هديتي من السماء

البارت الرابع

وتــٖٖٖـبــٖٖٖـقــٖٖٖـئ حــٖٖٖــيـٰٖـــٖٖٖـاتي ڪــٖٖٖـمــٖٖٖـآ هــٖٖٖـي 😔

لآ فــٖٖٖـرح يــٖٖٖـگــٖٖٖــِٓـٰتــٖٖٖـمـٓــٖٖٖـل ولآ حــٖٖٖـزن  يــٖٖٖـنــٖٖٖـتــٖٖٖـهــٖٖٖـي 💔

ولإ حــٖٖٖـلــٖٖٖـم يــٖٖٖـتــٖٖٖـحـٓــٖٖٖــٓقــٖٖٖـق 😔💔

____________________

للكاتبة نورس الركابي

وتين : ويييييع شنو هاي شمرتها

احمد : دجيبيها هوه انت يعتمد عليج اني انطيها الها بس مو تكولين مو مالتي لو مااعرف هاي شنو

وتين : وليش اكول مالتي

احمد : الف مره كتلج لتناقشين لزم ايدي ومشه

طلعنه من الغرفه رحنه للصاله لكينه الكل مجموعين هناك صبحنه عليهم

وتين : احمد : صباح الخير

الكل صباح النور بيبي فتحتلنه اديها

ام ساهر : هلا بهل صباح تعالو حبايبي مابيه اكوم رحنه الها احمد باسها براسها واني حضنتها وبوستها باركت النه وبعدين كامو خوالي بوسونه وباركولنه والولد هم

البنات متحركن من مكانهن ابد اجتي خاله ام حيدر بوستني وباركت النه

خاله ام احمد وهيه كاعده كالت ها ماما حمودي شبيك شو مبين ضايج

احمد : وليش اضوج اكو واحد يصبح بهلوجه الحلو ويضوج

ام احمد : عوجة حلكها وسوت اي حقك ماكو منها الاصل والفصل والعمام تارسين المحله والشهاده بعرض الحايط

ساهر : هاي شنو ام احمد شلج بهلكلام من الصبح

احمد : محجه غلس ودار البيبي طلع القطعه مال القماش البيضه وانطاها الها وهيه ابتسمت باسته وباوعتلي اشرتلي اروح يمها اني كمت رحت يمها حجت ام احمد

ام احمد : والله عمي جيل اخر زمن لا استحت ولا اهتمت نيشانها شافو هاي الشباب الكاعده كلها وخوالها وهيه لا انكسرت عينها ولا جنها

ام ساهر : جميله وتالي وياج يعني مراح تعوفين الابنيه بحالها

احمد : يمه ليش تستحي احنه كلنه اهلها وبعدين هيه صغيره اكيد ماتعرف شنو لازم تسوي

ام احمد : وهسه اني شحجيت واكلتوني اني هذا الزواج من اساسه معاجبني ومراضيه عليك وكلكم تعرفون لا تطلبون مني اغير موقفي ولا تضلون واكفيلي على الكلمه

ساهر : والله العظيم انت ضايع وياج الكلام ضيعتي فرحتهم وخربتي مزاجنه وكعدتنه كلنه

حيدر راد يغير الموضوع صاح على هدى

حيدر :هداوي  كومي سوي ريوك للعرسان يله حبيبتي

هدى : وشبيها العروس ايدها مكسوره متكوم هيه تسوي