هديتي من السماء

البارت الثامن

‏لا تقف على أعتاب قلوبهم ؛
‏تنتظر منهم بقايا مشاعر باردة؛ ‏ فأنت لست متسولآ ؛ ‏وهم ليسوا أولياء ؛
‏فالكرامة لا يجوز أن يسقط عنها رداء الكبرياء..

_____________________

وتين

اخير شي اجتي هاله كالت بس اريد افهم انت شنو المميز بيج والله عجيب ابن خالتي شغلته مو خاليه يعني معقوله يفكر يتزوج وحده طفله زعطوطه وهوه بهلمركز والعمر والجمال

اني متحملت بعد گمت على حيلي وباوعت الها بأستفزاز وگلت الها

وتين : حبيبتي لتتعبين نفسج وتفكرين اكيد لكه بيه شي ملكا بكل البنات الشافهن شي يختلف يعني مثلاً شافني مو لزكه واركض ورا

هاله : شنو قصدج

وتين : ولا شي بس انطيتج احد الاسباب الى خلت احمد يحبني

هيه شمرت بطل المي عليه وگع  بالگاع  گالت ادب ****وطلعت من المطبخ

اني درت اكمل شغلي بدون ماارد عليها لان اذا رديتها معناها جبت التهلكه النفسي هيه وبنات خالتها وام احمد وحتى هدى وامها يردن بس زله عليه حتى يضربنني واني وحدي وين اگدر اردهن

ثاني يوم اجه احمد اني كلشي ممحضره اي شي

احمد:اي ليش اني موگلتلچ اجي الگاچ مجهزه كلشي

وتين:والله ملحگت من الصبح لليل اشتغل وبعدين خفت يشوفوني لامه الغراض وذيچ الساعه محد يخلصني منهن

كال راح اصيح عمتي تساعدج علما نفرغ ذيج الغرفه

وتين : احمد تعرف منو هنا

احمد : لتذكريني رحمه الاهلج خليني مرتاح كبل لاتكعد وتاكل راسي باللغوه

وتين:ليش شمدريك بيها

احمد: غير امي اكلت راسي كل شويه تخابرني تعال حمودي بنت خالتك عدنه
عبالك حمودي طالع سفره والله ياالله

وتين : ههههههههه يله روح صيح ماما

راح احمد

شويه واجتي ماما طايره من الفرح

سناء : توته ماما حبيبتي واخيراً راح تجين يمي وتخلصين من التعب والمشاكل

وتين : اي ماما بس خايفه ام احمد مراح تسكت من تعرف

سناء : يطبها مرض تلغي وتسكت

شويه وسمعت حيدر وسامر ومصطفى دخلو

رأساً كبت العيطه بس دخلو

الضاهر سألتهم وكلولها اجينه ننقل الغرفه مااحس اله دخلت للغرفه هاده وتصيح تريد تضربني ولازميها الولد

اني ضليت ارجف من الخوف

على صوتها اجه احمد وضلو يتعاركون وصارت هوسه مو طبيعيه