دخلت بيبي
ام قحطان: ها ولكم شو خاتلين هينه
سلطان:عجل وين نروح ياامت الاسلام اريد بوسه مو محصل
ام قحطان:عجل مو اگول اخذو هاي الغرفه وانه وجدك ننام بالصاله
سلطان:لا جده انتو يرادلكم مكان تاترتاحون بي وتنامون بهدوء احنه شباب ماعلينه شي بعدين انه لو اريد ااجر بيت واطلع بس اخاف عليها مااگدر اهدها وحدها
ام قحطان:عجل تحمل انت الجايبها النفسك
ضحكنه وطلعنه من يمها مشت الأيام والشهور واحنى على نفس حالنه الى ان بيوم من الايام كلنه طفرنه على صراخ سرور خطيه كانت عدها ولاده
اخذوها للمستشفى وجابت بنوته رجعو بالليل وسرور رادت تسميها وتين لان عاجبها اسمي بس سلطان مقبل
فسموها نور على وزن اسم امها
عدى على وجودنه ببغداد فتره طويله واحنه هسه بال٢٠١٧
الرمادي تحررت الحمد لله وراحو الولد علمود يرممون البيت ويرتبو حتى نرجع بيت عمه ام سالم رجعو قبلنه وبيت ايمان هم رهف بعد مسمعت شي عنها
اني هسه عمري كمل ١٨ودخلت بال١٩ الأغراض الي بالبيت كلها انطوها للناس المحتاجين مرجعنه ويانه للرمادي اي شي غير الملابس
اجوي الولد اخذونه ورجعنه واخيراً للرمادي احسهم خطيه مثل كان مخنوگ وهسه شتم الهوا
بس الرمادي كانت خراب واغلب البيوت متفجره او مقصوفه والمباني الحكوميه والمدارس كلها مدمره دمار منضرها يبچي
دخلنه للبيت مصبوغ من جديد ومرمم بس اني اول مدخلتله انقبض گلبي تذكرت الصار بيه من كنت وحدي بي
سلطان:شبيچ حبيبي عليش انعقچ وجهچ
وتين:ماكو شي حبيبي
فهد:ول وتين هاي انت شلون حافره الخشب مال باب الغرفه هههههههههههه والله حتى الفاره ماتگرط الخشب هلشكل
وتين: الخوف كلشي يسوي عفيه لتذكرني حباب
سلطان گال غرفة رهف انطيتها مااريد اي شي يذكرني بيها
بعد رجوعنا للانبار بشهر سالم خطب حنان وصار موعد زواجهم بالشهر الوراه يعني صارلنه شهرين من اجينه
طبعاً بهاي الفتره هوايه حاول سلطان يخليني اتحول يمه بالغرفه بس آني نفسيتي انتكست بعد رجعتي للبيت ابتعدت عن الكل ودائماً اتذكر مواقف صارت بيه واگعد ابچي وحدي
المهم اليوم زواج حنان
حنين اجتي هيه وايمان وصابرين وبيداء وبنات عمه ام سالم هم اجني صارت لمه تخبل تجمعنه كلنه واني اشوف ايمان وساره يتفقن على شي ويبسبسن بس مصار ببالي گعدنه بالغرفه وهنه استلمني شيسون الحنان يسون الي تنضيف بشره وتنضيف جسم وسكراب وحفتلي وجهي ايمان وكل شويه وگالت اويلي على حالك ابن عمي مخليتو وحدو ينام ياكافره وين اكو زلمه صارلو سنتين ونص متجوز
وحالو حال العزابي والله اليوم ان مانمتي يمو اكسر الماسحه على راسچ تحچي محترگ گلبها واني خربانه من الضحك وبنت حنين كل شويه وجرت شعري هنه يضحكن عليها يگولن تاخذ حق خالها منچ
أنت تقرأ
هديتي من السماء
Roman d'amourقصه باللهجه العراقيه للكاتبة نورس الركابي لفتاة تتزوج مجبره بعمر صغير جداً من رجل يعشقها بجنون ويعاملها بقسوه اضعاف عشقه لها هل سوف يستمر هذا العذاب ؟
