جلمات لمعاتب كضن .ونته عل طبعك ذاك .لانفع بيك الوفه ولاعتب فاد وياك،💔
____________________
ام احمد :اي ادري بس وتين وياها خالتها وكلهم بعد انت بعد شأكو عايف مرتك ومگابلها وبعدين مرتك بعدها جديده خطيه تنقهر وهذا اول يوم الها يمنه لا تفشلنه وياها
احمد :روحي يمه هسه جاي وراج
ساهر :ليش استاذ روح هسه اركض الله يطيح حظك ولك مو هاي هم زوجتك وبنت عمتك ومريضه حتى مكلفت نفسك تسألها عن صحتها
احمد : تره سويتوها بله ملح من اجيت لحد هسه كلها تلوم بيه ليش وليش يعني شتردون اسوي اني بره العراق وتجيني كل سوالف مرتي وي ابن عمي طلعاتهم وونستهم واشلون تبجي ويواسيها بيوم خطبته وشلون تضحك ويا ووووووووووووو ضل يعدد شنو صار بفترت غيابه
وطلع صور النه واحنه نضحك وكاعدين بالحديقه وصوره بالمرجوحه بيوم خطوبته من بجيت وصور بالصاله واحنه كاعدين والولد وبيبي وماما وصور دا اصعد بالسياره من ردنه نطلع
وتين : وين الغلط بالموضوع اني طول عمري هيج وي حيدر بس كول انت ردت حجه تطلعني غلطانه حتى تتزوج
على العموم انت هسه تزوجت والف مبروك
بس والله ماابقه على ذمتك بعد هذا اليوم
احمد :هههههههه شتسوين بالله تشتكين عليه؟
لچ بابا فهمي اسوي اليعجبني ووقت ميعجبني وانت متگدرين تمنعيني افتهمتي متگدرين
بس ميخالف لا تضوجين خل يخلص شهر العسل مالتي عود بعدين انضر بأمرچ هسه مااگدر اشغل نفسي بيچ تعرفين بعدني عريس وملتهي
وتين :ضربت رجلي بالكاع حيل ورحت للغرفه مالتي
اسمعهم يصيحون ويتناقشون والي فهمته من خلال النقاشات انو احمد واصلله كلام هواي من امه واخواته وهدى كله تلفيق وتهم الي وطعن بأخلاقي واشكال حتى كايلاتله هيه محضرت خطوبته لان كانت زعلانه عليه لان خطب ووووووو هوايه كلام يشيب الراس من حجوله خوالي وماما وبيبي وحتى الولد وفهمو الحقيقه
عرف نفسه نضحك عليه للمره الثانيه وهوه صدك لهذا ضل يغلط على اخواته وراح البيتهم بعدين ضلينه نسمع صوت الضرب والصياح بعد ساعه واني اسمع الاصوات والهوسه ببيت جدو بعدين هدء الوضع واجتي ماما حجتلي تكول احمد ملخ خواته تملخ شوههن من كد الضرب هوه وسامر وخالو
وتين:ماما احمد شلون صار ضابط وهوه الهلدرجه اي كلمه يسمعها يصدگها وكلمه تاخذه وكلمه تجيبه
يعني اني دااتفاجئ بشخصيته هوايه
سناء:بنيتي احمد يحبچ ومن عرف اكو منافس اله بحبچ متحمل هلشي رغم هوه زوجج ويعرف انت ملكه امه وخواته استغلن هاي النقطه واشتغلن عليها حتى يفرقنكم
وعرفت انو الي متزوجها احمد بنيه عراقيه ساكنه هيه واهلها بسوريه واخوها صديق احمد عن طريقه متعرف عليها وصايره بينهم علاقه وخاطبها وامه وابو واخواته يعرفون
أنت تقرأ
هديتي من السماء
Romansaقصه باللهجه العراقيه للكاتبة نورس الركابي لفتاة تتزوج مجبره بعمر صغير جداً من رجل يعشقها بجنون ويعاملها بقسوه اضعاف عشقه لها هل سوف يستمر هذا العذاب ؟
