جرأة خلفها طفله (مكتمله)

الحلقه الرابعه

يوم جديد أحداث جديده محدش عارف هيحصل ايه
صحيت نجوى ولبست هدومها واتوضت وصلت ونزلت سلمت على أهلها ونبهت على اختها على الدرس مع شهد وراحت شركتها بكل وقار وثقه
سليم صحى لبس بدله وظبط نفسه مع برفانه وراح الشركه بردو هوا و مازن
نجوى دخلت الشركه ومروة وراها
مروة : نجوى النهاردة الصفقه مع شركه W (اللى ف كينيا ) والمفروض كمان 10 دقايق ويوصلوا
نجوى : تمام أوى ...كل حاجه جهزة
مروة : اكيد ...
شويه وسليم دخل ومازن وراه ودخل على مكتب نجوى
سليم : سلام عليكم...
نجوى : وعليكم السلام متأخر 5 دقايق والمفروض تبقى هنا من بدرى
سليم : احم...بعتذر عن التأخير
نجوى :  تمام ...ورق الصفقه هنا وكل حاجه تمام
سليم : ايوا راجعت كل حاجه وان شاء الله هنحاول نكسبها
نجوى : أن شاء الله نكسبها مش هنحاول مفيش محاوله مع نجوى العمراوى. ...زى ما اتفقنا متتكلمش غير لما اقولك تقول ايه أو نراجع سوى مفهوم
سليم بغيظ :  تمام
مروة : نجوى الوفد بره
نجوى : دخليهم اوضه الاجتماع
مروة خرجت هيا ومازن ونجوى ماشيه بثقه قدام سليم
سليم :  نجوى
نجوى : نعم
سليم : انتى كويسه
نجوى : افندم
سليم : مش قصدى بس كان باين عل وشك التعب امبارح فبسالك مش اكتر واسف لو سؤالى ضايقك
نجوى : ابدا متعتزرش ..انا الحمد لله احسن ..وشكرا لسؤالك يلا بينا
نجوى ماشيه وسليم جمبها ودخلوا اوضه الاجتماعات
الحوار مترجم
نجوى : اهلا بكم جميعا
الآخرين :اهلا بك سيدة نجوى
كيمبى : اهلا بك سيدة نجوى انا أسمى كيمبى رئيس شركه W
نجوى : تشرفت بمعرفتك
  ليون : ولكن انا من تشرفت بسيدة جميله مثلك وذهب ليسلم عليها ويملك يدها
نجوى بثقه وتعالى : لا اصافح رجال أحفظ مكانك
ليون : او اسف لم أقصد 
سليم : ومن انت لتتحدث
ليون : انا أكون شريك مستر كيمبى ولكن السؤال يعاد نفسه من انت
نجوى :هذا يكون شريكى سيد سليم العيسوى لديه أيضا مجموعه من الشركات الكبرى
سليم : هيا بنا لنبدا
............................
كيمبى :  ولكن انسه نجوى هذه الشروط صعبه للغايه وتكلفتها أصعب
نجوى : مستر كيمبى هل تعرف من انا ..انا من تسيطر على السوق هنا فى بلدى مصر والعالم الغربى فهذه مجرد شروط لحمايه شركتى ومستر سليم من ضمن شركائى ويريد أن يرى ما مدى قوة شركتى
كيمبى :ولكن هذا كثير ويمكن أن تدمر شركاتنا
نجوى : وانا لا أطلب غير حقى واسم شركاتى
كيمبى : ولكن ...
ليون :  حسنا حسنا ..سيدتى الجميله سنوافق على ما تريدين
كيمبى : ماذا
ليون بهمس : انتظر نحن نتعامل مع شركات الفهد ومع نجوى العمرواى أعتقد أن الاسم وحده كافى للتعامل ولا تنسى كيف ستكون سمعتك هناك ببلدك
كيمبى : حسنا انسه نجوى نحن موافقون
نجوى : حسنا ...هيا لنمضى
كلهم مضوا على الصفقه ونجوى عزمتهم كلهم على حفله عندها بمناسبه نجاح الصفقه
ليون : حسنا سيدتى الجميله ..أكيد سنحضر الحفله
نجوى راحت بجانب ليون و وقفت بشموخ وتكبر : أن ازدادت حدودك معى مره اخرى سترى الجحيم بعينك
سليم وجه جمبها وقال بنفس الهمس : وليس منها فقط بل منى أيضا فلا تلعب مع الموت لأنك حينها عائلتك سوف تودعك
نجوى بشر : أتمنى الا ترى هذا الجحيم dell
ليون بخوف حقيقى لأن نجوى وسليم شكلهم كان يخوف اوى ومليان شر : ح..حسنا سأذهب الآن
نجوى بصوت عالى :مستر ليون لا تنسى ميعاد الحفله سانتظرك....
سليم : وانت أيضا مستر كيمبى ...إلى اللقاء
بعد ما كيمبى وليون خرجوا نجوى راحت قعدت وغمضت عينيها
سليم : هتسمحيلى آجى الحفله ولا هتضايقى من وجودى
نجوى : أظن انك شريك معايا وليك الحق تعمل ايه ومش تعمل ايه لكن مادام سألت تنورنا ومتنساش العيله الكريمه تحضر بردو
سليم : اكيد ..تمام عن اذنك
نجوى : اتفضل
مروة دخلت
نجوى : جم
مروة : ف الطريق لبيتكوا
نجوى بنظره شر وحقد : والله وابتدى اللعب على حق ...يلا بينا
نجوى : كل حاجه جهزة
مروة : بتجهز لسه
نجوى : تمام
مروة مشيت ورى نجوى وراحوا الفيلا عند نجوى ولقوا الفيلا بتتزين وعمال كتيره أوى
نجوى دخلت : مامى ..عامله ايه وراحت باست رأسها
سهام (الأم ) : الحمد لله يا روحى ايه اللى بيحصل بره دا البت ميرو كلمتنى وقالت هنعمل حفله ليه
نجوى : لأن بنتك كسبت صفقه عملتها مع شركه ف كينيا وقلت المفروض نرحب بيهم
سهام بفرحه : بجد يا روحى الف الف مبروك
عادل (الاب) : هيا دى بنتى بنت عادل العمراوى
نجوى راحت عليه وحضنته : وانا هطلع لمين غيرك
عادل :ربنا يخليكى ليا يا قلبى انتى و مامتك واخواتك يارب
نجوى :يارب يحبيبى ويخليك لينا
عادل :احم ....نجوى
نجوى : نعم
عادل :انتى عارفه انهم هييجوا النهاردة ...
نجوى :عارفه يا بابا ومادام انت موافق خلاص شوف هيقولوا ايه
عادل : ماشى يا حبيبتى
مروة : سوسووووو يا قلباااى ...ايه دا سورى يا عمو انت هنا
سهام بضحك: تعالى يا هبله ف حضنى دا عمك عادل عادى هيا اول مره تعمليها
مروة : على رأيك ههه طابخه ايه النهاردة
سهام : يبنتى النهاردة أختك قالت الطباخ اللى هييجى ويطبخ وانا هقولهم بس يعملوا ايه
مروة :اكيد ف خروف ..ششش الفخده تلزمنى
نجوى : طب مش يلا ولا ايه ورانا شغل
سهام : يبنتى اقعدوا شويه واهدوا شويه ..
مروة : كلمه كمان لو قلتيها مش بعيد تجبنى من شعرى عن اذنك اتفضلى يا ليدى نوجه ههه
نجوى طلعت ومروة
مروة : نص ساعه والفساتين تيجى
نجوى :تمام ......الو سلام عليكم
لوسيفر :  وعليكم السلام ..خير يارب
نجوى بابتسامه : خير ف حفله النهاردة عشان نجحت ف صفقه مع شركه ف كينيا ف عملت حفله
لوسيفر : الف مبروك أولا ثانيا اللى بعده
نجوى : جايين النهادرة
لوسيفر : هلبس وهبقى عندك
نجوى :  مستنياك سلام
مروة دخلت جناحها واخدت شاور (مروة ليها جناح ف الفيلا باعتبار انها بتيجى عند نجوى كتير وتعتبر اختهم ) ونجوى اخدت شاور ولبست و صلت وقعدت شويه
مليكه :جى جى
نجوى : تعالى يا قلبى
مليكه : هتوحشينى
نجوى : هتسافر دلوقتى
مليكه : اه
نجوى حضنتها : ربنا معاكى يا قلبى ويجعلك ف كل خطوة سلامه
مليكه : ليا وليكى يا حبيبتى
نجوى نزلت معاها وأهلها سلموا عليها ومروة وأدهم ( لوسيفر ) جه وسلم عليها بردو وسافرت مليكه مع بردو حمايه سيف ليها وحمايه خاصه من نجوى
شويه شويه ف ناس دخلوا
سيد العمراوى أخو عادل العمراوى مراته داليا الجارحى ( شريرة وكل اللى فالحه بيه تتظاهر بعيالها الولاد ) اولاده حازم سيد العمراوى ( خريج كليه تجارة وفاشل ) و وائل سيد العمراوى ( خريج كليه سياحه وفنادق وفاشل بردو )
سعد العمراوى أخو عادل وسيد العمراوى مراته إيمان العادلى ( ست شريرة ومش بتحب عادل ولا مراته ولا عياله كل اللى همها الفلوس والثروة ) عياله عزيز سعد ( خريج كليه حقوق بس بيسكر وبتاع ديسكوهات) و ساره سيد العمراوى (  كليه تربيه رياضيه بتهتم بالفاشون والموضه وبتكره نجوى جدا )
كل دول كانوا داخلين الفيلا وعادل كان ف استقبالهم هوا وسهام عادل سلم على اخواته وسهام سلمت على سلايفها وعيالهم وقعدوا وكل دا نجوى كانت شايفاه وقالت لسميه واسراء ينزلوا الأول ويسلموا كلام بس ونجوى كانت بتضحك بسخريه عليهم
مروة : هتعملى ايه
نجوى :هتشوفى يلا ...
مروة :نجوى بس دول....
نجوى : دول ولا حاجه بالنسبالى انتى من عيلتى يعنى وجودك زى وجودى انتى اختى يلا 
سيد العمراوى : كبرت يا عادل وعجزت
عادل :اهو بقى يا سيد العيال ربنا يبارك فيهم
سعد العمراوى : صحيح الا هما فين مش هيسلموا على اعمامهم
داليا :هتلاقيهم مش فاضيين
عادل : لا ازاى اهو إسراء وسميه اهم جم
سميه واسراء داخلين بثقه واسراء كانت داخله بثقه واشمئزاز منهم لكن سميه متعرفش حاجه داخله تسلم زى ما اختها قالت بالظبط
إسراء وسميه  : أزى حضرتكوا
سعد : ازيك يا إسراء انتى وسميه مش هتيجى  تسلمى عليا يا اسراء
إسراء :معلش يا اونكل مش بحب أسلم على رجاله غرب
سيد : بس احنا اعمامك
إسراء : معلش يا اونكل يعتبر حضرتك غريب عنى بقالنا سنين
سهام : أمال فين نجوى يا سوسو
نجوى نزلت بكل هيبتها وثقتها وغرورها وطبعا لابسه حجابها ونزلت قعدت ف نص المكان كانت محط أنظار للكل ومروة كانت قاعده جمبها
نجوى : اهلا بيكوا
سيد : ايه يا نجوى مش ...
نجوى بصوت جهورى وصعب : البشمهندسه ....البشمهندسه نجوى بتنادى بكده
سعد بتوتر : ايوا طبعا البشمهندسه نجوى عامله ايه
نجوى بغرور :  الحمد لله زى ما انت شايف
سيد :بس مين اللى قاعده معانا دى علاقتها ايه...
مروة حست انو مش مكانها وجايه تقوم نجوى مسكتها وقعدتها وقاطعته : مروة إبراهيم العدوى اختى وصاحبه بيت وبتكون اختنا الخامسه وهيا بتكون مكانى هنا يعنى فرد من العيله
سعد : اهلا بيكى يا مروة
نجوى : البشمهندسه مروة انا لسه قايله هيا مكانى
سيد : طبعا طبعا اتشرفنا بمعرفتك
مروة : وانا كمان  
عادل : وانت عامل ايه يا حازم انت و وائل وانت يا عزيز وانتى يا ساره عامله ايه أعتقد انك لسه ف كليه
ساره بغرور : ايوا لسه
نجوى باستحقار لها وثقه : كليه ايه يا ...ساره
سارة : كليه تربيه رياضيه
نجوى : اممم
عادل : وانت يا عزيز
عزيز : خريج حقوق يا عمى
داليا : إنما عيالى حازم خريج تجارة و وائل خريج سياحه وفنادق
إيمان : وانتى يا نجوى ...
نجوى  نظرت ليها نظره حارقه وكلها شر ومروة أتكلمت بصوت قوى  : قلتى ايه
إيمان بتوتر : بشمهندسه نجوى ...خريجه ايه ولا ..
صوت ادهم ( لوسيفر ) بفخر : خريجه كليه هندسه زراعيه وفاتحه أكبر شركه ف مصر لاستراد وتصدير الادويه الزراعيه لشركات الفهد  يعنى باختصار  أكبر مهندسه زراعيه ف مصر وأصغر business woman  ف الشرق الأوسط
عادل : ادهم حبيبى انت كنت فين تعالى
ادهم : أزى حضرتك يا عمى ازيك يا مرات عمى
سهام : الحمد لله يا حبيبى تعالى اتفضل أقعد جمبى تعالى
نظرات متبادله بين نجوى وأدهم ومروة احترام وحب وثقه وفخر وصداقه وقبلها اخوة
طبعا كل دا سميه مش فاهمه حاجه ولا ليه اختها بتعمل كده بس هيا بتثق فيها و كلامها وعمرها ما تعترضه واسراء نظرات ثقه ف اختها وحب ليها
داليا : وانتى يا سميه ف سنه كام
سميه : ف 3 ثانوى يا aunt
داليا : اسمها طنط يا حبيبتى متعوجيش بقك
نجوى : معلش يا مدام داليا أصل اختى سميه ف مدارس international  يعنى لغات يعنى اختى بتتكلم English ولغات  كويس أوى بس بتكلمكوا عربى عشام تفهموها أصل تقريبا انتى كنتى مدارس حكومى باين
داليا بغيظ : ومالها الحكومى
مروة : ابدا مدارس كويسه بس كل واحد والبيئه اللى بتربى فيها ومتربى ازاى
داليا بزعيق : تقصدى ايه
سهام : أهدى يا داليا مش قصدها حاجه
نجوى :مامى ...مدام داليا انتى متعصبه ليه ولا اللى على رأسه بطحه
سميه بتكلم أسبانى :   
Najwa en tu oreja para dejar mi lección
(نجوى عن اذنك هروح الدرس بتاعى )
نجوى :
Kashy, vale, alma mía. Sé que aún está mal, pero sé que no te gusta el ambiente en tu comodidad, alma mía, alma mía, y ven a la fiesta
(ماشى يا روحى انا عارفه ان لسه بدرى بس انا عارفه انك مش حابه الجو براحتك يا روحى روح  وتعالى عشان الحفله)
سميه :
Ok mi corazon adios
( اوك يا قلبى مع السلامه )
مع السلامه يا جماعه
عادل وسهام : مع السلامه يا روحى
ساره : دا ألمانى
مروة بثقه : لاء دا اسبانى
سهام :طب اتفضلوا يا جماعه عشان تاكلوا عشان الحفله
كلهم قاموا وراحوا السفره وهما ماشيين
ادهم : هيموتوا منك
نجوى بثقه : عارفه
مروة : خليها واحده واحده
ادهم :عشان يستوا على النار براحه
نجوى : متقلقوش
راحوا كلهم قعدوا على السفره
سعد : انت عارف يا عادل احنا جايين ليه
عادل بتنهيده : عارف يا سعد
سيد : طبعا احنا جايين نبدأ صفحه جديده وننسى كل اللى فات
عادل بحزن بس بيحاول يخفيه ونجوى لحظه دا واقسمت هتعذبهم : عن نفسى يا سيد انا مسامح ف  حقى لكن حق عيالى ومراتى دا يرجعلهم هما
سهام : انا مسامحه ف حقى يا عادل
كلهم بصوا لنجوى وهيا بتبتسم بثقه وسخريه
إيمان : وانتى مش هتقولى حاجه
نجوى : والله سيبولى فرصه أفكر الأول ...عن اذنك يا بابا انت وماما هنروح نجهز عشان الحفله
نجوى قامت وعلى يمينها مروة وعلى شمالها لوسيفر و إسراء قامت وراهم وراحت تخرج بعربيتها شويه وقالت لنجوى وهيا ماشيه
بالليل الكل جهز نجوى كانت لابسه فستان بسيط جدا