هديتي من السماء

البارت الثالث

..
مـو_گـوه...
ألمحنه ألگـوه مـاتــراد"
يـامحلـئ ألنفـوس بكيفهـا مـن تــحن'

______________________________

للكاتبة نورس الركابي

احمد : انت مرتي وين ميعجبني اكعد يمج وشيعجبني اسوي بيج لا عيب ولا حرام
وهسه تعالي خليني انشف شعرج

وتين تره نشف والله بس رطوبه قليله بي

احمد: لعد تعالي خلينه نكعد هنا كعد على السرير مالتي وجرني كعدني على رجله دخل ايده بشعري

گال ادري شنو بس اريد افهم حرير هذا شنو
تره ملمس شعرج وحده قضيه غير عطره اليخلي العقل يغيب عن الواقع اماالووونه هذا يرادله قصائد وروايات بس حتى تشرح مدى جماله

وتين : اني ميته من الخجل يعني كاعده على رجله وهوه يتغزل ومحاوط خصري بأيد والايد الثانيه بشعري ووجها كلش قريب من ركبتي

اني صغيره على هيج وضع وهيج مشاعر

كتله عفيه احمد مو هيج حباب والله استحي

احمد : شوفي توته انت لازم تتعودين عليه ولازم تشيلين حاجز الخجل لان احنه زواجنه قريب مابقه بس اسبوعين وبعد الزواج هواي امور راح تتطور بعلاقتنه اذا متعودتي على قربي من هسه مستحيل تكدرين تتقبلين العلاقه الزوجيه

وتين : شنو يعني ؟

احمد : يعني لتمنعيني من قربج خليج وياي وتأكدي اي شي يصير بيناتنا عادي يصير بين اي ٢ متزوجين

وتين : هزيت راسي بمعنى اي

هوه ضل يحجي وياي ويفهمني طبيعة العلاقه بين الازواج يعني من ناحية الاحترام وانو ملازم اسوي اي شي بدون علمه ولازم اسرارنه تكون داخل غرفتنه حاول يوصلي اليريده بالكلام يعني على كد اليشيله عقلي

مشت الايام اني كملت تجهيز
واحمد جاب غرفه نصبها ببيت جدو
همه مقسمين البيت الطابق الفوك البيت خالو ماهر والجوه البيت خالو ساهر بس اكلهم وكعدتهم سوه

شكد توسلت بي وماما وبيبي حاولن انو نعيش ببيتنه مقبل

هدى شفتها مره وحده كنت بالسطح والسطح كان واحد بين البيتين شفتها صعدت

سلمت عليها
باوعتلي صفح ومردت السلام

وتين : هدى انت شبيج اني شنو سويتلج حتى تباوعيلي هيج ومتحجين وياي

هدى : كلشي ممسويه خطيه فقيره بس عرفتي تلفين على ابن عمي وتاخذي مني

وتين :هاي شبيج انت ليش هيج تحجين اني شنو ذنبي انت تعرفين اني مرايده اتزوج وهوه جبرني

هدى،:اي مبين ولچ انت وحده حقيره ومسمومه
مااعرف على شنو شايفه نفسچ عبالچ الخلقچ ماخلق غيرچ