هديتي من السماء

البارت الواحدوالعشرون

خـذآگ آلـمـا عـݪيـگ يـلـؤگ
وآنـي بـكـݪشـي لايـكـݪـك ..!؟💔🔇

ـــــــــــــــــــــــــــــــــــــــــــــــــــــــــــــــ

هوه مرد عليه مشه بأتجاه الدرج بيبي شافته من الشباك صاحت ورا سلطااااان مرد عليها جدو هم صاح وعمو هوه ابد حتى ملتفت كأنو ميسمع صعد وسمعنه باب غرفته القديمه انطبگ حيل

طلع سلمان من الصاله گال تركو اليوم وايمان صعدي يم حرمتو فهميها انو تعبان وراح ينام بغرفتو لاتنطرو

صعدت ايمان بس تدردم على رهف مقهوره على سلطان

رحنه احنه الغرفتنه والبنات تقسمن ايمان وجهالها نامت يم امها لان هيه اصلا تنام وحدها عمو مينام يمها

وصابرين وبيداء نامن بالغرفه الجوه هاي الغرفه مخلينها للخطار مابيها بس كنتور وجلسه عربيه من يجي خطار يبات بيها

تمددت بسريري اجه على بالي اعرف سبب تعاملهم وي ام سلمان ليش الكل يتجاهلها سألت حنين

گالت:عجل انت لهسه ماتعرفين

وتين شنو اعرف

حنين:يولي عمتي ام سلمان هيه اخت گرجيه الي سوت فخ الابوچه الله يرحمو وصارت سبب بالصار كلو وخلتو يروح ومايرد

وتين:يعني هيه بنت عم بابا

حنان:اي مو تگلچ اخت گرجيه يعني بنت عمو

وتين:زين ام سلمان شنو علاقتها وهيچ يعاملوها يعني يعاقبوها على غلط اختها ؟

حنين: لا بس لان هيه الي سوت الخطه وجابت اختها بغرفتها وصاحتو بحجة يشل وياها ميز هوه وگرجيه ومن دخل ابوچه للغرفه ضلت تصرخ وگالت سلطان اعتده على گرجيه ومن جايين ومدحجين الوضع

مصدگيها وجدي متعارك ويه عمي وبعدين هوه مواجهاا مااعرف شلون وكاشفها ومن مبري حالو طالع من هين وبعد مارد اليومچ هذا لهذا السبب عمي عدنان هجرها وتجوز عليها عمتي ام فهد

وتين: و لهذا السبب تكرهني لان اني بنت سلطان

حنان:ول هيه ماتحب احد تكره الكل مو بس انت هيه حتى سلمان وايمان علاقتها مو قويه بيهم لان تريدهم يبعدون عنه كلنه وهمه مايسمعولها

وتين: الله يهديها  يله تصبحون على خير نعست كلش بعد

حنان:حنين:وانت من اهل الخير

نمنه كانت الساعه ٢بالليل مگعدت اله الساعه ب١٢الضهر

گمت سبحت ولبست تراك نيلي وبي من الضهر ارنوب البدي مالته طويل ورفعت شعري بأهمال علما كملت صارت الساعه بالوحده نزلت لگيتهم ديتغدون ورهف وسلطان هم گاعدين

وتين: صباح الخير

قحطان:صباح الضهر يابه الساعه بالوحده