هديتي من السماء

البارت السابع

لَمً نِخِتٌر مًکْآنِآ لَأحًدٍ فُيَ #قُلَوٌبًنِآ
فُآلَکْلَ آخِتٌآر مًکْآنِهّ حًسِبً أسِلَوٌبًهّ..! 💙

_______________________________

للكاتبة نورس الركابي

وتين: بيبي حچت الخوالي كلشي
وهمه عصبو وضلو يحجون ويغلطون على احمد وخالو ساهر كال مترجعيله هذا يرادله واحد يوكفه عند حده ومن هذا الكلام بس اني اعرف مراح يكدرون يسوون شي صحيح همه يحبوني وميقبلون احد يأذيني بس ماعدهم سيطره لا على احمد ولا على امه

بعد يومين

اني دااتريك وي ماما وبيبي جان يدخل احمد

احمد : صباح الخير اجه باس راس بيبي وعمه وكعد بصفي حضنني من كتفي وباسني بخدي وهمس شلونج حبيبتي

اني دنكت مرديت عليه هوه جر حسره وضل يباوع بوجهي

احمد : كومي حبيبتي خل نروح الغرفتنه نحجي

وتين : احمد مااريد احجي ولا اريد اروح هناك

ضل يحجي وياي ويقنع بيه بس  من شافني قافله عافني وراح ضل كل شويه يجي اني من اشوفه يجي اصعد للغرفه هوه يضل شويه ويروح بالليل صعدت انام كانت الساعه ١٢ سبحت ولبست بجامه مال نوم ونمت رأساً غفيت بعد مااعرف شكد حسيت احد دخل وياي بالفراش فتحت عيوني الغرفه ضلمه بس عرفته احمد

وتين : احمد شجابك

احمد : حبيبتي والله مااكدر انام وانت مو بحضني بس انام مااحجي ولا اضوجج

وتين : السرير صغير ميكفي ثنيننا ننام بي

احمد: حبيبتي يكفي بس نامي
اني كنت نعسانه غفيت مره ثانيه فزيت الصبح على صوت احمد هوه وماما يسولفون

فتحت عيوني لكيت ماما واكفه تضحك واحمد بعده نايم يمي وحاضنني يااابه اني شصار بيه من الخجل رأساً دفعته وكع بالكاع

احمد : هههههههه خرب يومج ولج ليش هيج ضهري انكسر باوع على ماما كال طبعاً هاي عينج عمه انت زركتيني بعدسه معدله هاي شفتي القشطه شلون شمرتني

سناء : هههههههه يله تكبر وتنسه راح انزل اسويلكم ريوك

طلعت ماما وسدت الباب وراها هوه صعد على الجربايه ورجع حضنني

احمد : صباح الخير حبيبتي

وتين : صباح النور احمد شلون تبقه نايم يمي كدام ماما مو عيب

احمد : وين العيب اني جنت توني كاعد ودااتمعن بجمال حبيبتي مااحس اله الباب انفتح ودخلت عمتي هيه شافتني شهكت وخلت ايدها على حلكها كالت ياااا هاي انت هنا واني مقهوره عليك وصعدت احاجيها حتى تصالحك لكيتكم مثل القشطه والعسل يحجي ويقلد صوتها يخرب من الضحك

وتين : هههههههه

احمد : دايمه هلضحكه الحلوه يارب

كمنه غسلنه وبدلت ونزلنه بيبي من شافتنا نزلنه سوه ابتسمت