جرأة خلفها طفله (مكتمله)

الحلقه الاولى

الساعه السابعه صباحا تشرق الشمس بفيلا عادل العمرواى تدب الحركه بالمنزل بدأت بطلتنا بالاستيقاظ وتفتح عيون القهوة تلك التى تجذب كل من يراها وخاصه عند تلاقى أشعه الشمس مع قهوتها تقوم نجوى من سريرها وتقوم بترتيبه وتدخل الحمام لتأخذ حمام دفيئ وتخرج تقوم بتسريح شعرها و ترتدى ملابس عملها وعبارة عن بنطلون اسود و وبلوزة سمراء وجاكيت من اللون الجملى وحجاب من اللون البنى وشنطه سوداء وحذاء اسود مع نظاراتها الشمسيه وساعتها الذهبيه وكانت حقا رائعه business woman  ولكنها صغيره على ذلك اللقب تنزل نجوى وترى عائلتها ينتظرونها على الطعام ويقابلونها بابتسامه
نجوى بابتسامه :صباح الخير يا حلوين اتأخرت عليكوا  وراحت باست رأس عادل وسهام ازيكوا يا حبايبى
سهام والدة نجوى : صباح النور يا قلبى ..الحمد لله بخير يا حبيبتى
عادل والد نجوى : صباح الورد يا قلب ابوكى عامله ايه
نجوى : الحمد لله يا حبيبى  
مليكه أخت نجوى بابتسامه  : صباح النور ابدا يا روحى احنا لسه كلنا متجمعين حالا
إسراء وسميه بصوت واحد : صباح الهنى على أحلى نوجه
نجوى بضحك : يبنتى انتى وهيا مش هتستريحوا من عبطكوا دا امتى تكبروا بقى 
إسراء وسميه وبصوا لبعض : تؤتؤ ابدا انتى يا جى جى  عايزانا نعقل كده ونكبر ونتحمل مسؤوليه والتعب دا استغفر الله ربنا ما يجمعنا بالهم دا😂
نجوى : ربنا يشفيكوا يا رب يلا كلوا يلا عشان تنزلوا تشوفوا مشاغلكم وهما بياكلوا نجوى :
مليكه النهادرة أول يوم كليه ف سنتك الجديدة ( مليكه كليه آثار سنه رابعه) عايزاكى تهتمى من أول السنه وتحضرى محاضراتك واللى متقدريش تكمليها روحى وأنا هبقى ابعتلك اللى ناقصك
إسراء ( كليه علوم سنه تالته ) وانتى كذلك يا إسراء اهتمى بمحاضراتك وشوفى اللى ناقصك عشان اجيبهولك
وانتى يا سميه انتى 3 ثانوى يعنى تشدى حيلك وتبدأ دروسك صح ولو ف ماده واقعه فيها قوليلى اجيبلك مدرس خصوصى هنا ويشرحلك ماشى يا حبايبى
مليكه :  حاضر يا قلبى أن شاء الله امتياز زى كل سنه وتسلميلى يا قلبى شكرا
إسراء : عنيا يا قلبى شكرا يا حبيبتى كل حاجتى جاهزة كله بفضلك يا قلبى 
سميه : أن شاء الله  يا جى جى ربنا يوفقنى وارفع رأسك أن شاء الله بس هوا بس كان عندى مشكله بس ف الكيميا فممكن يعنى ..
نجوى : خلاص يا حبيبتى بكره أن شاء الله أول حصه كيميا من احسن مدرس كيميا لاحلى سوسو
سميه جريت عليها وحضنتها : شكرا يا جى جى يا حبيبتى ربنا يخليكى ليا يا قلبى يا رب
نجوى بادلتها الحضن  : يا هبله انتى بنتى انتى تشاورى واللى انتى عايزاه يبقى عندك ❤️
سهام : ربنا يخلكيوا لبعض يا بنتى يارب
عادل : ربنا يحفظكوا يارب ..قوليلى يا نجوى انتى هتروحى الشركه النهاردة هتتاخرى ؟
نجوى : يارب ... والله يا حبيبى على حسب الشغل بس يعنى أن شاء الله مش هتأخر  ليه ف حاجه
عادل : لا يا حبيبتى بسال بس
نجوى : ماشى يا حبيبى هروح انا بقى وانتو يا بنات عم سيد هيوصلكوا زى ما انتو عايزين بس متتاخروش ماشى
البنات:ماشى يا جى جى مع السلامه
نجوى :مع السلامه يا حبايبى
نجوى خرجت وراحت ركبت العربيه بتاعتها وراحت الشركه بتاعتها نزلت من عربيتها بهيبتها وغرورها ودخلت الشركه ..كل اللى ف الشركه قام وبسيلموا عليها وهيا ماشيه وبترد عليهم بابتسامه و وراها دخلت مروة السكرتيره الشخصيه بتاعه نجوى وصاحبتها المقربه
مروة : ازيك يا انسه نجوى
نجوى : ازيك يا مروة الحمد لله جدول النهادرة ايه
مروة : الحمد لله حضرتك .. النهاردة ف اجتماع مع شركه الرعد وف حفله النهادرة عند استاذ عزمى بمناسبه عيد جوازه  وعايز يعزم حضرتك
دخلت نجوى وقعدت على مكتبها : ماشى يا مروة معلش هاتيلى ال ice coffee  بتاعى وقلت ميت مره متقوليليش انسه نجوى انتى اختى يا مروة تمام
مروة : خلاص بقى يا جى جى عشان بس الهيبه وسط العملا 😂 إنما احنا اصلا مفيش بنا احترام 😂❤️
نجوى بضحك : أصمله  عليكى 😂❤️ طيب ماشى هتروحى الحفله ولا لاء
نجوى : تمام ماشى بس طبعا هتيجى معايا
مروة : اوك تمام عن اذنك بقى اروح اشوف شغلى
نجوى : ماشى يا حبيبتى اتفضلى 
خرجت مروة وفضلت نجوى تشتغل على اللاب بتاعها وشويه مروة دخلت بمشروب نجوى
نجوى : مروة مين اللى بينافسنا ف السوق وطلع جديد دا
مروة : دا سليم العيسوى نازل ف السوق وشكله عايز ينافسك
نجوى : انتى فاهمه طبعا
مروة : ورقه معايا اهو وكل حاجه تخصه موجودة ف الملف هنا
نجوى : تربيتى 😏 تمام أوى كده .....
مروة : الاجتماع مع شركه الرعد النهاردة لو نجحت هتبقى ف منافسه جامده أوى بينك وبينه ويا أما ييجى بالهداوة وييجى يعمل شركه معانا أو
نجوى : نقول بأى باى لسليم العيسوى
مروة : بالظبط كده ...دلوقتى استاذ محمود صاحب شركه الرعد بره تحبى يخش هنا  ولا اوضه الاجتماعات
نجوى : لا هاتيه هنا عشان الشغل يبقى على رواق بس جهزيلى ورق العقود ودفتر الشيكات
مروة : جاهزين
نجوى : تمام دخليه يلا
بعد شويه محمود دخل ونجوى قامت ورحبت بيه وراحوا قعدوا على تربيزة الاجتماعات الصغيره ومروة جمبها وبدأوا يتكلموا ف الشغل لحد ما بخبره ومهاره نجوى ف الشغل نجحت الصفقه مع محمود وكسبتها وبكده نجوى العمرواى وسليم العيسوى اللى بينافسوا ف السوق
نجوى : مروة يلا تعالى معايا يلا
مروة : لا يستى انتى بتسوقى كأنك ف سباق عربيات لا أخاف على نفسى
نجوى بضحك : يبنتى انتى خوافه اوى أجمدى كده يا حبيبتى ..خلاص عشان خاطرك هسوق بسرعه 😂
مروة  : انا صحتى ف ذمة الله بسببك روحى يا شيخه الاهى اوكرة الباب تشبك ف هدومك
نجوى بضحك : طيب ماشى هعديها لك بمزاجى يلا بينا
نجوى ومروة خرجوا ورواحوا الفيلا
مروة : سوسو ..يا سوسو انا جيت مروتك جت يا سوسو
سهام :مروتى حبيبتى تعالى هنا يا بت وحشتيني ..كده متساليش على سوسو
مروة : والله بنتك السبب بتدينى شغل وتروح هيا تشرب الice coffee  بتاعها وتسيبنى انا اتشحطط ينفع كده يا سوسو
سهام : بنتى مفتريه متزعليش ياروحى بصى بقى انا عامله النهادرة كبسه وفراخ مشويه و...
مروة : هيييه خلصانه هتغدا وبعد كده نشوف هنعمل أيه
نجوى : والله
مروة : اه والله انا هاكل انا جعانه وبعدين دا طبخ سوسو مش اى كلام يعنى يلا روحى نقلنا فستانين نلبسهم عشان الحفله
نجوى برفع حاجب: اهاا قولتيلى تمام ...
سهام : خلاص يا نوجه يا حبيبتى كلو الأول وابقى اعملى اللى انتى عايزاه
نجوى : تمام ماشى هروح اغير واجى
مروة : خدينى معاكى سوسو مش هوصيكى على طبقى
سهام بضحك : عنيا
مروة طلعت مع نجوى وكل واحده غيرت هدومها وقعدوا على السرير
مروة : نجوى
نجوى بتركيز :ايه الجديد   
مروة : نازلين كمان شهر
نجوى :..... يبقى لازم نرحب بوجودهم ولا ايه
مروة : اكيد طبعا والترحاب جاهز
نجوى : تمام أوى يلا بينا عشان ننزل نأكل ونلحق نجهز
مروة : يلا بينا
نزلم كلهم والبنات جت وقعدوا كلهم على السفره واكلم ونجوى ومروة طلعم عشان يجهزوا
نجوى كانت لابسه فستان احمر مظبوط عليها وطرحه بيضه وهيلز سودة وشنطه سودة وميك آب هادى يبين ملامحها
مروة كانت لابسه فستان اسود وطرحه حمره وحزام احمر وهيلز اسود وشنطه سودة وميك آب هادى
نجوى ومروة نزلوا إسراء وسميه بتصفير : يااا جااامد ايه الحلاوة دى
إسراء: تسمحيلى يا انسه نجوى بالرقصه دى
سميه : ايه رأيك يا ليدى مروة
نجوى بضحك : يشرفنى طبعا
مروة بضحك : بس انا اطول منك
سميه : فصيله أقسم بالله
ملكيه : أيه الحلاوة دى لا دا انتو كده هتدوخوا الناس اللى هناك
مروة : ايوا صح اللى هما قد جدى وجدك بلا خيبه دا حتى مفيش عريس اشقطه 😂
نجوى : وانتى راحه تشقطى ولا تشتغلى
مروة :ايه يا رمضان بنهزر معاك ايه مبتهزرش
نجوى : لاء بهزر يختى بس يلا عشان نروح ونيجى وبسرعة ...الهديه فين
مروة :ف العربيه يلا بينا
__________________
مازن : يبنى يلا نروح الحفله دا احتفال بعيد جوازة وعزمك مخصوص
سليم : ماشى يلا بينا
__________________
نجوى ومروة راحوا الفيلا واستقبلهم الأستاذ عزمى
عزمى : اهلا أهلا يا انسه نجوى ازيك يا انسه مروة نورتونا  ....المدام ميرفت مراتى
ميرفت : اهلا بيكو شرفتونا
نجوى : الحمد لله ..شكرا لحضرتكوا دا من زوقكوا .. كل سنه وانتو طيبين وبتدى ليهم الهديه
ميرفت : مكنشى لى لزوم التعب والله كفايه مجيتكوا
نجوى :مفيش تعب ولا حاجه
عزمى : طب اتفضلوا
نجوى ومروة راحوا قعدوا وكانوا محط أنظار للكل دى مش اى حد دى أصغر مهندسه زراعيه هنا وفتحت شركتها وكبرتها وبقت من أكبر الشركات اللى ف السوق ومعروف عنها أنها مبترحمش اى حد يدخل ف منافسه معاها تعتبر أصغر business woman ف السوق كله
بعد شويه سليم جه هوا ومازن
عزمى : سليم بيه اهلا وسهلا اتفضل ازيك يا مازن
مازن : الحمد لله شكرا
سليم :الحمد لله دا بنور حضرتك ..كل سنه وانتو طيبين
مازن : عيد جواز سعيد يا عزمى بيه 😂
عزمى : وانت طيب شكرا والله اتفضلوا
عزمى اخد سليم ومازن و وداهم عند تربيزة نجوى ومروة
عزمى :انسه نجوى ..تسمحيلى
نجوى : اتفضل يا عزمى بيه
عزمى : سليم العيسوى مهندس زراعى مهندس شاطر جدا وكمان ابن صاحبى بردو وكان والدك بردو يعرف والده بس معرفه سطحيه
ودى يا سليم انسه نجوى أصغر مهندسه زراعيه ومن أكبر المهندسين اللى ف البلد وتعتبر أصغر business woman  هنا
سليم اتسحر بعيون نجوى : يا الله ما هذه العيون اهذه عيون أم قهوتى الصباحيه التى تقوم بتعديل مزاجى وما هذه الملامح البريئه ولكن يكسوها الحزن والقسوة يا الله ما أبدع الخلق ف عيونها وشفتيها التى تشبه الكريز وجسدها
عزمى : سليم بيه انت معايا
سليم : اه طبعا مع حضرتك اهلا يا انسه نجوى اتشرفت بمعرفتك
نجوى : شكرا انا بردو اتشرفت بمعرفتك يا استاذ سليم
عزمى : عم اذنكوا هروح اشوف المعازيم
مازن : اتفضل
مازن : اهلا بيكى يا انسه نجوى ويا انسه
مروة : مروة
مازن : اهلا بيكى يا انسه مروة
مروة : اهلا بيك
نجوى : اهلا بيك
مازن: بس حضرتك مش غريبه عليا
نجوى : تعرف شركات الفهد
مازن : اه طبعا دى أكبر شركات استراد وتصدير الادويه الزراعيه
مروة : تبقى صاحبتها
سليم ومازن بصدمه :يعنى انتى نجوى العمرواى
نجوى بثقة : اه انا
سليم : اللى كسبتى الشراكه مع شركه الرعد
نجوى : ايوا انا
سليم بحقد : تمام
مروة : عن اذنكوا
نجوى ومروة قاموا وسلموا على ميرفت وعزمى ومشيوا
ف العربيه
مروة : كنتى عارفه انو هييجى
نجوى : طبعا
مروة : يبقى نبدأ اللعب صح بقى
نجوى بضحكه جانبيه : شطره وقامت مزوده السرعه
روحت مروة بيتها ونجوى على بيتها طلعت اخدت دش ولبست بيجامه بينك هاديه وقرات وردها وقعدت على سريرها
نجوى : كرهى ليكو بيكبر وبكره هتكرهوا اليوم اللى عملتوا فينا كده
_______________
مازن وسليم روحوا عند مازن وطلعوا اوضه مازن
سليم متعصب ورايح جاى ف الاوضه : يعنى هيا طلعت نجوى العمراوى وهيا اللى كانت بتنافسنا مع شركات الرعد لحد ما كسبتها وهيا هتبقى اللى منافسه ف السوق كله
مازن : أهدى بس يا سليم
سليم : أهدى ايه دى بقولك هتنافسنا كلنا واللى بيقف قصادها مبترحموش
مازن : يعنى خايف منها
سليم : انا اتجننت أخاف ايه مستحيل طبعا
مازن :خلاص أهدى وفكر بالعقل عشان تفكر صح