلمها انتو كلكم تعرفون شكد احبها ومستحيل ااذيها

سناء : بس هيه بعدها مو عمر زواج احنه بيازمن بنيه عمرها ١٣وصارلها اسبوع من دخلت ١٤ سنه تتزوج بعدين انت هواي اكبر منها بالعمر ١٦ سنه فرق

احمد : اني كلت العندي ومستحيل اغير رأيي وتين الي والكم يومين تحضرون نفسكم للعقد

ام ساهر : يمه دنتضر البنيه تكبر شويه والله بيدي ازفها الك

احمد : تكبر يمي بيبي  اني اربيها واكبرها على ايدي

سناء: ولكم البت فرفحت راح يوكف كلبها من البجي

اني كاعده اباوع وابجي
حسيت الدنيا صارت سوده بعيني يعني هم دراستي خسرتها وهم راح اتزوج احمد
اني مااگدر اتحمل مسؤليه زواج وهم احمد اخاف منه وامه واخواته يموتن مني
شلون حكدر اعيش وياهن وهنه هنا كل ميشوفني يكولن وجه الفكر موتت امها وابوها

حسيت نفسي غركانه ومحد يكدر يطلعني
لان اعرف لو شكد محجو كلمة احمد هيه الي حتمشي واني مستحيل اوكف بوجها واكله لا ماعندي الجرئه ابد

كعدت بالكاع وضليت ابجي

هوه من شافني هيج اتنهد بصوت قوي وطلع وركع الباب وراه صاح من الطرمه
عمممه عقليها وجهزيها الخميس العقد

وتين : ماما لتزوجوني الاحمد والله اخاف منه حبابه

سناء : شبيدي عليج حبيبتي تدرين بيه ماعندي كلمه على اخواني

وحتى بيبيتچ متكدر تسوي شي غير تتعارك وتصيح وبدون نتيجه بالاخير كلمتهم تمشي

ام ساهر : ولج يمه سوده عليه وينج وين الزواج بهلعمر لا اني مااقبل راح اروح احاجي ساهر هوه يشوف حل وي ابنه
خو ما كلنه نمشي بكيفه يعني هيه لو ابوها الله يرحمه عايش يكدر يسوي هيج بيها

سناء ،: روحي حاجي ساهر ولو ادري ميفيد بس على الاقل نحاول

راحت بيبي ونسمع صوت الصياح بذاك البيت والهوسه ورجعت بدون نتيجه

هدى من سمعت احمد بطلني من المدرسه هيه هم بطلت بس مااعرف شبيها كلبت عليه الي عرفته هيه مبطله من نفسها بدون ضغط من اي احد لعد ليش هيج تتصرف وياي