هديتي من السماء

البارت الاول

حرت مابين ضيم الوكت والهم
مريض ودوم عندي اعلاج وألهم
تذكرت الغوالي اعزاز والهم
معزه بكثر طيات التراب

_____________________________

في احد مناطق بغداد منطقه يعمها الهدوء والطمأنينه تعيش فتاة يتيمه الابوين تسكن مع  اهل والدتها كيف هيه حياتها وماذا تعيش هذه الطفله هذا ما نعرفه معاً بعد ما نذهب برحله في حياة وتين وعائلتعا مع الكاتبه
نورس الركابي

،،،،،،،،،،،،،،،،،،،،،،،،،،،،،،،،،

ام ساهر: وتييين لج يووم وتييين كعدي راح عليج الوقت

وتين: اي بيبي والله كعدت لتصيحين

كمت غسلت وبدلت ونزلت

لكيت بيبي وماما كاعدات يتريكن

وتين: صباح الخير يحلوات

سناء: ام ساهر : صباح الخيرات والانوار

رحت بستهن وتريكت ماما سناء متقبل اطلع للمدرسه اله اشرب الحليب واني مااحبه فهيه

توكف على راسي تتأكد شربته يله تعوفني

رحت غسلت واخذت جنطتي وطلعت للمدرسه طلعت من الباب التقيت بهدى بنت خالو ماهر

هدى : صباح الخير توته شلونج

وتين : صباح النور حبيبتي

اني اليوم تعبانه ومشبعانه نوم من وره امتحان الرياضيات قريتي لولاء؟
لان مراح اغششچ المدرسه توگف فوگ روسنه مثل الشرطي واخاف تشوفنه

هدى : انت مخبله شدعوه هلكد ذابه نفسج على الدراسه ارحمي نفسج اني قاريه گد النجاح مو مثلچ اله درجه كامله

وتين :مو بيدي انقهر اذا مجبت درجه عاليه
وهم بابا الله يرحمه احسه يفرح من اجيب درجه كامله حتى لو هوه مو يمي اكيد يحس بيه

هدى الله يرحمه

راح اعرفكم على نفسي اسمي وتين
ماما متوفيه من ولدتني

بابا كان الي اب واخ وصديق وكلشي بحياتي
لان
اني مكان عندي اخوه ولا اخوات
كنت اول طفل الاهلي ومن توفت ماما بابا مفكر يتزوج
فكان يعتبرني كل اهله واقاربه واني
معتبرته كل حياتي

هوه منقطع عن اهله من زمان حتى قبل ليتعرف على ماما ويتزوجها .
لان صايره مشكله كبيره وي والده وعمامه
بسبب تهمه متهمته بيها بنت عمه واهله طردو
و صدكو بيها ومصدكو حتى من حلف
طلع من العراق كله وبقه بسوريا تقريباً ٤ سنوات

وهناك متعرف على خالو ساهر وحاجيله كل قصته وصايرين اصدقاء

من رجعو للعراق بابا مراح للانبار الاهله

لا اجه البغداد وي خالو ساهر واجر هنا وفتحو مشروع واشتغلو سوه

صارت علاقتهم عائليه ويه بابا
بعد تعرفون العراقيين من يعرفون شاب وحده ماعنده احد
كانت بيبي شتطبخ تدز البابا لو تعزمه يمهم بالبيت